Bermo, Llanbed.

gan **Machlud Jones** » Gwe 07 Mai 2004 1:38 pm

Be da chi'n recno ynglyn a gneud yr enwau uchod yn rhai swyddogol - wedi'r cyfan faint o bobl glywoch chi yn defnyddio'r enwau Abermaw a Llanbedr Pont Steffan? Efallai fod y drefn bresennol yn gyrru mwy o bobl i ddefnyddio'r fersiynau seusneg. Bermo yw'r unig dre/pentref yng ngwynedd gyda dau enw - pa ffordd gwell i ddileu hynny nag i sticio at un enw sef Bermo - pam roi mewn i'r brymis efo ryw Barmouth (do'n i ddim yn ymwybodol o unrhyw afon 'Bar' sydd a'i 'mouth' yn, neu'n agos at, Bermo)

(Fyswn i'n licio ymddiheuro o flaen llaw i Nici os nad yw'r neges hon yn cydymffurfio a'r safonau uchel mae'n eu disgwyl ac yn wir yn eu mynu.)

gan **Leusa** » Gwe 07 Mai 2004 1:40 pm

(Fyswn i'n licio ymddiheuro o flaen llaw i Nici os nad yw'r neges hon yn cydymffurfio a'r safonau uchel mae'n eu disgwyl ac yn wir yn eu mynu.)

esbonia dy hun?

'Dwi'n meddwl bysa neud Bermo yn enw swyddogol yn syniad da!

gan **Machlud Jones** » Gwe 07 Mai 2004 1:46 pm

Leusa a ddywedodd:
(Fyswn i'n licio ymddiheuro o flaen llaw i Nici os nad yw'r neges hon yn cydymffurfio a'r safonau uchel mae'n eu disgwyl ac yn wir yn eu mynu.)

esbonia dy hun?

Di cal llond bol ar yr holl ddileu negeseuon sydd yn mynd mlaen yn ol wims ein arweinydd piwis.

gan **Leusa** » Gwe 07 Mai 2004 1:48 pm

anaml mae 'na ddileu negeseuon, ma 'na negeseuon anaddas i rhai seiadau yn cael eu symud i'r blwch tywod, os ti eisiau ymuno dos i 'cylchoedd' ar y top, ac ymuna.
Does na neb yn biwis, mae angen cadw trefn 'na i gyd.
os oes gen ti gwyn, dos i gwyno i 'Defnyddio Maes-e', neu Datblygu...dwnim.

gan **Geraint** » Gwe 07 Mai 2004 1:55 pm

Hefyd, Trallwng dio yn swyddogol, ond ma pobl yn deud Trallwm ar lafar.

gan **Cwlcymro** » Gwe 07 Mai 2004 2:20 pm

Hefyd, Trallwng dio yn swyddogol, ond ma pobl yn deud Trallwm ar lafar.

ydy nhw? Trallwng dwi di ddeud erioed (dwi'n meddwl)

gan **Geraint** » Gwe 07 Mai 2004 2:23 pm

oce, bobl yn gogledd sir drefaldwyn. (neu falle mai jyst fi ydi o :wps:

)

gan **Tracsiwt Gwyrdd** » Gwe 07 Mai 2004 2:31 pm

Ia siwr, chdi sy'n od! :winc:

Dwnim am y busnas newid enwa ma de. Ma Aberffraw wedi mynd yn Berffro, Abermaw yn Bermo... bla bla bla. Ond ar lafar ma hynny de. Mae o bron fatha deud "O, duwcs, 'sa neb yn deud Abertawe ddim mwy, waeth i ni i gyd alw fo'n Swansea ddim".

gan **Machlud Jones** » Gwe 07 Mai 2004 2:38 pm

Tracsiwt Gwyrdd a ddywedodd:Ia siwr, chdi sy'n od!

Dwnim am y busnas newid enwa ma de. Ma Aberffraw wedi mynd yn Berffro, Abermaw yn Bermo... bla bla bla. Ond ar lafar ma hynny de. Mae o bron fatha deud "O, duwcs, 'sa neb yn deud Abertawe ddim mwy, waeth i ni i gyd alw fo'n Swansea ddim".

Dwi'm yn gweld hynny o gwbl. Dwi'n gweld o'n debycach i Tref y Clawdd yn newid i Trefyclo neu Rhos Nesaf Atom Ni (ger Wrecsam) yn newid i Rhosnesni. Mae mwyafrif siaradwyr Cymraeg Abertawe (roedd mwy o siaradwyr Cymraeg yn Abertawe na unrhyw le arall yng Nghymru tan cyfrifiad 2001) yn cifeirio ato fel Abertawe.

Ar y pwnc o newid enwa llefydd, be di'r crac efo Llanfairpwll - mae'r enw di newid yn swyddogol ers blynyddoedd ond ma pwy bynag oedd y dyns nath yr arwydd newydd ar yr A55 wedi penderfynnu newid enw'r lle i Llanfair-pwllgwingyll.

gan **Cwlcymro** » Gwe 07 Mai 2004 3:37 pm

Ar y pwnc o newid enwa llefydd, be di'r crac efo Llanfairpwll - mae'r enw di newid yn swyddogol ers blynyddoedd ond ma pwy bynag oedd y dyns nath yr arwydd newydd ar yr A55 wedi penderfynnu newid enw'r lle i Llanfair-pwllgwingyll.

Pam? Be di'r enw swyddogol wan? Llanfairpwll, LlanfairPG, Llanfairpwllgwingyll.............etc etc?

Bermo, Llanbed.

Bermo, Llanbed.

Pwy sydd ar-lein