Meddwl hyn ar ôl bod yn gwrando ar archifau sain yn ddiweddar, ac os gwrandwch chi ar bobl (Gogleddwyr) ryw chwe deg i saith deg mlynedd yn ôl, mi glywch chi fod yr 'u' yn lot cryfach - yn debyg i sut mae Hwntws yn dynwared Gogleddwyr yn ei dweud hi. Mae mwy o ryw gymysgedd yn y sain erbyn hyn - nid 'i' fel sy gan y Deheuwyr, ond rhyw hint o 'e'. Nid 'e' fel y cyfyw chwaith. Ond dywedwch y sain yn uchel a sylwch ar y gwahaniaeth rhwng y ffordd rydach chi'n deud y llythyren ynghanol gair â'r ffordd egsajyreted gewch chi wrth rowlio'r tafod a gwneud swn 'u' go iawn.
Mae hyn yn gwneud synnwyr wrth feddwl sut y bu iddi farw allan yn y de. Ond peth diddorol arall i mi ydi sylwi dro ar ôl tro ei bod hi'n dal yn gryfach gan bobl y gogledd-ddwyrain. Y gogledd-ddwyrain fydd cadarnle ola y sain 'u', credwch chi fi. [ Hen bryd iddyn nhw wneud rhyw gyfraniad...].
[Ond does dim rhaid i chi gytuno hefo fi]
(Er, wedi dweud hynny, mae'n ffaith amdana i felly pwy a wyr). Meddwl wrth wrando ar dapiau sain wnes i, a chymharu hynny wedyn efo be dwi'n glywed pobl yn ei ddeud rwan. Pobl eraill, fy nheulu - Gogleddwyr. Mae'n anodd clywed seiniau rwyt ti'n eu gwneud dy hun yn iawn beth bynnag.
Nachdw! Dim dyna on i'n feddwl!
. Dyna'r sain on i'n feddwl.
