maes-e.com

Hedd wnei di dynnu'r drafodaeth yma i lawr! Newydd weld y ddolen i'r wefan Cymraeg - http://www.wru.co.uk/cym/13009.php

Ma nhw wedi gwneud tipyn o gynnydd i fod yn deg, llawer gwell na'r FAW, jest nad yw'r botymau iaith yn amlwg iawn 'ENG' a 'CYM' ma nhw'n defnyddio, ar ochr top chwith y wefan - http://wru.co.uk/cym/23042.php

Datganiad yma - http://www.cyngor-chwaraeon-cymru.org.uk/24581

Gelli di weld yma y tudalennau a'r adrannau ma nhw wedi cyfieithu hyd yma - http://wru.co.uk/cym/ (Dylai y ffolder yna naill ai fod ar glo, neu fod tudalen index yno!)

Beth sydd angen iddyn nhw wneud yw parhau i gyfieithu'r holl gynnwys, ac i wneud y botymau iaith yn gliriach a defnyddio 'Cymraeg' a 'English'. Hefyd, gan eu bod yn defnyddio 'splash' sgrin, dylai fod opiswn iaith amlwg iawn yma hefyd - http://wru.co.uk/

Ond am wefan Stadiwm y Mileniwm, uniaith Saesneg! http://www.millenniumstadium.com/

Diolch. Wnei di dynnu hwn lawr oherwydd fy nghamgymeriad. Wps!!

Mae'n well ei adael fel bod pobl yn sylweddoli fod y wefan bellach ar gael yn Gymraeg (wel rhannau helaeth beth bynnag!)

Aaaaaah. O'r diwedd.

Hedd - popeth yn iawn. Mae hi yn annodd gweld bod yna fersiwn Gymraeg ar gael a dyna pam y gwnes i feddwl nad oedd tudalennau Cymraeg i'w cael. Fel arfer, mae'r ddolen ar gyfer tudalennau Cymraeg ar ben y dudalen. Gwell fydda cael tudalen groeso sy'n gorfodi rhywun i ddewis iaith - hy does dim dewis diofyn - ac yna rhoi dolen i newid iaith ar frig pob tudalen, fel, e.e gwefannau cynghorau. Ers gwneud hynny, mae Cyngor Gwynedd yn cael 40% o ymwelwyr yn dewis y tudalennau Cymraeg!

Son am wefannau cynghorau, annodd cael gwell nac un Wrecsam. Er bod yr ardal yn llai Cymraeg na llawer o lefydd, tydw i erioed wedi cael sefyllfa lle nad oes tudalen Cymraeg cyfatebol i un Saesneg ar gael. Dyna fodel i gyrff fel URC a CPC

Er bod yna dudalennau Cymraeg ar wefan URC, nid oes gair o Gymraeg ar eu e-lythyr . Fe ddylai fod yn gwbl ddwyieithog yn fy marn i.

I ychwanegu at y pwynt yn gynharach, dwi'n sylwi bod y dudalen groeso yn uniaith Saesneg sydd yn warth llwyr. Gweler - http://www.wru.co.uk/

Dylai bod y dudalen hon yn gwbl ddwyieithog a'ch bod yn cael dewis o fynd at y hafan Gymraeg neu'r hafan Saesoneg fel ar dudalen groeso cynghorau sir.