maes-e.com

Gwobr fyddwn i'n ei ddweud ond rwyf yn gweld gwobor yn aml iawn ar safle wê BBC Newyddion.
Pa un sydd yn gywir?

Gwobr

yn bendant. sortia nhw allan Eusebio!

Gwobor Ffacin gwarth.

Sowthwyr yn siarad dim sens di'r busenes 'gwobor' 'na, ddyle fod gen y Bîb well safone wir.

Gwir, 'gwobr' yw'r sillafiad cywir/ffurfiol. Mae 'gwobor' yn nhafodiaith y de-orllewin, dw i'n credu. (oni'n meddwl am hynny wrth weld rwbath am Dai Jones Llanilar gynnar - ond ella yn yr achos hwnnw bod nhw'n defnyddio 'gwobor' ar bwrpas?)

Nag yw e'n debyg i'r busnes "Pobol y Cwm" ma? "Pobl" dyle fe fod - shwrli?

Ond, rhaid cytuno fod sgwennu "Gwobor" ar y BBC yn warthus. Dumbing down yw be mae'r sais yn ei ddweud, ie?

Aye - gwarth pur!! 'Gwobor' myn yffach i!

'Gwobr' siwr dduw!!

Oeddwn i'n meddwl efallai oherwydd bod Dai Jones yn dafodiaith-feistr o ryw fath a fyddai'n sbarduno'r fath o sillafu. Os ddim, mae'n warthus tu-hwnt. Disgwyliwn i ddim llawer gan y BBC, ond fyddai sillafu cywir yn ddechrau da.

Dw i'n credu ei fod e rywbeth i wneud â'r ffaith fod pobl - yn enwedig yn y De - yn cael trafferth gyda geiriau sy'n gorffen gyda chytsain + "r" neu "l" - felly maen nhw'n stwffio llafariad arall i mewn i'w wneud yn haws e.e. Eifyl, pobol, Pedyr - roedd pobl arfer dweud "Cennin Peter" (ynganiad Cymraeg) mae'n debyg.
Rwy bron yn siwr bod Williams Pantycelyn yn defnyddio "gwobor" - os felly, mae'n mynd nol yn bell iawn.
Hefyd, os dwi'n cofio'n iawn, rhyw fath o "b" feddal oedd ar ddiwedd "tarw" a "marw" slawer dydd - (tarbh a marbh mewn Gwyddeleg?) - ond mae honno wedi troi'n "w".
Difyr te?!

Wel ma rhywun yn y gorffennol wedi penderfynnu mae gwobr ydi'r ffordd iawn, er fod rhai pobl yn ynghanu'r gair fel gwobor. Does dim lot o rhesymeg tu ol i'r peth. Yr un ffordd ma William Morgan wedi 'gogneiddio' iaith safonnol Cymraeg, e.e. dewisodd cenllysg dros y cesair a oedd yn fersiwn William Salisbury.