Gwenogluniau

gan **Danny Horner** » Llun 02 Chw 2004 3:08 pm

Un o'r geiriau mwyaf syfrdannol i mi ei glywed, ac eithrio ffrwchnedd, yw Gwenogluniau. Ni allaf wneud fawr o synnwyr o'r term. Oes ganddo rhywbeth i wneud a Gwenno Glyn oedd ar Pen Tennyn a sy'n ferch i Seimon Glyn. Efallai bod y sawl a'i bathodd yn ffan mawr ohonni a bod yr enw wedi'i gerfio ar yr isymwybod. Pwy wyr?

gan **Macsen** » Llun 02 Chw 2004 3:10 pm

Gwen-Luniau: Smileys??

gan **Geraint** » Llun 02 Chw 2004 3:14 pm

Beth am gynnig enw arall Danny?

gan **Danny Horner** » Llun 02 Chw 2004 3:16 pm

Macsen a ddywedodd:Gwen-Luniau: Smileys??

Dwi'n deall y "gwen" a'r "luniau" ond methu deallt y cymal "og" yn y canol - a'n meddwl bod y bathwr wedi meddwl am yr hen Gwenno Glyn wrth greu'r enw. Beth sydd o'i le ar Gwenluniau? Yn amlwg nid oedd y bathwr mor hoff ar Gwenlyn Parry.

gan **nicdafis** » Llun 02 Chw 2004 3:50 pm

Pan oedd y "bathwr" yn mynd ati i gyfieithu pecyn iaith phpBB, oedd e'n gofyn am awgrymiadau gwell, a phrin iawn oedden nhw. Mae'r bathwr yn ddysgwr, sy'n wneud digon o gamgymeriadau* yn ei Gymraeg i beidio poeni gormod os ydy rhywun yn meddwl ei fod e'n obsesed â rhywun dyw e ddim wedi clywed amdani tan heddi. (Sori, Gwenno, os wyt ti'n darllen hyn.)

Os dydy "gwenoglun" ddim yn iawn, bydd yn ddigon hawdd i'w newid.

* Clasur diweddaraf: rhywun yn dweud wrtha i pa mor drist oedd e bod mam fy mhartner wedi marw yn diweddar, a dyna fi'n meddwl ei fod e'n siarad am fy nhoriad gwallt. <i>Hilarity ensues</i>.

gan **Aran** » Llun 02 Chw 2004 4:14 pm

na, paid â'i newid, mae'n un o fy ffefrynau... a dw i'n meddwl bod na rhwybath eithaf naturiol amdani deud y gwir, fel rhoi 'g' ar ddiwedd 'gyda' o flaen llafariaid ac yn y blaen...

ac mae Gweno'n andros o hogan dda sy'n haeddu cael ei hanfarwoli fel hyn... :winc:

gan **Macsen** » Llun 02 Chw 2004 4:31 pm

Beth bynnag, mae y rhan fwyaf o eiriau cymraeg wedi ei creu yn reit ddiweddar gan bobl sy jyst wedi dewis geiriau allan o'r glas. Stwffiwch 'gwenolglun' yn y Brice a bydd neb callach.

Be a droednodiad = footnote?

gan **eusebio** » Llun 02 Chw 2004 4:57 pm

Danny Horner a ddywedodd:Efallai bod y sawl a'i bathodd yn ffan mawr ohonni a bod yr enw wedi'i gerfio ar yr isymwybod. Pwy wyr?

A pwy fyddai yn eu beio am eiliad?

gan **Tracsiwt Gwyrdd** » Maw 20 Ebr 2004 9:41 am

ffyni. mae o wastad 'di atgoffa fi o gweno glyn hefyd... a dwi ddim yn ffan mawr ohoni ers iddi ddwyn fy nghariad oddi arna' i rai blynyddoedd yn ol!!
ond, fel y myrffis.... :drwg:

Gwenogluniau

Gwenogluniau

Re: Gwenogluniau

Pwy sydd ar-lein