Arolwg cefndir ieithyddol trigolion y maes:

[Ifan Saer]

I fynd yn ol at y cwestiwn gwreiddiol, wy'n cymryd fod pawb wedi DYSGU'r Gymraeg - h.y. ddaeth neb mas o'r groth yn ei siarad yn rhugl.
Yn bersonol felly wy'n credu dylen ni gael gwared ar y term "dysgwyr" achos bod pawb wedi bod yn ddysgwyr ar ryw adeg - dim ond bod rhai 'di dysgu'n gynt nag eraill.

Clywch clywch Clarice!

Ew, doethineb...

[Cardi Bach]

Cymrag odd iaith yr aelwyd a ches i'n fagu gyda'r Gymrag fel mamiaith.
Ddysges i Sisneg pan o'n i tua 8 yn ffurfiol, er fod e'n rhan o fywyd pob dydd yn yr ysgol.

[Geraint]

Cymraeg o'r dechre. Dwi'n credu nes i ddysgu Saeseng yn iawn ar ol symud i o Langefni i'r Drenewydd pan o ni'n bump, a dechrau ysgol yn uned Gymraeg gyda canran fawr o blant o gartrefi di-gymraeg.

[fela mae]

Cymraeg yw fy mam iaith. Nes i ddysgu saesneg pan ron in 8. Don i ddim n deall pam bod rhaid dysgu iaith arall a minnau'n ymdopi yn iawn hefo'r gymraeg yn unig blaw am yes a thankiw ! Sai'n meddwl bod fy saesneg i wedi gwella lot erbyn heddi ! Rodd Mam a Dad yn siarad saesneg da'i gilydd pan don nhw ddim isie fi ddeall beth ron nhw'n siarad am. Ma Nain dal i neud na hyd heddi !!!

[pogon_szczec]

Beth sy'n ddiddorol i fi am yr arolwg yw pam mae cynlleiad o bobl ar y maes sy wedi dysgu'r iaith yn yr ysgol.

Mae'n ymddangos bod llawer o bobl o gefndir di-Gymraeg sy wedi cael addysg trwy gyfrwng y Gymraeg, ddim yn gwneud fawr o iws o'r Gymraeg ar ol iddynt adael yr ysgol.

Pam?

[Pino]

Saesnaeg oedd fy iaith gyntaf i, ond Cymraeg yw fy mamiaith. Boed yn Nyffryn Ogwen neu yng Nghaerdydd, Cymraeg ydw i'n siarad rhan amlaf (yn ddigon rhyfedd, dwi'n siarad mwy o Gymraeg yma nac yn Pesda! Siarad nesaf peth i ddim yma, er mai Saesnes yw Mam a Saesnaeg dwi'n siarad gyda hi). Dwi'n ystyried Cymraeg yn iaith gyntaf i mi [er oeddwn i'm yn meddwl fod gen i broblem yn siarad Saesnaeg nes i un o'm fflatmets yn Senghennydd ddweud i mi'n hollol wahanol, a mynd i Marks & Sparks a gofyn am 'nionions']

Dwi'm yn deall be' ti'n feddwl yn famma Rachub. Onid "iaith gyntaf" = "mamiaith"? Dwi'm yn deall chwaith os ti'n siarad Saesneg hefo dy Fam, sut dy fod yn dweud mai Cymraeg ydi dy famiaith?

Ddim pigo ydw - 'mond diddordeb sydd gen i mewn sut wyt ti'n dehongli y termau yma. (Neu ella mai fi sydd 'mond yn mynd yn rhy "hung-up" am y termau...)

[Mogs]

Ces i fy magu mewn teulu Cymreig iawn, ond di gymraeg yng nghymoedd y de. Os dwi'n meddwl am y peth, Saesneg oedd yr iaith cyntaf i mi ddysgu, er bod fy rhieni wedi anfon fi i ysgol meithrin Cymraeg yn 2 oed. I gymhlethu pethau'n fwy, nath mam dysgu Cymraeg pan on i yn ysgol, felly dwi ddim rili'n ffitio mewn i un o'r categorïau'n hawdd.

Pan dwi'n mynd gytre o'r brifysgol, fel arfer Saesneg yw iaith y cartref, ac mae gen i gywilydd i gyfadde taw saesneg dwi'n siarad gan amlaf gyda'm mrawd a chwaer. falle fod hyn yn esgus gwael, ond siarad saesneg gyda'm mrawd a chwaer sydd yn naturiol i mi, gan taw honno yw'r iaith gyntaf gathon ni ein magu ynddo. Falle fod hyn yn arbennig o wael gan fy mod i'n teimlo mor gryf am ddyfodol yr iaith ayyb? Ond a fyse fe yr un mor od i drio gael brawd a chwaer o deulu hollol Gymraeg i siarad saesneg?
Er hyn, dwi'n siarad Cymraeg yn gynyddol gyda mam, a gyda bach o ymdrech i ddechrau, mae'n fwyfwy naturiol erbyn hyn i siarad cymraeg gyda hi.

[LMS]

Chwarae teg ddudwn i. Mae gen i lot o barch at bobl
sy'n gwneud ymdrech i siarad yr iaith.

Oherwydd yn y pendraw mae defnyddio'r iaith mewn
sefyllfaoedd naturiol bob dydd yn bwysicach ar gyfer
cynnal a hyrwyddo'r iaith nag unrhyw beth arall.

Os dydi pobl Cymru, o bob cefndir, heb yr awydd
sylfaenol i siarad yr iaith yn ôl eu gwirfodd eu hunain,
yna does dim gobaith!!