Diwedd treugliad 'ng'?

gan **Hogyn o Rachub** » Maw 17 Awst 2004 6:02 pm

Dw i wedi sylweddoli ers cryn amser rwan bod y treigliad C>NG yn un sydd yn troi yn fwy o C>G. Sbiwch be dw i'n feddwl:

yng Nghymraeg = yn Gymraeg
yng Nghaernarfon = yn Gaernarfon

Mae mwy o bobl yn dweud ac yn defnyddio y 'g' yn hytrach na'r 'ng' dreugliedig. Dw i cyn euoged a neb o wneud hyn, yn arbennig pan yn siarad, ond hefyd tra wrthi'n ysgrifennu o bryd i bryd (er nid mewn modd ffurfiol).

Ydi'r 'yng Ngh...' am gael ei ddisodli gan 'yn G...' yn y diwedd, tybed? Ydi hi'n newid ieithyddol annatod?

gan **krustysnaks** » Maw 17 Awst 2004 6:18 pm

yng Nghymraeg ddim yn cael ei ddefnyddio'n aml iawn, dim ond yn y cyd-destun "yng Nghymraeg y person hwn" yn hytrach na "popeth yn Gymraeg". ond enghraifft gwael ydy hyn nid pwynt gwael.

Dim ond mewn rhai llefydd dwi'n meddwl ydy fy ateb i i dy gwestiwn. Tra bod treiglo y mwyafrif ohonom ni'n llac, dwi ddim yn gweld y trwynol yn marw'n gyflymach na'r un o'r lleill.

gan **Mr Gasyth** » Maw 17 Awst 2004 6:47 pm

Yn bersonnol fedrai'm dallt o lle ddaeth y trwynol ma i gychwyn. Tra bo pob treigliad arall yn swnio'n well neu'n haws ei ddeud, fedrai'm gweld pwynt hwn a does gen i'm cof o glywed eglurhad ysgolheigaidd iddo ychwaith.
Byddai'n haws gwybod pam ei fod yn diflanu petaem yn gwybod pam yr ymddangosodd yn y lle cynta.
Unrhyw raddedigion Cymraeg all egluro?

gan **nicdafis** » Maw 17 Awst 2004 7:40 pm

Mae "yn Gymraeg" yn hollol gywir, am wn i - "yn (y) Gymraeg" yw'r ystyr.

Mae "yn Gaernarfon" yn angywir, yn ôl y llyfrau, ond dyna beth mae llawer o bobl yn dweud, felly bydd rhaid newid y llyfrau cyn bo hir iawn.

gan **Tracsiwt Gwyrdd** » Maw 17 Awst 2004 8:21 pm

pam? ma 'na lot o betha y'n cael eu deud ar lafar sydd ddim yn gywir yn ysgrifenedig. er enghraifft - lot, uchod - dwi'n 'i ddeud o'n aml, ond 'di hynny'm yn deud 'i fod o'n gywir nac yn galw am newid yn y gymraeg.

gan **dafydd** » Maw 17 Awst 2004 9:43 pm

Mae'n eironig falle fod siaradwyr cymraeg un o ardaloedd cymreicia Cymru yn dweud "yn g'nafron" ac un o'r ardaloedd lleiaf cymreig yn dweud "yn g'rdydd" ond dwi'n credu fod hi'n bosib maddau diffyg treiglo ar lafar. Y broblem yw pan nad yw siaradwyr cyffredin yn deall y gwahaniaeth - dwi'n eitha siwr fod y rhan fwyaf o siaradwyr Cymraeg dyddie 'ma ddim yn sgrifennu neu ddarllen fawr ddim yn y Gymraeg (ar ôl gadael yr ysgol) a felly dyw gramadeg cywir (ysgrifennedig) ddim yn bwysig iddyn nhw.

Mae'n eitha diddorol ymchwilio ar google ynglyn a hyn:

yng nghaernarfon - 1640
yn nghaernarfon - 28
yn caernarfon - 15
yn gaernarfon - 12

Diwedd treugliad 'ng'?

Diwedd treugliad 'ng'?

Pwy sydd ar-lein