Y peth sy'n dal wy 'di ferwi

[Gwen]

Don i'm di meddwl am hyn tan ddoe pan gesh i fy nghyhuddo o "siarad Gog gwael" gan fy nghariad am ddeud fod "yr ecob di sblitio lawr yr ochor". 'Ecob' dwi di ddeud erioed a don i rioed wedi meddwl amdano fel 'egg-cup' tan iddo fo ddeud. Fyswn i'm yn deud 'cwpan wy' ac mae 'ecob' ('egob' yn y de) yn cael ei nodi yng Ngeiriadur yr Adacemi.

Meddwl felly faint ohonoch chi sy'n deud be.

[Llewelyn Richards]

Wel, dyna eironig. Wnes i falu fy ecob bach gwyn ar lawr y gegin bore ma yn fy mrys i fynd i'r gwaith. Dweud wrth yr eithafwr bach pigog am gau ei geg, dio'n dallt dim am dafodiaith a chyfuno geiriau o ieithoedd eraill i greu geiriau Cymraeg naturiol.

[Gwen]

Nachdi - dim. Na Geiriadur y Brifysgol chwaith .

[Llewelyn Richards]

Ba! Academs hollwybodus! Ti'n meddwl bod rhyw nerd efo dosbarth cyntaf yn eistedd ar ei din/thin yn y Ganolfan Astudiaethau Celtaidd yn dallt ffyc-ol am unrhyw beth? (Dyfalwch fel pwy dwi'n swnio?)

[Gwahanglwyf Dros Grist]

O'dd 'da fi gwpan wy pren hyfryd pan o'n i'n fach, gyda'n enw arno fe a phopeth. O! am gael bod yn ifanc drachefn!

(Ar stori hollol wahanol, pan o'n i'n fach yn y capel ac yn canu "O am aros, o am aros, yn ei gariad ddyddiau f'oes", dyma fi'n gweud dros y lle i gyd - "Nage! A am aros!" )

[sian]

Fe wnes i'r un peth - cyhuddo fy nghariad (sy'n w^r i mi erbyn hyn) o siarad iaith sathredig.
"Cwpan wy" roeddwn i'n ei ddweud bob amser ym Mhencader (chlywais i erioed "egob" nac "ecob" tan i mi ddod i Drefor) - ac roeddwn i'n eitha balch o gael talu'r pwyth yn ôl gan ei fod e'n ddigon ysgafn ohona i'n dweud pethau fel "sand" a "wheel" a "ring". (Geiriau oedd yn swnio'n hollol Gymreigaidd i mi ar y pryd ond na faswn i'n breuddwydio'u defnyddio ar ôl 20 mlynedd yn y Gogledd!)

[Gwen]

Peth trist ydi gorfod newid, de? Dwi'n gwrthod ildio ar faterion o dragwyddol bwys fathag ecob, ond fel Sian, yn tueddu i wneud hynny pan mai geiriau Saesneg/Seisnig sydd gen i am y peth - ffrwythau yn arbennig am ryw reswm . Dwi'm yn deud 'apple' na dim byd felly, chwarae teg, ond mi fydda i yn deud 'orainj', 'sdrôbris', 'rasbris' ayyb. Mae hynny'n dechra newid braidd a dio'm fawr o ots gen i, ond swn i'm yn gallu dychmygu deud 'mafon' wrth neb adra.

[Chwadan]

Egob i mi bob tro. Ac ma gennai un pren efo fy enw arno fo yn rwla hefyd

[Slinci]

Egob i mi bob tro. Ac ma gennai un pren efo fy enw arno fo yn rwla hefyd

Mae'r rhai pren na yn da i ddim, mae'r wyau yn disgyn trosodd pob tro. A mi oedd gen i un hefo enw arno pan oeddwn i yn fach hefyd. Ond dim enw fi oedd o.

A ecob ydi nhw yn y ty yma. Wfft i Gwpan Wy.

[Ifan Saer]

Cwpan Wy i fi. Ond fyddai byth yn ei ddefnyddio - well gen i wy di'i ddwyn (poached)