acenion-methu byw hefo nhw, ffili byw 'ebddyn nhw!

[carwyn]

tydio'n od, sut ma acenion pobl yn newid yn dibynnu efo pwy ma nhw'n siarad? dwi'n ddiawledig am ei neud o. a dwi'n sylwi y'm mod i'n i neud e fwy ers i fi gyrredd y maes. achos pan dwi'n ysgrifennu negeseuon fel hon, dwi am ryw reswm yn switcho o acen ogleddol i fwy sowth wêlian.

ma'n digwydd gen i yn yr ysgol fyd, dydw i'm yn siarad ddim byd tebyg yn ysgol ag ydw i adre gyda'n nheulu. ma'n rhieni i yn dod o'r canolbarth, sydd yn rhoi amrywiaeth itha eang o acenion i fi. a dwi'n gwbod bod hyn yn swnio'n wirion, ond dwi'n defnyddio 2 os nad 3 acen wahanol yn y'm mywyd bob dydd. dydy cymraeg fy mrawd a chwaer (iau) ddim cystal a be oedd fy un i pan o'n i i hoedran nhw dwi'n siwr. ma nhw'n llai parod i fentro defnyddio geiriau 'fwy ogleddol'. dwi hefyd yn meddwl fod mam (sydd yn athrawes syplei ysgolion cymraeg yn yr ardal-sydd yn gofyn iddi fod yn ddeheuol neu fydde'r plant ddim yn deall) ddim yn defnyddio gymaint o'u hacen ganolbarthaidd gyda'n seiblings ag oedd hi'n defnyddio pan o'n i'n blant.

ond nôl at y pwynt, oes na rywun arall allan fan 'na hefyd yn defnyddio acenion gwahanol yn dibynnu ar y person arall?
ydych chi'n sticio i'r un acen boed yn siarad a hwntw/gogs neu'n ceisio/trio newid i'w siwtio nhw?

[fela mae]

Dwi neud yr un peth a ti Carwyn. Ma Dad o Ben Llyn, Mam yn dod o de Ceredigion a dwi'n byw yng ngogledd Ceredigion a ma gen i deulu yn ochre Cymer - Afan. Ar maes E dwi'n newid acen o hyd. Er eng ar lafar se ni ddim n gweud dwi !! Ma'n od. Sai'n gwbod pam wi'n neud e. Meddwl bod on beth da bo ni'n gallu newid ! ond dechre meddwl bod gen i ddim tafodiaith fy hunan ! Ahhh

[Dylan]

Mae teulu ochor fy nhad o'r de felly weithiau pan 'dw i'n siarad efo nhw fyddai f'acen yn meddalu ychydig. Dal yn acen hyfryd y Cofi ond yn fwy dealladwy iddynt hwy. 'Dw i ddim yn meddwl am y peth fel arfer; mae jyst yn digwydd yn naturiol.

[garynysmon]

Fedrai ddim newid acen o gwbl. Mae fy holl deulu (yn llythrennol) yn dod o sir fon, felly dwi'm di gweld dim gwahanol

[Madfallen]

On i'n arfer newid lot mwy pan on i yn fy arddege ac ugeinie. Y peth gwaetha falle oedd cywilyddio am fy acen Gymreig pan on i'n siarad Saesneg da fy ffrindie coleg. Yn aml fe dyfwch chi mas o hyn - fe wnes i o leia - mae'n dod gyda hyder. Falle nawr fi'n neud mwy o ymdrech i siarad fel y dylen i am fy mod wedi gwneud penderfyniad cydwybodol i ddod nol i'n ardal enedigol i i fagu teulu (a gadael swydd dda ym Manceinion, er nag wy am fynd mlaen am hynny - mae'n bwnc arall wrth gwrs). Falle i fod o jest yn arwydd mod i wedi dod nol 'go iawn' ac am ddangos hynny i bobun!

[sbidirddyn]

Dyle pawb neud ymdrech i gadw'u hacenion ac i ddefnyddio'u tafodieithoedd. Nes i glywed recording o'n llais i dwyrnod o'r blan ac o ni'n gyted. Fi'n swno felse fi'n dod o Gardydd. Not gwd thing wir, achos sai'n dod o gardydd. Fi'n cofio ffeindio fe'n galed pan symudes i ma blynyddoedd maith yn ôl. Wedd temtashwn mowr i blendo miwn a sharad fel pob un arall lawr fan hyn. Ond NA!!!! SAI MOIN!!! Fi'n goffod neud hiwj ymdrech i hamo fe lan trw'r amser a esgus yn ym mhen bo fi'n dod o Crymych (sai'n rili dod o fan na chwaith!). Nath un person weud wrthai bo fi di bradychu fy ngwreiddie, a nath chwar fi ddweud bod neb yn credu bo ni'n chwiorydd achos bo ni'n swno mor wanieth. Eniwei, ma maes-eh wedi helpu fi loads achos fi'n gorffod meddwl mwy am dafodieth wrth sgrifennu na pan dwi jyst yn sharad, sydd hefyd yn gwd thing, ynyfe!

[Hogyn o Rachub]

Dydi'n acen i ddim yn newid, dwi'n gobeithio. Er bod rhai bod yn meddwl bod fi'n swnio fel Cofi. Ond dwi ddim.

[ceribethlem]

Fi'n gwrthod newid yr acen. Sdim lot o ni'n dod o Fethlem, felly rhaid cadw'r godidogrwydd i fynd.
Ta beth mae siarad gyda acen Bethlem yn gallu conffiwso dy gefnder di, Carwyn!

[carwyn]

Ta beth mae siarad gyda acen Bethlem yn gallu conffiwso dy gefnder di, Carwyn!

a phawb arall yn bro ddyfi

Dydi'n acen i ddim yn newid, dwi'n gobeithio. Er bod rhai bobl yn meddwl bod fi'n swnio fel Cofi. Ond dwi ddim.

wel conffiwsed di'r gair i ddisgrifio'r alwad ffôn 'na gesh i neithiwr fyd. be oedd, gormod o gywilydd defnyddio dy acen ogleddol?

[Hogyn o Rachub]

wel conffiwsed di'r gair i ddisgrifio'r alwad ffôn 'na gesh i neithiwr fyd. be oedd, gormod o gywilydd defnyddio dy acen ogleddol?

Beia Ceren. Mae'r bai i gyd arni hi. Yn hollol.