Cardis

[Rhoces]

Ond ma gogs yn gal trafferth gyda'r gwahanieth rhwng 'y' ac 'u' achos bo nhw'n ynganu'r ddau run ffordd. E.e. dwi di gweld gogs yn rhoi 'foru' yn lle 'fory'!!

Tydan ni ddim wastad yn ynganu'r ddau run ffordd, ddim mwy na ma deheuwyr. Ma 'y' yn fod i swnio fel 'u' o dan rai amgylchiade fel yn 'fory'. Pan ma hyn yn digwydd ma deheuwyr jest yn ynganu 'y' fel 'i' a feswn i'n synnu dim o weld un yn sgwennu 'fori'.

Ti di dala fi mas fan'na whare teg i ti! Sawl un o'r de yn rhoi 'fori' lawr yn lle 'fory' wps!

Gwyddno: ti'n llygad dy le.....ma hwntw a hwntw i gal! Run peth yn y gogledd. Wen i arfer meddwl bod gogs yn gogs 'fyd ond na....ma 'na wahanieth, a nes bo chi'n dod lan 'ma (neu'n mynd lawr i'r de....dibynnu ble y'ch chi nawr), so chi'n sylwi ar y gwahanieth.

Dwi dal yn confused am y pethe 'rhyfedd' ma Cardis yn gweud, fel un o'r Wes Wes, bydden i'n gweud bod ein iaith ni'n rhyfeddach (a gwell ) ond 'na 'ny, 'y marn i yw hwnna!

[webwobarwla]

Oes rhywun wedi sylwi ar y pewthau gwirion ma rhain yn ei ddweud? Ma gena nhw 3 i (h.y. i u ac y) - a geiriau gwirion am bopeth!

Nid wyf wedi bod yn aelod o'r maes am fwy na tridia', a rwyf yn dechrau cael llond bol yn barod ar yr holl rwtsh yma o de yn erbyn gogledd. Ar ol dechrau gogleddol dra hurt i'r edefyn, mae'r hwntws wedyn yn mynd am yr abwyd ac yn ymddwyn yr un mor ddrwg. Tyfwch fyny / tyfwch lan ac ymhyfrydwch yn y gwahaniaethau godidog sydd i'w cael yng ngwahanol acenion Cymru.

At ei gilydd, does dim amheueth taw ni bobl y de sy'n siarad y Gymrâg ore, bura', lana' a mwya' secsi'n y byd i gyd, gydag acen y wladfa'n ail agos. Sori gogs, so chi'n agos

Ar ba sail wyt ti'n dweud hyn, felly? Yr un seiliau simsan ag y mae TXXI yn gosod ei 'bwynt'. A paid a dweud dy fod yn siarad y "Gymraeg ore, bura', lana" tra'n defnyddio gair fel 'secsi' yn yr un frawddeg. Mae'n edrych braidd yn hurt a dweud y lleia', oni bai fy mod yn llawer rhy hen ffasiwn a bod y gair wedi'i dderbyn fel un Cymraeg. Gobeithio ddim. 'Gair Golwg' os fuodd yna un erioed.

Fe gewch ddechrau lladd arnaf....rwan/nawr

[LMS]

Nid wyf wedi bod yn aelod o'r maes am fwy na tridia', a rwyf yn dechrau cael llond bol yn barod ar yr holl rwtsh yma o de yn erbyn gogledd. Ar ol dechrau gogleddol dra hurt i'r edefyn, mae'r hwntws wedyn yn mynd am yr abwyd ac yn ymddwyn yr un mor ddrwg. Tyfwch fyny / tyfwch lan ac ymhyfrydwch yn y gwahaniaethau godidog sydd i'w cael yng ngwahanol acenion Cymru.

Cytuno gant y cant.

Dwi mor falch bod rhywun yn gweld hwn hefyd fel edefyn sy'n pryfocio ac yn hybu ymosod ieithyddol rhwng y gogledd a'r de.

Ma'n rhaid i ni Gymry ymfalchio yng nghyfoeth ein hiaith gan beidio â meddwl bod un acen yn 'well' nag eraill. Ma na gymaint o wahanol acenion yn bodoli yng Nghymru benbaladr fel na fuaswn i gyda'r syniad lleia lle i ddechrau arni!

Ac yn sicr, y mae gwefan fel maes-e yn profi cyfoeth yr iaith, lle mae rhai yn dymuno defnyddio iaith lafar / dafodieithol / ysgrifenedig. Mae'r dewis sydd gennym yn doreithiog ac mae gweld y tueddiadau yma ar maes-e yn deimlad braf.

[Mr Gasyth]

Tynny coes faswn i'n alw o, nid ymosod.
Does dim o'i le ar bach o dynnu coes nagoes.

[webwobarwla]

Nag oes am wn i Aled, ond mae ambell un o gyfranwyr yr edefyn hwn (wel, Gwyddno) yn siarad lol megis 'fy nghymraeg i yw'r orau' yn bron iawn pob neges yr wyf yn ei weld ganddo (wel, dau neu dri i fod yn deg).

Mae'r holl son o 'burdeb' ac ati yn mynd dan fy nghroen i, yn ogystal a'r awgrymaid nad yw Cymraeg rhai ardaloedd yn 'ddigon da' rhywsut. A fyddai'n well gan y bobl yma i ni siarad Saesneg?

Lol botas maip.

[Gwyddno]

Nag oes am wn i Aled, ond mae ambell un o gyfranwyr yr edefyn hwn (wel, Gwyddno) yn siarad lol megis 'fy nghymraeg i yw'r orau' yn bron iawn pob neges yr wyf yn ei weld ganddo (wel, dau neu dri i fod yn deg).

Mae'r holl son o 'burdeb' ac ati yn mynd dan fy nghroen i, yn ogystal a'r awgrymaid nad yw Cymraeg rhai ardaloedd yn 'ddigon da' rhywsut. A fyddai'n well gan y bobl yma i ni siarad Saesneg?

Lol botas maip.

Rwyt ti'n dweud fod fy seiliau'n simsan. Efallai'n wir, ond dw i ddim mewn difri' yn disgwyl i neb gytuno â fi mai fy nhafodiaeth i yw'r orau a'r lanaf a'r buraf a beth bynnag arall. Rwy'n disgwyl i bobl ymateb ac amddiffyn eu tafodieithoedd eu hunain. Tafodieithoedd yw cyfoeth iaith, pe bai pawb yn siarad yn yr un ffordd byddai'r Gymraeg wedi colli un o'i thrysorau pennaf. Rwy'n cyfaddef fy mod wedi 'sgwennu rhai pethau'r wythnos ddiwethaf y byddai wedi bod yn gallach i mi beidio, rwy'n ymddiheuro am hynny - dyw postio i fforwm fel maes-e peth diwethaf cyn mynd i'r gwely ddim yn syniad da.

Felly, i grynhoi, rwy'n meddwl mai 'nhafodieth i yw'r orau a'r buraf a'r lanaf ac ati ac ati, ond rwy'n disgwyl y bydd pawb arall yn barnu mai tafodiaeth y lle a'r lle sy'n cyfateb orau i'r disgrifiad hwnnw. Peidiwch â meddwl 'mod i'n lladd ar acenion gogleddol, dw i ddim.

Os oes un frawddeg yn cloriannu hyn, peidiwch â chymryd pob un o'm sylwadau i ormod o ddifrif.

[webwobarwla]

Rwy'n cyfaddef fy mod wedi 'sgwennu rhai pethau'r wythnos ddiwethaf y byddai wedi bod yn gallach i mi beidio, rwy'n ymddiheuro am hynny - dyw postio i fforwm fel maes-e peth diwethaf cyn mynd i'r gwely ddim yn syniad da.

Dim problem Gwyddno - Nid wyf wedi bod yn aelod ers wythnos, ac yn barod yr wyf yn teimlo fy mod wedi dweud ambell i beth na ddylien i.

Ond dyna fo. 'Rwyf yn falch dy fod mor angerddol am dy dafodiaith, achos yn y pen draw, angerdd dros yr iaith Gymraeg yr wyt yn arddangos - a pwy all ddadlau â hynny?

[Gowpi]

Ma' 'na edefynnau eraill sydd a (shwd wyt ti wedi llwyddo gyda thoeon bach Gwyddno?!) gogs yn pigo ar yr hwntws a fel arall (re: hoff air / cas air), felly, i fynd nol at y pwnc dan sylw - yr annwyl Gardis. Ma' 'da ni gyfoeth o eirie. Beth wedech chi yw ystyr bod 'yn dablen ser'? Yr un ystyr yw e a bod yn 'blet ser'...?