maes-e.com

"Cadwch yn gynnes!" gawson ni ganddo fo nithiwr

Dwi'n cofio John Meredith, gohebydd y BBC yn y canolbarth, yn dweud wrtho fi unwaith ei fod e'n meddwl y dylai pobl gael siarad yn Gymraeg ar Wales Today - wedyn fod nhw i roi troslais Saesneg neu is-deitlau yn yr un modd a ma nhw'n neud pan maen nhw'n cyfweld rhyw arweinydd o'r Aifft neu ble bynnag ar y 6 O' Cloc news yn Llundain. Byddai hynny wedyn yn gwneud y Cymru di-Gymraeg yn fwy ymwybodol fod yna ddwy-iaith yn cael ei defnyddio dydd i ddydd gan bobl yng Nghymru. Dwi'n meddwl fod hwn yn syniad da iawn.

Cytuno eto!
Mi ddylen ni gyd sgwennu neges ato yn y BBC yn diolch am ei ymdrechion a'r esiampl dda yn hyrwyddo'r iaith, yn y gobaith o gynyddu ei ddefnydd o'r iaith yn ystod 2010!

Chwadan a ddywedodd:"Cadwch yn gynnes!" gawson ni ganddo fo nithiwr

Tasa Claire Summers yn dweud hynna - a cynnig i'n nghadw'n gynnes, sa hynna 'di bod yn ddigon cwl. Ond eto, i fi yn uniongyrchol Claire Summers yn darlledu bob tro...'Sdim ots gen i be dwedodd y llys.

Yn ôl yr erthygl am Derek yn Golwg wythnos yma, mae ambell wyliwr yn cwyno am "ymddygiad" Mr Brockway tra'n darlledu'r tywydd, am feiddio defnyddio ymadroddion Cymraeg! Pa mor drist yw hynny? Mwy o reswm i sgwennu ato!

Anhygoel a thrist iawn! Doedd dim gair yn y Gymraeg gydag e nithwr... mae DB yn chwa o awyr iach ar y teledu

Aelod Llipa a ddywedodd:Yn ôl yr erthygl am Derek yn Golwg wythnos yma, mae ambell wyliwr yn cwyno am "ymddygiad" Mr Brockway tra'n darlledu'r tywydd, am feiddio defnyddio ymadroddion Cymraeg! Pa mor drist yw hynny? Mwy o reswm i sgwennu ato!

Trist? Blydi anhygoel! Fasai hynny ddim yn digwydd yn Lloegr! Er enghraifft, unwaith ddaru fi bod yn Lloegr ar 1/3 a dyna Sian Lloyd (cyn iddi ddod yn wedjyn i Lembit Opik) wrth ddarllen rhagolwg y tywydd ac yn dechrau gyda rhywbeth fel "Bore da" os cofia' i'n iawn. Hyd am wn i, doedd na ddim yr un gwyn.

Mae'r un peth yn digwydd yma yn yr Alban. Mae Cyngor yr Ucheldiroedd eisiau codi arwyddion ffordd dwyieithog - ac mae na gynghorydd o Gaithness - John neu Iain Rosie - yn ffyrnig yn erbyn hyn (gweler John O Groat Journal ac ati). Ond beth mae pobl Lloegr yn feddwl? Iddyn nhw, mae'n dda gweld arwyddion yn cynnwys Gaeleg - sdim ots am ddallt te beidio, rhan o brofiad ymweld a'r Alban ydy o. Ac, felly, yn rhoi hwb i dwristiaeth - trist efallai, ond rhaid, yn anffodus.

Beth maen nhw'n deud am broffwydi yn eu gwledydd eu hunain?