CYMRAEG

gan **pogon_szczec** » Sul 16 Tach 2003 1:07 pm

Ishe tipyn bach o gymorth.

Lle y defnyddir .........

Yn y Gymraeg

Yn Gymraeg (heb 'y')

Mewn Cymraeg

Ac a yw 'Dwi'n Gymraeg' yn gywir?

gan **brenin alltud** » Sul 16 Tach 2003 5:34 pm

Dw i ddim yn siwr a dweud gwir, ond mae 'yn y Gymraeg yn cael i orddefnyddio yn anghywir yn rhy aml... e.e swch chi ddim yn dweud 'siaradwch yn y Gymraeg', fasech chi?

Sgwennu yn Gymraeg, meddwl yn Gymraeg, breuddwydio yn Gymraeg...

ond falle bod 'yn y gym' yn addas pan fyddi di'n cyfeirio at yr iaith yn ei chyd-destun ieithyddol e.e. arbenigwr yn y gymraeg. Falle.

Nai gyd ddweda i yw mod i'n trio osgoi defnyddio 'yn y' fel arfer. :winc:

gan **Nel** » Llun 17 Tach 2003 7:32 pm

Dwi'm yn rhy siwr ond roeddwn i'n meddwl bod y 'puryddion' yn dweud mai 'yn y Gymraeg' sy'n gywir ond ei bod hi wedi mynd yn dderbyniol hepgor yr 'y' rwan - 'yn Gymraeg' mae'r rhan fwyaf o bobl yn ei ddweud.

O ran 'mewn Cymraeg' - ydio ddim yr un gwahaniaeth a 'mi brynais y got yn y dre' a 'mi brynais y got mewn tre'? E.e. 'Mae'r gerdd wedi ei hysgrifennu mewn Cymraeg graenus' = Cymraeg (graenus) yw iaith y gerdd tra byddai 'wedi ei hysgrifennu yn Gymraeg' = Cymraeg oedd iaith y broses o ysgrifennu. (fedrch chi ddim rhoi ansoddair ar ol y Gymraeg yn yr achos yma chwaith). Ym, na di hyn ddim yn gwneud sens nac ydi? :wps:

fydd rhaid imi ddod nol at hwnna ... dwi'n dechre ffwndro

Ond o ran 'dwi'n Gymraeg' - na, na, na, na! Hollol anghywir ac un o fy 'pet hates' (ond mae lot fawr iawn o bobl yn ei wneud o!). Fedr person ddim bod yn iaith. Mae gen i gydweithiwr sy'n gofyn 'Cymraeg dach chi?' ar ddechrau pob sgwrs ffon er mwyn gweld allith hi barhau efo'r sgwrs yn Gymraeg. Dwi wastad yn dychmygu'r person ar ben arall y lein yn dweud 'Ym, na, nid un o ieithoedd lleiafrifol hyna'r byd ydw i ond person, sut allai'ch helpu chi'

gan **pogon_szczec** » Llun 17 Tach 2003 8:32 pm

O ran yr ail bwynt, am 'dwi'n Gymraeg' na beth o'n i'n meddwl ond o'n i ddim yn siwr.

Dwi'n meddwl bod 'dwi'n Gymraeg' yn dangos dylawad y Saesneg ar yr iaith am ei fod yn gyfateb i 'I'm Welsh'.

gan **Nel** » Maw 18 Tach 2003 12:28 pm

Ie:
Welsh (yr iaith) = Cymraeg
Welsh (yr ansoddair) = Cymreig
Welsh (h.y. 'I am Welsh') = 'Cymro/Cymraes ydw i'

gan **Ray Diota** » Iau 22 Ion 2004 4:17 pm

O ran yr iaith, sdim ots

'yn Gymraeg' wedi dod o 'yn y Gymraeg' ond bellach yn ddigon cywir.

o ran y 'mewn'

a oes gan ansoddair ar ol Cymraeg rth i neud a fe?

'ysgrifennwch hwn mewn Cymraeg clir.'

Ges yw yr un ola ma.

gan **Gwahanglwyf Dros Grist** » Iau 22 Ion 2004 5:02 pm

Ond fel rwy wedi codi mewn pwynt ynglyn a chamgymeriadau yng Nghymraeg Maes-E, mae dweud yng Nghymraeg yn gywir os yw'n son am Gymraeg penodol lle neu berson.

Er enghraifft "Nid oedd yn gallu ei deall, gan ei bod yn siarad yng Nghymraeg y gogledd."

Dechrau fy nofel efallai? :winc:

gan **gronw** » Iau 22 Ion 2004 5:18 pm

Gwahanglwyf Dros Grist a ddywedodd:"Nid oedd yn gallu ei deall, gan ei bod yn siarad yng Nghymraeg y gogledd."

Hm. Dwi'n cytuno bod "yng Nghymraeg Maes e" yn dderbyniol, ond dwi ddim yn siŵr am yr enghraifft uchod. Falle'i fod e'n "gywir", ond mae'n swnio braidd yn glogyrnaidd i fi. Onfydde "...gan ei bod yn siarad Cymraeg y gogledd" yn well?

gan **løvgreen** » Gwe 23 Ion 2004 4:51 pm

Diddorol hefyd ydi fod "Cymraeg" fel enw'r iaith yn fenywaidd - "Y Gymraeg", ond bod "Cymraeg" fel y math o iaith yn wrywaidd - "Cymraeg cywir", "Cymraeg da".

CYMRAEG

CYMRAEG

Re: CYMRAEG

Pwy sydd ar-lein