John Street, Ceinewydd

gan **Gwahanglwyf Dros Grist** » Mer 08 Medi 2004 1:33 pm

O's unrhyw un mâs 'na'n gwbod yr enw am 'John Street' yng Ngheinewydd. Sai'n or-hyderus am roi 'Stryd John', o ystyried bod yr enwe Saesneg ar strydoedd y lle ddim yn gysylltiedig â'r enwau gwreiddiol Cymrâg, e.e. Nant Ifan > George Street, Golygfor > Prospect Place...

Diolch yn fawr os gallwch chi helpu!

gan **sian** » Mer 08 Medi 2004 2:19 pm

Beth fydda i'n ei wneud bob amser yw mynd i http://www.royalmail.com . Ti'n gallu mynd i Chwiliad Cod Post, rhoi enw'r stryd i mewn yn Saesneg, a chael enw'r stryd yn Gymraeg - gyda'r cod post ond sdim ots am hwnnw.
Mae'r enwau swyddogol i gyd fan hyn. Mae angen cofrestru ond mae'n werth e yn fy mhrofiad i. Os cei di drafferth, rho wybod i mi ac fe alla i chwilio nes mlan

gan **Gwahanglwyf Dros Grist** » Mer 08 Medi 2004 2:24 pm

Wel, nid John Street mohono, ond South John Street. Dim cyfieithiad... :rolio:

Diolch am y cymorth.

gan **Griff-Waunfach** » Mer 08 Medi 2004 2:26 pm

y cyfieithiad llythrenol fydde Stryd Ioan

gan **Iesu Nicky Grist** » Mer 08 Medi 2004 2:26 pm

St. John's Street, Caerfyrddin a Hendygwyn-Ar-Daf yw Stryd Sant Ioan. Felly guess fi yw Stryd Ioan. Gyda dweud hynny, cer i'r postcode lle 'ma.

gan **Iesu Nicky Grist** » Mer 08 Medi 2004 2:28 pm

Ffac, wow funed, ma "Stryd" yn wrong, odyw e? Heol Ioan?

gan **Griff-Waunfach** » Mer 08 Medi 2004 2:29 pm

Ti'n iawn Iesu! (goes without saying) Mab i Duw ac ati!

gan **Ray Diota** » Mer 08 Medi 2004 2:31 pm

Cac yw'r peth Post Brenhinol. Ma'r rhan fwyaf yn dod lan yn union 'r un peth, gyda phethe amlwg (ABERTAWE, CASNEWYDD...) wedi'u newid yn unig

gan **sian** » Iau 09 Medi 2004 8:35 am

Ray Diota a ddywedodd:Cac yw'r peth Post Brenhinol. Ma'r rhan fwyaf yn dod lan yn union 'r un peth, gyda phethe amlwg (ABERTAWE, CASNEWYDD...) wedi'u newid yn unig

Efallai nad yw e'n berffaith ond mae yn rhoi syniad i ti o pa strydoedd sydd ag enwau Cymraeg swyddogol - sy'n help mawr os wyt ti eisiau i dy lythyron di gyrraedd pen eu taith! Cyn cael hwn, ro'n i'n arfer ffonio'r swyddfa ddidoli post leol i gael gwybod enwau Cymraeg strydoedd - ac roedd rheiny ddim yn gwybod gan amlaf.
Mae'n help i sicrhau cysondeb - neu fe allet ti gael pobl yn rhoi Heol Ioan, Heol John, Stryd Ioan etc etc am yr un lle - neu'n cyfieithu'n llythrennol e.e. mae "Lôn Dywod" a "Sand Street" ym Mhwllheli ond nid yr un lle ydyn nhw.

gan **Gwahanglwyf Dros Grist** » Iau 09 Medi 2004 9:06 am

Hollol. Mae angen bod yn ofalus. Er enghraifft, gyda Cheinewydd dan sylw, mae 'na Ffordd yr Eglwys a Heol yr Eglwys. Felly os wyt ti'n gweld 'Church Street', rhaid i ti fod yn sicr p'un yw p'un. Paid jyst mynd mewn wili nili.

John Street, Ceinewydd

John Street, Ceinewydd

Pwy sydd ar-lein