Cathays

gan **Gwahanglwyf Dros Grist** » Iau 12 Awst 2004 2:05 pm

O reit! Felly rhoi gwrthbwyso'r duedd o roi enwau estron drwy... roi enwau estron... :rolio:

gan **Geraint Edwards** » Iau 12 Awst 2004 2:14 pm

Gwahanglwyf Dros Grist a ddywedodd:O reit! Felly rhoi gwrthbwyso'r duedd o roi enwau estron drwy... roi enwau estron...

Ni all y Gymraeg fod yn estron o fewn Cymru, oxymoron fyddai hynny. Yr unig reswm bod Cymru yn dal i fodoli fel cenedl yw y ffaith bod yna edefyn tenau a brau o'r enw "Yr iaith Gymraeg" yn ei dal ynghyd. Dydwi ddim felly yn gweld rhoi enw Cymraeg ar rywle yng Nghymru fel rhoi enw estron ar y lle hwnnw.

gan **brenin alltud** » Iau 12 Awst 2004 2:29 pm

O'n i'n meddwl mai Y Waun Ddyfal oedd yr hen enw am Cathays? Hen enw'r fferm oedd yna'n wreiddiol neu rywbeth? Dyna mae'r bardd/cyfreithiwr Emyr Lewis yn ei ddweud, o'n i'n meddwl.

gan **Geraint Edwards** » Iau 12 Awst 2004 2:47 pm

brenin alltud a ddywedodd:O'n i'n meddwl mai Y Waun Ddyfal oedd yr hen enw am Cathays? Hen enw'r fferm oedd yna'n wreiddiol neu rywbeth? Dyna mae'r bardd/cyfreithiwr Emyr Lewis yn ei ddweud, o'n i'n meddwl.

Heath yw'r Waun Ddyfal. Mae yna ysgol yn Lower Heath o'r enw "Ysgol Mynydd Bychan", felly dwi'n cymryd mai Lower Heath yw Mynydd Bychan a Upper Heath yw'r Waun Ddyfal.

gan **brenin alltud** » Iau 12 Awst 2004 3:11 pm

Ond dw i'n confunsd, fel ma genod Llandwrog yn dweud. Maen nhw yn ei ddefnyddio ar gyfer Cathays, ond dw i ddim yn gwybod ai dylanwad y Cymry Cymraeg yw e.

Be' am Ysgol y Waun Ddyfal? Ai'r Cymry Dwad sy' wedi dechre galw Ysgol Cathays yn hynny mewn camgymeriad felly? Synnen i daten...

gan **Mihangel Macintosh** » Iau 12 Awst 2004 3:21 pm

ffyc, dwi wedi agor can o fwydod, fel dwed y sais.

a neb i ddechre dadle taw can o pry genwair ddylen i ddweud chwaith :winc:

gan **Geraint Edwards** » Iau 12 Awst 2004 3:35 pm

Be am inni gau'r mwdwl ar hyn i gyd, a chael gwared o'r enwau Cathays a Heath o'r Saesneg, a mynd am yr opsiwn Los Angeles-aidd: North-central. A galw'r ardal yn "Gogledd-ganol" yn Gymraeg. Hmm, ella ddim wedyn....

gan **Hogyn o Rachub** » Iau 12 Awst 2004 6:37 pm

Duwadd, Cathays bydd Cathays a dyna'r diwedd arni amwni. 'Nenwedig os enw Ffrengig yw hi. Mae 'na Stuttgarter Strasse lawr lôn 'cw, rhywun am ei newid o'r Almaeneg, neu os 'na ots?

Cathays yw Cathays ers cyn co' amwni. Gadwch hi fod mewn heddwch.

gan **bartiddu** » Iau 12 Awst 2004 8:42 pm

Yn ol geiriadur llefydd yn Ynysoedd Prydain Rhydychen :-

Enclosure inhabbited by wildcats

o'r hen saesneg catt + haga 1699

na be' sy' yn y llyfr ta beth!

dwy'n crybwyll Cathlecyn!

gan **Geraint Edwards** » Gwe 13 Awst 2004 8:01 am

Hogyn o Rachub a ddywedodd:Duwadd, Cathays bydd Cathays a dyna'r diwedd arni amwni. 'Nenwedig os enw Ffrengig yw hi. Mae 'na Stuttgarter Strasse lawr lôn 'cw, rhywun am ei newid o'r Almaeneg, neu os 'na ots?

Cathays yw Cathays ers cyn co' amwni. Gadwch hi fod mewn heddwch.

Ie, Rachub sy'n iawn a ddweud y gwir. Bolycs oedd son am "north-central" a Chaerathwys(???) ynghynt, ma raid imi gyfaddef. Ond er mwyn gwneud pethau'n iawn, oni ddylian ni sillafu'r lle mewn ffordd ffonetig pan danin sgwennu yn Gymraeg: e.e. sgwennu "Catês" yn hytrach na "Cathays"?

Cathays

Pwy sydd ar-lein