Arolwg cefndir ieithyddol trigolion y maes:

[pogon_szczec]

Maes o ddiddordeb:

I siaradwyr iaith gyntaf y Gymraeg a yw'n amlwg pwy sy wedi dysgu'r Gymraeg a phwy sy ddim?

(Dwi'n son am negeseuon ar Faes-e yn unig).

Ac i'r rhai sy wedi/yn dysgu'r Gymraeg .........

Pam?

Sut?

A oedd yn anodd?

A ydych yn siarad ieithoedd ar wahan i'r Gymraeg a'r Saesneg?

A ydych yn dod o gefndir Cymreig?

[Blewgast]

wel dwi wedi bod yn siarad iaith y nefoedd ers fy modolaeth yng nghroth cysgodol fy mam!!

Bydd e'n ddiddorol i weld os oes rhywun wedi dysgu cymraeg bellach yn aelodau o'r maes hwn - gwych!!

[kamikaze_cymru]

nic dafis, dewch ymlaen i'r goleuadau llachar ar y llwyfan.

(ta dwi'n horibli rong da?)

[Leusa]

Dwina hefyd yn siarad Cymraeg ers erioed, a dal i stryglo yn arw efo Saesneg llafar yn anffodus! Ma'n syndod genai sylwi weithia ar rhei pobol yn nodi mai dysgwyr ydyn nhw, felly i ateb y cwestiwn:

I siaradwyr iaith gyntaf y Gymraeg a yw'n amlwg pwy sy wedi dysgu'r Gymraeg a phwy sy ddim?

Dim o gwbwl!

[Newt Gingrich]

Dwi'n meddwl mod i wedi darllen yn rhywle mae dysgwr wyt ti Pogon.

Yr oll allaf ei ddweud yw fod dy Gymraeg yn rhagorol.

[huwwaters]

Dwi ond yn gallu deud os yw rhywyn wedi dysgu Cymraeg os glywai nhw'n siarad, a tydi hwne ddim o hyd. Yn ysgrifenedig, fedrai ddeud dipyn o pha ardal yr ydych yn dwad, neu fel arall chi'n ysgrifennu'n reit ffurfiol.

Dwi'n dwad o gefndir ble ma addysg yn bwysig yn gyfangwbwl, a felly ieithoedd. Does dim cefndir gwleidyddol/ieithyddol yn fy nheulu, fel i mi siarad Cymraeg achos ma fy rhieni ishio mi gadw'r iaith yn fyw. Roedd tad fy mam yn erbyn addysg nad oedd yn Saesneg! Ac yr oedd ar ei ffordd i fod yn cadeirydd yr NUT ond am ei farwolaeth - am berygl.

Ma dysgu iaith arall y colli'ch agwedd naïfrwydd a thrahaus, gan ddangos i chi fod pobl erill yn gwneud pethe o safbwynt wahanol pop dydd, a tydi pawb ddim yn gweithredu fel chi'ch hun.

[Aran]

Pam?

i fod yn Gymro...

Sut?

cyrsiau dwys, llyfrau, ffrindiau a styfnigrwydd...

A oedd yn anodd?

dim yn fwy nag unrhyw iaith arall - ar wahân i'r ffaith bod hi'n bellach bron yn amhosib i ddysgwyr y Gymraeg fod mewn sefyllfa lle bod rhaid iddynt siarad Cymraeg... yn wir ystyr y gair 'rhaid', hynny yw.

A ydych yn siarad ieithoedd ar wahan i'r Gymraeg a'r Saesneg?

yndw, ond fuaswn i ddim yn deud bellach fy mod i'n rhugl mewn unrhyw iaith arall. a dw i'n colli brawddeg neu ddwy o'r Saesneg bob wythnos...

A ydych yn dod o gefndir Cymreig?

yndw siwr iawn. mae'n ymddangos weithie bod Cymry iaith gyntaf yn disgwyl i ddysgwyr gan amlaf fod yn estroniaid, megis y cyfaill o Faes-E wnaeth gymryd o'n ganiataol mod i'n gwylio De Affrig yn erbyn Lloegr er mwyn cefnogi fy nghyd-wladwyr...

wrth gwrs, cefnogi'r ABE o'n i...

[Owain Llwyd]

Un arall yma sydd wedi dysgu'r Gymraeg fel oedolyn.

Pam?

Achos ar ol profi magwraeth sylfaenol ddi-Gymraeg ar aelwyd Gymreig yn Lloegr, mi o'n i wedi dod i'r casgliad 'mod i'n methu a mynegi fy nghenedligrwydd yn gall drwy'r Saesneg yn unig.

Sut?

Yr hwb mwyaf oedd gwneud Astudiaethau Celtaidd yn y brifysgol. At hynny, dw i wedi bod yn lwcus iawn yn fy ffrindiau a 'nghydnabod. Ac mae amgylchiadau diwylliannol digon difyr wedi helpu'n fawr.

Anodd?

Ar lefel ramadegol dechnegol, do'n i ddim yn ei chael hi mor anodd a hynny, ond, yn ystod y blynyddoedd cynnar, mi oedd fy ymdrechion i ddod i ben efo fy mynegi fy hun yn rhwydd (yn enwedig ar bapur) yn llafurus iawn. Doedd diffyg hyder cymdeithasol ddim yn help garw chwaith.

Ieithoedd eraill?

Ia, ond ddim yn rhyw wych ofnadwy - darllen yn well na siarad.

Cefndir Cymreig?

Ia. Tad o Gerdiff, Mam o blith Cymry Manceinion.

[pogon_szczec]

O ran ymateb Aran ac Owain dwi wedi dod i'r casgliad taw y rhai sydd yn sgwenu'r Gymraeg y gorau yw'r rhai sy wedi dysgu'r iaith.

Fyddwn i byth yn meddwl bod Owain wedi dysgu'r iaith - mae'n swnio fel Cymro dysgiedig iawn - y Parch Llwyd.

A wyt ti'n siarad Cymraeg gartref gyda Missus Lloyd o'r Almaen?

Anhygoel.

[nicdafis]

Pam?

Ces i swydd n siop Oriel Caerdydd, a fi oedd yr unig un na heb Gymraeg.

Sut?

Dechrau ar fy mhen fy hun, gyda llyfrau, wedyn cwrs Wlpan ac ati am flwyddyn a hanner. Wedyn symud i'r Fro, a beidio siarad Saesneg â neb sy'n medru'r Gymraeg. Cael job fel tiwtor (ffordd gorau i wella yw dysgu pobl eraill). Dechreuais i morfablog er mwyn ymarfer fy Nghymraeg ysgrifenedig.

A oedd yn anodd?

O'n i'n lwcus i weithio mewn awyrgylch Cymraeg ac i deimlo oedd <i>rhaid</i> i mi ddysgu. Dyma'r prif reswm (yn fy nhyb i) pam mae cymaint o bobl yn ffaelu dysgu yn dda. Does dim angen cymdeithasol/moesol.

A ydych yn siarad ieithoedd ar wahan i'r Gymraeg a'r Saesneg?

Nadw.

A ydych yn dod o gefndir Cymreig?

Ydw, ond dim Cymraeg yn y teulu ers canrif. Ardal maes glo y gogledd dwyrain. Ces i fy ngeni a magu yn Y Waun, reit ar y ffin.