Myfyriwr neu Myfyrwraig?

gan **Cynog** » Gwe 23 Ion 2004 12:43 pm

hELO! Dwin gweithio ar brosiecd yn gwaith ar y fynyd i gyfieuthu holiadur iechyd i Gymrag, yr EQ-5D. Dwi mewn dipin o bembleth ynglyn a be i ddefnyddio i ddynodi Myfyrwyr, a mi fyswn yn licio cael barn rhai o bobl wybodys y Maes! Ai myfyriwr ar ben eu hyn neu myfyriwr/myfyrwraig? Mae'r rhanfwyaf o ferched dwin nabod yn galw eu hynan yn fyfyriwr a dim myfyrwraig, ac ddim yn hoff or ffaith eu bod yn cael eu gwahanieuthu ar sail rhyw. Be da chi'n feddwl?

gan **Mr Gasyth** » Gwe 23 Ion 2004 1:53 pm

Myfyriwr/wraig fyddwn i'n ei ddefnyddio. Pwy di'r merched ma sydd isho bod yn hogie ta?

gan **SbecsPeledrX** » Gwe 23 Ion 2004 1:54 pm

A pam fo gan Aled gymaint o ddiddordeb ynddynt?

gan **gronw** » Gwe 23 Ion 2004 5:28 pm

Gai fentro anghtuno (mae hyn yn touchy subject i rai pobl, dwi'n gwbod) efo aled, a deud, jyst rhoi Myfyriwr fyswn i. Gas gen i'r busnes cyfarwyddwr/wraig a cogydd/es yma. Mae pawb yn gwbod be ti'n feddwl.

gan **Cynog** » Gwe 23 Ion 2004 5:58 pm

Yn bersonol dwin cytuno efo chdi Pebr. Dwin meddwl bod myfyriwr yn fyfyriwr hyd yn oed os yw hi'n ferch. Be di gweithiwr cymdeithasol sy'n ddynes? Betia chdi bod nhw ddim yn galw eu hynan yn weithraig cymdeithasol! Ond i fod yn PC dwi'n meddwl nai rhoid y ddau opsiwn.

gan **Fflamingo gwyrdd** » Llun 26 Ion 2004 11:41 am

Cytuno 'dwinna hefyd - mae o jysd rhy drwsgwl, fler...

Ac ar y busnes -yddes:
Dwi'n meddwl fod hyn yn HOLLOL wirion, achos dydi cog-ydd ddim yn cyfleu 'dyn' sy'n coginio, mwy nag ydi cadeir-ydd yn cyfleu 'dyn' sy'n cadeirio - dwi o'r farn (a phwy ydw i..?!) fod -ydd yn gallu bod o'r naill ryw neu'r llall. Wedi deud hynny, ella 'mod i'n hollol anghywir!!

A jysd er mwyn bod yn hollol glir ar y mater, er mai merch ydw i, taswn i'n dilifro llythyra fel swydd, POSTMON/POSTMAN fyswn i'n galw fy hun, ac nid postwoman, neu bostferch neu bethbynnag arall a fynnwch!

gan **Nick Urse** » Iau 29 Ion 2004 11:15 pm

Cynog a ddywedodd:Yn bersonol dwin cytuno efo chdi Pebr. Dwin meddwl bod myfyriwr yn fyfyriwr hyd yn oed os yw hi'n ferch. Be di gweithiwr cymdeithasol sy'n ddynes? Betia chdi bod nhw ddim yn galw eu hynan yn weithraig cymdeithasol! Ond i fod yn PC dwi'n meddwl nai rhoid y ddau opsiwn.

G'na gymwynas fawr a^ dy iaith: pan fyddi'n cyfieithu paid byth a^ defnyddio'r hyllair 'OPSIWN'. Mae o'n mynd dan 'y nghroen i (fatha 'person' a.y.b.) Be sy' o'i le ar 'DEWIS'?

gan **Cynog** » Gwe 30 Ion 2004 9:26 am

Iawn Syr

Myfyriwr neu Myfyrwraig?

Myfyriwr neu Myfyrwraig?

Pwy sydd ar-lein