maes-e.com

Fasai rhywun yn medru esbonio beth ydy'r gwahaniaeth rhwng cwm a dyffryn?

Emma Reese a ddywedodd:Fasai rhywun yn medru esbonio beth ydy'r gwahaniaeth rhwng cwm a dyffryn?

Yr argraff sydd gen i yw bod cwm yn gulach ac iddo ochrau serth a bod dyffryn yn fwy eang - yn aml yn cynnwys tir ffermio da.

GPC: cwm: "dyffryn cul a dwfn ac ochrau serth iddo". Yn ddifyr iawn, mae'n dweud bod "cwm" yn dod o'r un tarddiad â'r geiriau am lestr (Gwyddeleg), cafn bwydo, noe (Llydaweg), gwaelod llong (Galeg (Gaulish)), cwpan, bowlen, cwch / pant, padell, cwpan (Groeg)

Mae'n dweud bod "dyffryn" "fel rheol yn lletach na glyn neu gwm". Mae'r gair dyffryn yn dod o dwfr + hynt.

dwi'n meddwl mai'r diffyniad daearegol o gwm ydi dyffryn a ffurfiwyd gan rewlif - sydd yn esbonio ei ochrau serth a chulni.

Diolch yn fawr i chi, Sian, Mr. Gasyth am y wybodaeth!

Mr Gasyth a ddywedodd:dwi'n meddwl mai'r diffyniad daearegol o gwm ydi dyffryn a ffurfiwyd gan rewlif - sydd yn esbonio ei ochrau serth a chulni.

Dw i ddim yn credu. Mewn daeareg, mae term arbennig, sef "cwm" neu "corrie" (coire) neu "cirque", am dwll o flaen copa mynydd a gafnwyd gan ia ac yn aml iawn mae llyn bach ynddo. Ond yn gyffredinol, e.e. Cwm Rhondda ac ati, dim ond dyffryn cul mae cwm yn golygu. Rhaid cofio hefyd fod rhewlif yn tueddu i ffurfio dyffryn U, nid dyffryn V, h.y. dyffryn yn hytrach na chwm.