Y gair Cymraeg am 'keyboard'

[Hedd Gwynfor]

Mae 'na rai sy'n amlwg yn non-starters - fel "ysgytlaeth"

Fi'n dweud ysgytlaeth! (wel sgytlath i weud y gwir)

[sian]

Mae 'na rai sy'n amlwg yn non-starters - fel "ysgytlaeth"

Fi'n dweud ysgytlaeth! (wel sgytlath i weud y gwir)

Wyt wir? Oes rhywun arall?
Pan oedd 'na stondin milc-shêc yn Steddfod o'n i bob amser yn treio paratoi fy hunan yn y ciw i ofyn am "Sgytlaeth mefus" ond roedd e bob amser yn dod mas fel "Milc-shêc strawberry". Mae'n haws nawr - ti jest yn gallu codi carton Daioni a mynd ag e at y cownter yn Blas.

[dafydd]

Pan oedd 'na stondin milc-shêc yn Steddfod o'n i bob amser yn treio paratoi fy hunan yn y ciw i ofyn am "Sgytlaeth mefus" ond roedd e bob amser yn dod mas fel "Milc-shêc strawberry".

Dyna'r broblem gyda llawer o'r bathiadau newydd yma. Mae'n iawn eu defnyddio nhw wrth ysgrifennu ond ychydig iawn sy'n eu defnyddio ar lafar. Mae'n amhosib gwneud hynny heb deimlo fel rhyw 'Rhisiart' neu 'Glenys'.

Os oedd angen cyfieithu 'keyboard' mewn testun fasen i'n defnyddio 'bysellfwrdd'. Wrth sgrifennu yn Gymraeg, mi fyddai weithiau yn cyfeirio at allweddell am mod i'n fwy cyfarwydd a'r gair (o gyd-destun allweddellau piano/synth). Ar lafar mae'n sicr mai cî-bôrd fasen i'n dweud. Os oedden i'n athro mae'n siwr fydden i'n trio siarad 'Cymraeg graenus' er mwyn gosod esiampl. Neu os oeddwn ni yn gwneud cyflwyniad yn gyhoeddus mi allen i ddefnyddio'r gair oherwydd y disgwyliadau yn erbyn siarad bratiaith.

Dwi ddim yn meddwl fod hyn yn ddim byd unigryw chwaith.. dwi'n defnyddio geirfa wahanol iawn wrth ysgrifennu saesneg ac wrth ei siarad gyda chyd-weithwyr neu siarad mewn cyd-destun ffurfiol/cyhoeddus.