Arolwg cefndir ieithyddol trigolion y maes:

[Aran]

O ran ymateb Aran ac Owain dwi wedi dod i'r casgliad taw y rhai sydd yn sgwenu'r Gymraeg y gorau yw'r rhai sy wedi dysgu'r iaith.

dw i'm yn siwr am hynna o gwbl, 'de - mae'r rhan helaeth o Gymry Cymraeg yn medru newid cywair yn llawer iawn mwy llwyddiannus na dysgwyr, ac mewn sefyllfa fel hyn maen nhw'n tueddu i sgwennu'n anffurfiol, gan fod dyna ydy natur y bwrdd. mae dysgwyr yn tueddu i'w gael o'n anodd i sgwennu'n llai ffurfiol, wedi dysgu (gan amlaf) 'iaith safonol'.

mae'n cymryd gwaith caled i sgwennu'n slac...

wrth gwrs, mae 'na elfennau eraill - sustem addysg sydd wedi dibrisio'r Gymraeg (yn enwedig ar ran gramadeg), sydd wedi arwain at lawer o bobl Gymraeg iaith gyntaf sy'n fwy cywir ac yn fwy hyderus eu Saesneg, a/neu yn teimlo bod Saesneg ydy'r iaith priodol ar gyfer unrhywbath swyddogol, fel sydd i'w weld ym mhatrymau llenwi ffurflenni yng Nghymru.

mae'n anhygoel y ffordd bod rhai Cymry wedi cael eu dysgu i feddwl bod nhw ddim yn siarad eu mam-iaith yn dda - wel, anhygoel ac yn dor-calonnus. mae'n wirioneddol yn torri 'nghalon bob tro bod Cymro neu Gymraes yn deud wrtha i 'ew, ond wrth gwrs ti'n siarad Cymraeg llawer gwell na be sy gen i...' a'r iaith yn dal i fod yn rhwybath ail-law i fi, fel 'tae, ac yn fyw a chwbl naturiol yn eu cegau a chalonnau nhw...

sori, dw i ar ben 'ngheffyl. dylwn i fynd allan am dro...

[pogon_szczec]

mae'n cymryd gwaith caled i sgwennu'n slac...

Sai'n meddwl bo fe'n cymryd lot o effort i sgwenu'r Gymrag yn slac.........

Jyst anghofia ambwyti accuracy. And write in English os ti mo'yn neud e.

Perhaps yn lle treial polisho dy Gymrag feddylia am fynd ar gwrs. 'How to sgwenu'r Gymrag yn crap.'

mae'n wirioneddol yn torri 'nghalon bob tro bod Cymro neu Gymraes yn deud wrtha i 'ew, ond wrth gwrs ti'n siarad Cymraeg llawer gwell na be sy gen i...'

'Falle bo nhw jyst yn gweud y gwir wrthyt ti.

[nicdafis]

Nadyn, maen nhw'n siarad bolycs. Dw i'n cytuno ag Aran, mae hyn yn noddweddiadol, a rhywbeth mae pob dysgwr profiadol wedi clywed troeon, nid gan Cymry ifainc, ond pobl henach fel arfer.

[pogon_szczec]

Ac i'r rhai sy wedi/yn dysgu'r Gymraeg .........

Pam?

Dwi ddim yn gwybod. Mae'r ffaith fy mod wedi dysgu'r Gymraeg wedi achosi tipyn o benbleth i gyfeillion fy nheulu a nawr fy ngwraig. (Pam wyt ti'n treulio sut cymaint o amser ar y wefan Gymraeg na?) 'Falle o'n i jyst yn lico swn yr iaith pan o'n i'n gwrando ar ganlyniadau rygbi fel plentyn.

Sut?

O'n i'n arfer gwrando ar 'Catchphrase' pan o'n i'n byw yn Stoke-on-Trent.
Yna nes i fencyd y cwrs Linguaphone o'r llyfrgell, a phrynais i "Teach yourself Welsh". Y cam nesaf oedd mynd ar y cwrs Wlpan yn Llambed. O'dd partner Cymraeg da fi am ddwy flynedd a o'dd hi'n gwrthod siarad Saesneg da fi.

A oedd yn anodd?

O'i chymharu ag ieithoedd eraill nid yw'r Gymraeg yn anodd. Mae'r acen yn eithriadol o anodd i Saeson, a dwi'n ffaelu gwahaniaethu rhwng e.e. 'llew' a 'llaw'. A fel mae Aran wedi sylwi, yn anffodus sdim rhaid siarad y Gymraeg. Dwi'n meddwl yn bersonol bod Cymry Cymraeg yn gallu bod yn hynod o ansensitif (dim bawb wrth gwrs) i 'r rhai sy'n treial dysgu eu hiaith, ac o'n i'n cael y teimlad mod i 'ddim yn berthyn' mewn cyfarfodydd cymdeithasol pan o'dd y Gymraeg yn cael ei siarad.

A ydych yn siarad ieithoedd ar wahan i'r Gymraeg a'r Saesneg?

Dwi di treial dysgu sawl iaith. Ieithoedd Celtaidd, y Ffraneg a'r Almaeneg yn yr ysgol, ac yn nawr y Bwyleg.

A ydych yn dod o gefndir Cymreig?

Dim o gwbl. Ces i fy ngeni a'm magu yn Ynys Wyth.

Gyda llaw Owain, Aran, Nic a finnau yw'r rhai sy wedi dysgu'r Gymraeg fel oedolion. Pwy yw'r pumed?

[Leusa]

ww lle ma ynys wyth?

[nicdafis]

Yn <a href="http://www.wightonline.co.uk/wight/wight_pages/extract_1.html">Lloegr</a>. Wel, ar bwys Lloegr

[SbecsPeledrX]

Blaw i chi wybod. Dysgu'r Gymraeg yn yr ysgol wnes i.

[Hogyn o Rachub]

Saesnaeg oedd fy iaith gyntaf i, ond Cymraeg yw fy mamiaith. Boed yn Nyffryn Ogwen neu yng Nghaerdydd, Cymraeg ydw i'n siarad rhan amlaf (yn ddigon rhyfedd, dwi'n siarad mwy o Gymraeg yma nac yn Pesda! Siarad nesaf peth i ddim yma, er mai Saesnes yw Mam a Saesnaeg dwi'n siarad gyda hi). Dwi'n ystyried Cymraeg yn iaith gyntaf i mi [er oeddwn i'm yn meddwl fod gen i broblem yn siarad Saesnaeg nes i un o'm fflatmets yn Senghennydd ddweud i mi'n hollol wahanol, a mynd i Marks & Sparks a gofyn am 'nionions']

[cythralski]

Saesneg yn iaith gynta' - mam a dad yn dod o'r Wirral. Ysgol gynradd 'saesneg' yng Nghlwyd, wedyn ysgol uwchradd yng Nghlwyd oedd yn derbyn 'dysgwyr' a 'cymry' (dwn i'm os ydy'r termau dal yn bodoli yn yr ysgol erbyn hyn - oes 'p.c' and all that).
Astudio'r Gymraeg yn y Brifysgol, dysgu Cymraeg mewn ysgol gyfun yn y cymoedd am 5 mlynedd.

[Clarice]

I fynd yn ol at y cwestiwn gwreiddiol, wy'n cymryd fod pawb wedi DYSGU'r Gymraeg - h.y. ddaeth neb mas o'r groth yn ei siarad yn rhugl.
Yn bersonol felly wy'n credu dylen ni gael gwared ar y term "dysgwyr" achos bod pawb wedi bod yn ddysgwyr ar ryw adeg - dim ond bod rhai 'di dysgu'n gynt nag eraill.