Treiglo'n feddal ar ôl yn i "meddwl" gydag enw'n ei ddilyn e

Tafodieithoedd, beth yw *** yn Gymraeg, gramadeg, dywediadau ac ati

Cymedrolwr: Gwen

Rheolau’r seiat
Tafodieithoedd, beth yw *** yn Gymraeg, gramadeg, dywediadau ac ati. Pwyswch yma i ddarllen canllawiau cyffredinol maes-e.

Treiglo'n feddal ar ôl yn i "meddwl" gydag enw'n ei ddilyn e

Postiogan xxglennxx » Sul 24 Gor 2011 1:17 am

Helo, bawb,

Sut mae? Iawn 'te, a allwch chi egluro imi pam rydym yn dweud, ac yn ysgrifennu, "Beth wyt ti'n feddwl o gerddoriaeth roc?" Rydym yn ei haddysgu mewn Cymraeg ail iaith.

Os ydyn ni'n rhoi pob elfen yn y frawddeg, dyma'r hyn a gawn: "Beth wyt ti'n ei feddwl e o gerddoriaeth roc?" Nawr, imi, oherwydd bod enw(au) gennym, sef "cerddoriaeth (roc)," nid oes angen y treiglad meddal gan fod y "meddwl" yn cyfeirio at y gerddoriaeth, ac nid at "ei" ('it' fel arfer yn Saesneg).

Mae'n fel dweud, "What do you think it of rock music?" yn y Saesneg.

Dwi wedi siarad â'm mentoriaid yn y Brifysgol, ac maen nhw wedi dweud bo fi sy'n gywir, ond "dydy iaith ddim yn dirywio, ond yn datblygu." Grrr. Ai dyma'r ffurf a ddefnyddir bellach? Ac os ydyw, pa eithriadau i'r rheolau sydd yna hefyd?

Felly, yn y bôn, p'un sy'n gywir(ach!)? "Beth wyt ti'n feddwl o..." neu "Beth wyt ti'n meddwl o..."?

Diolch ichi.
xxglennxx
Defnyddiwr
Defnyddiwr
 
Negeseuon: 99
Ymunwyd: Iau 12 Ebr 2007 4:00 pm
Lleoliad: Caergybi

Re: Treiglo'n feddal ar ôl yn i "meddwl" gydag enw'n ei ddil

Postiogan Gwen » Gwe 29 Gor 2011 8:25 am

Ti'n cysylltu 'meddwl' a 'cherddoriaeth', ond nid hynny sy'n esbonio'r frawddeg. Rhwng 'beth' ac 'ei' mae'r cysylltiad. Felly nid "What do you think it of rock music?" ond "What is it that you think of rock music?"

Dwi'n meddwl!

Felly yr hyn sydd hefyd yn swnio'n fwya naturiol sy'n fwya cywir: "Beth [wyt] ti'n feddwl...?" Felly hefyd "Beth [wyt] ti'n ddweud?" ayyb. Byddai "Hyn dwi'n feddwl o..." yn dilyn yr un patrwm. OND "Pam ti'n meddwl hynny?" - does dim 'ei' yno yn y lle cynta i fod wedi achosi treiglad.
Mwy no thân mewn eithinen.
Rhithffurf defnyddiwr
Gwen
Cymedrolwr
Cymedrolwr
 
Negeseuon: 1825
Ymunwyd: Llun 14 Ebr 2003 2:40 pm
Lleoliad: Aberystwyth

Re: Treiglo'n feddal ar ôl yn i "meddwl" gydag enw'n ei ddil

Postiogan Hazel » Gwe 29 Gor 2011 11:56 am

Oh diolch, Gwen! Rwy' wedi moyn gwybod hynny ers hydoedd.
Hazel

Gwell rhoi na derbyn -- yn enwedig cyngor. (Twain)
Hazel
Defnyddiwr Arian
Defnyddiwr Arian
 
Negeseuon: 530
Ymunwyd: Iau 12 Hyd 2006 9:27 pm
Lleoliad: Missouri, U.D.A

Re: Treiglo'n feddal ar ôl yn i "meddwl" gydag enw'n ei ddil

Postiogan Duw » Sul 31 Gor 2011 6:26 pm

Wel, os o't ti'n dod o Fry'man byddet ti ddim wedi treiglo'n y lle cynta. :)

Be ti'n meddwl... (pob tro)

Sori dwi'n gwbod dyw hwnna ddim yn ychwanegu at y drafodaeth. Bygo mas ....
Rhithffurf defnyddiwr
Duw
Gweinyddwr
Gweinyddwr
 
Negeseuon: 1263
Ymunwyd: Mer 16 Ion 2008 6:39 pm
Lleoliad: fanyn a wynco

Re: Treiglo'n feddal ar ôl yn i "meddwl" gydag enw'n ei ddil

Postiogan peter9091 » Maw 06 Tach 2012 7:11 am

Oh diolch, Gwen! Rwy' wedi moyn gwybod hynny ers hydoedd.
peter9091
Defnyddiwr
Defnyddiwr
 
Negeseuon: 1
Ymunwyd: Maw 06 Tach 2012 7:05 am


Dychwelyd i Defnydd yr Iaith

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 4 gwestai

cron