Bespoke: 'ar archeb' neu 'wrth fesur'

[Rhys]

mae siop fframio eisiau arwydd dwyieithog ac un o'r termau yw

Bespoke Picture Framing Service

Ddim yn siwr pa un sydd fwya addas:
Gwasanaeth Fframio Lluniau ar archeb

neu

Gwasanaeth Fframio Lluniau wrth fesur


Unrhyw awgrymiadau bobol?

[Ray Diota]

Gwasanaeth Fframio Lluniau Penodol fydde ni'n ei roi neu ... a wneir yn benodol

[dafydd]

neu Pwrpasol?

[Rhys]

hmm?

Dwn i'm, mae eich dau cynnig yn Gymraeg llai cymhleth, ond ddim yn siwr os ydynt yn addas.

Diolch ond dwi'n dal yn

[brenin alltud]

Y ffordd ore yw ffeindio mas yn union be' mae'r gwasanaeth yn ei gynnig, a meddwl am enw cynnil sy'n ei ddisgrifio ore yn Gymraeg.

Be' mae'r 'bespoke' yn ei olygu'n union? h.y. ai bod y siop yn barod i fframio unrhyw lun o unrhyw faint i chi e.e. Gwasanaeth Fframio Lluniau personol / i'ch dibenion / cyfarwyddiadau / gofynion chi?

Neu a yw'n hytrach yn cynnig gwasanaeth digon cyffredin ond eisie swnio'n fwy 'posh'? Os felly, fase 'gwasanaeth fframio lluniau heb ei ail/arbennig' yn addas.

Ond rhoi ring i'r boi/fenyw faswn i a holi be'n union maen nhw'n ei gynnig!

[Rhys]

Be' mae'r 'bespoke' yn ei olygu'n union? h.y. ai bod y siop yn barod i fframio unrhyw lun o unrhyw faint i chi e.e. Gwasanaeth Fframio Lluniau personol / i'ch dibenion / cyfarwyddiadau / gofynion chi?

Roedd rhaid fi edrych yn y geiriadur i weld be oedd bespoke yn feddwl yn Saesneg yn gyntaf! Yn y cyd destun hwn, 'Made to measure' mae'n olygu. Hynny yw mae nhw'n gwneud y fframiau i ffitio eich lluniau (sdim rhaid defnyddio giletin i dori eich llun i faint y ffram)

[brenin alltud]

Fel arfer gyda chyfieithu, mi fasai'n wedi bod yn well meddwl am rywbeth bachog yn Gymraeg yn gynta':

e.e. Fframio Lluniau - o bob maint, lliw a llun
neu
Gwasanaeth fframio lluniau - unrhyw faint, unrhyw fath

neu rywbeth tebyg!

[Rhys]

Gwasanaeth fframio lluniau - unrhyw faint, unrhyw fath

Dwi'n hoffi hwn. Diolch