Hoffi, Dwli yntai Licio?

gan **Barrar** » Llun 13 Medi 2004 10:54 am

Yn y llyfr ar dafodieithoedd "Cymraeg, Cymrag, Cymreg" mae'n dweud nad yw'r gair 'hoffi' yn perthyn i unrhyw dafodiaith o gwbl. Dim ond yn ysgrifenedig/ safonol mae'n cael ei ddefnyddio.

gan **Llefenni** » Llun 13 Medi 2004 11:04 am

Hmmm... dwi'n cytuno efo Barrar - dydi hoffi ddim yn scipio oddi ar y dafod cystal a licio - s'gen "hoffi" mo'r un power â licio...

Dwi'n rili hoffi ti...

Dwi'n rili licio ti...

gan **Ray Diota** » Llun 13 Medi 2004 1:52 pm

Na ti lwyth o gach. Hoffi dwi'n gweud, achos dyna'r blydi gair Cymrâg. Ond 'lyco' sy rownd fy rhan i o gylch Aberystwyth. Fel odd Hedd yn gweud ma 'dwli' yn hollol wahanol. Ta beth, tra bo well da fi hoffi na lyco, un peth nai'm goddef yw 'lyfo', sy bron cyn waethed a 'hêto' (neu hate-io). Argh! Casau, neu os rhywun wedi clywed am y gair 'harin' = casau. Fi a teulu mam yn gweud e (Dole, ger Bow street) neb arall dwi di cwrdd yn gwbod amdano fe so co chi: harin.

gan **sian** » Llun 13 Medi 2004 2:07 pm

Dwi'n cofio 2 blentyn o Ysgol Bodringallt yn dod i aros gyda ni amser Eisteddfod yr Urdd Pwllheli 1982 ac, wrth gael cynnig rhywbeth i'w fwyta yn dweud "Dwi'n hoffi hwnna" - "O da iawn, byt e 'te" - "Na, dwi'n hoffi hwnna". Sef, fel y deallais yn y pen draw "Dwi ddim yn lico fe". O'n i'n meddwl efallai mai rhyw gamddealltwriaeth personol oedd hyn ond yna yn 1997 (?) ddaeth 2 blentyn arall o'r un ysgol i aros gyda ni ac roedden nhw'n dweud yr un peth. Ydi hyn yn gyffredin yn ysgolion Cymraeg y de?

gan **Dylan** » Llun 13 Medi 2004 3:03 pm

"hoff o" fel arfer, ond mae "licio" yn llithro allan o dro i dro. "Lyfo" wir yn swnio'n annifyr i mi hefyd.

Hoffi, Dwli yntai Licio?

Pa un ti'n ddeud?

Pwy sydd ar-lein