Eu ac Ei

[Geraint]

Plis plis all rhywun esbonio i mi y gwahaniaeth a lle i'w defnyddio, dwi di bod yn defnyddio nhw ar random

ON: Caniatad i gymryd y piss

[mefus]

Ti'n defnyddio 'eu' pan ti'n son am rhywbeth sy'n perthyn i fwy nag un person (fel 'their' yn Saesneg)
e.e. eu cartref, eu plant, ayyb.
Ma' 'ei' yn son am rhywbeth sy'n perthyn i un person, ('his' neu 'her' yn Saesneg)
e.e. ei gath/ei chath,
ei got/ei chot,
ayyb.
Neu rhywbeth felna!
Ond ma' 'ei gilydd' yn eithriad - ma hwnna wastad yn aros yn 'ei' yn hytrach na 'eu' am rhyw reswm.

[Gwahanglwyf Dros Grist]

ON: Caniatad i gymryd y piss

Ha ha ha ha ha! Geraint ddim yn gwbod gwahaniaeth!

E.e. y frawddeg 'His only problem was that their buzzard had flown away the previous June.'

'Ei unig broblem oedd bod eu boda wedi hedfan ymaith y mis Mehefin blaenorol.'

Mae'n ymwneud ag at bwy y mae'r gwrthrych y frawddeg yn cyfeirio, h.y. pwy sy'n berchen arno. Neu rywbeth. Paid gofyn i fi.

[Geraint]

Diolch.

All rhywun awgrymu dulliau i wella gramadeg? Os na lyfr da?

[mefus]

Ma' 'Gramadeg y Gymraeg' Peter Wynn Thomas yn lyfr da, os oes 'da ti amynedd i fynd drwyddo fe. Ma' Peter Wynn yn gwbod ei stwff chware teg, ma' fe'n esbonio'r rheole bach niwsans yn eitha' clir. O'dd ei ddarlithoedd e'n lot o sbort hefyd!

Neu ma' 'Canllawiau Iaith a Chymorth Sillafu' J Elwyn Hughes yn spot on os tise rhywbeth ysgafnach - llyfryn bach handi uffernol sy'n esbonio'r prif reolau iaith a'r geirie sy'n cael eu camsillafu fwya'. £3.50 o dy siop lyfrau leol - bargen!

[nicdafis]

Mae llyfr Peter Wynn Thomas yn wych, ond dw i'n ffeindio bod <a href="http://www.amazon.co.uk/exec/obidos/ASIN/0415282705/ref=sr_aps_books_1_2/026-2746929-4425262">Modern Welsh Grammar</a> Gareth King yn haws i'w ddefnyddio.

[Barbarella]

Mae Ei ac Eu yn hawdd -- y gwahaniaeth rhwng Ei ac Ei oedd wastad yn drysu fi...!

Ro'n i'n sgrifennu pethau fel "gyrrodd hi yn ei gar hi" -- a fydden i'n cael croes goch am y camdreiglad. Reit, nes i ddysgu wedyn bod c yn treiglo'n ch ar ôl ei -- ac wedyn cael siom enfawr wrth gael croes goch ar frawddeg fel "mwythodd e'i chath e".

Nath neb drafferthu esbonio i fi bod gwahaniaeth rhwng ei (ef) ac ei (hi)!! Nes i mond sylwi pan o'n i'n 16 ar ôl prynu copi o'r Treigliadur.

Gyda llaw, dwi'n ystyried cynhyrchu setiau tywelion "Ei ac Ei" (fel rhai "His and Hers" Saesneg, ond fwy hyblyg )

Rhywun eisiau rhai?!

[Jeni Wine]

Ma' 'Gramadeg y Gymraeg' Peter Wynn Thomas yn lyfr da, os oes 'da ti amynedd i fynd drwyddo fe. Ma' Peter Wynn yn gwbod ei stwff chware teg, ma' fe'n esbonio'r rheole bach niwsans yn eitha' clir. O'dd ei ddarlithoedd e'n lot o sbort hefyd!

ti'n gall dwa'?!

[mefus]

ti'n gall dwa'?!

[gronw]

ti'n gall dwa'?!

hm, ie, dwi rioed wedi clywed neb yn galw darlithoedd PWT yn 'sbort' o'r blaen. ac mae chwilio am bwynt penodol yn Gramadeg y Gymraeg fel nofio mewn jam - cymryd lot o amser i gyrredd lle dech chi ishe, a braidd yn stici...


Mae'n debyg mai camgymeriad ydy'r busnes ei/eu ma beth bynnag, yn wreiddiol...

Ar lafar, i mae pobl yn ddweud tan yn ddiweddar iawn:
his cat = i gath e, i gath o
her car = i char hi
their horse = i ceffyl nhw.

Yn y mabinogi a.y.b., i sy'n cael ei sgwennu...

Ond benderfynodd william salesbury (neu william morgan, neu un o'r rheina) bod y gyfundrefn yna'n lot rhy syml. ac edrych ar y Lladin, a gweld mai eius oedd y gair Lladin am "his" Saesneg.

Am ryw reswm, fe benderfynodd gysylltu'r ddau, ar sail hollol ffug os dwi'n cofio'n iawn, a rhoi sillafiad ei fel yr un cywir newydd. Wedyn cael sillafiad ychydig yn wahanol ar gyfer y lluosog (sef 'eu') er bod yr unigol a'r lluosog yn swnio'n union yr un peth ar y pryd. Hollol wallgo.

Mi sgwennwyd y Beibl Cymraeg gan ddefnyddio'r ei a'r eu, a dyna pam mae pawb yn stryglo heddiw...