Golau a Goleuni

[Twyllwr Rhinweddol]

Dwi'n gwybod bod 'na rhywfaint o wahniaeth rhwng y ddau, ond ddim yn siwr sut i'w ddiffinio. Ydi o rwbath i neud efo 'goleuni' yn rhywbeth mwy haniaethol (h.y y cysyniad o olau)?[/b]

[Gwen]

Mae 'goleu' yn well gair.

[Gwahanglwyf Dros Grist]

O beth ydw i'n ei ddeall, golau yw golau penodol, tra bod goleuni yn son am yr holl oleuni sy'n bodoli. Ydw i'n iawn? Pwy â wyr!

[dafydd]

Dwi ddim wedi gweld unrhyw un yn defnyddio golau/goleuni gyda unrhyw gysondeb, ond yng nghyd-destun gwyddoniaeth mae pobl fod defnyddio goleuni fel ystyr haniaethol ar gyfer ymbelydredd gweledol. Mae golau wrth gwrs yn gallu cyfeirio at lamp neu fylb neu lliw arbennig o olau e.e golau coch.

[Twyllwr Rhinweddol]

Diolch. Wrthi'n sgwennu rwbath am Light and Colour (mewn cyd-destun Gwyddonol) - felly, mi ydan ni'n eitha cytun mai Goleuni yw'r gorau yn hyn o beth... (Yn sicr nid goleu yn yr ystyr yma Er, byddai'n ddifyr rhoi iaith Ceiriog a'i gyfoeswyr o dan y meicrosgôp...)

Hmm - tra 'dan ni yma - o dan meicrosgop ta i mewn yn y meicrosgop sy'n gywir? Ta rwbath hollol wahanol sy'n profi bod fy meddwl ynghwsg ar brynhawn Llun fel hyn...

[dafydd]

Hmm - tra 'dan ni yma - o dan meicrosgop ta i mewn yn y meicrosgop sy'n gywir?

Mae'n dibynnu ar y meicrosgop Rhoi gwrthrych o dan feicrosgop traddodiadol ond o fewn microsgop electron a rhai modern arall sy'n dangos y delwedd ar sgrin deledu. Mae'n bosib fod 'edrych drwy feigrosgop' yn gweithio ar gyfer y ddau beth.