ffugenw vs. enw iawn

gan **HBK25** » Llun 12 Rhag 2005 4:14 pm

Diolch am bwyntio hynna allan ifi. :rolio:

Dwi'n mynd braidd yn anghofys - yn bennaf oherwydd fy mod i wedi blocio allan 95% o'r 7 mlynedd diwethaf o fy mywyd :crechwen:

Ond eto, mae fy marn am bethau yr un peth ar y Maes ag ydi o ym mywyd "go iawn".

gan **Mr Gasyth** » Llun 12 Rhag 2005 4:16 pm

Rhys Llwyd a ddywedodd:Dwi di deud droeon mae wimps di pobl sy'n sgwennu dan ffug enw. Os ti'n deud rhwbeth rhaid chdi sticio dros be ti'n ddeud yn y byd go iawn... neu ymddiheurio.

Mewn dadl hefyd dwi'n meddwl fod gan bobl sy'n defnyddio eu henwau go-iawn yr moral high ground.

Lol botes maip. Iawn i sdiwdant deud hynne ond dio'm cweit mor syml os ti efo job ac angen rhyw fath o gyfrinachedd i guddio'r ffaith dy fod yn cyfrannu ar y we. Tydw i ddim yn cuddio pwy ydw i ar y maes rhag pobl dwi'n nabod a gallai unrhywun sydd wir isho ganfod pwy ydw i go iawn gyag ychydig o waith ditectif a gwglo. Fuasai gen i ddim chwaith ofn amddiffyn fy safbwyntiau yn y cig-fyd, a dwi wedi gwneud droeon.

Hefyd, tydi Cymru ddim eto mor fach nes bod pawb yn nabod pawb. petaswn wedi cofrestru dan fy enw go iawn dim ond cyfran fechan o ddefnyddwyr fuase efo mwy o syniad pwy ydw i na sydd pan dwi'n defnyddio ffugenw.

gan **Mali** » Llun 12 Rhag 2005 5:22 pm

Manon a ddywedodd:
O'n i wastad yn meddwl mai Mali oedd dy enw iawn!

Na , enw'r gath ydi Mali .......ac os ei di i'r dudalen flickr isod , fe weli di lun ohoni .
Dewis personol ydi cael ffug enw neu defnyddio enw iawn , a gyda phob parch i ti Rhys, tydi'r ffaith fod rhywun yn sgwennu o dan ffug enw ddim yn golygu na fuasai'r person yma yn ymddiheuro nac yn 'sticio dros be mae'n ddeud yn y byd go iawn'.

gan **Rhys Llwyd** » Llun 12 Rhag 2005 5:33 pm

Mr Gasyth a ddywedodd:
Rhys Llwyd a ddywedodd:Dwi di deud droeon mae wimps di pobl sy'n sgwennu dan ffug enw. Os ti'n deud rhwbeth rhaid chdi sticio dros be ti'n ddeud yn y byd go iawn... neu ymddiheurio.

Mewn dadl hefyd dwi'n meddwl fod gan bobl sy'n defnyddio eu henwau go-iawn yr moral high ground.

Lol botes maip. Iawn i sdiwdant deud hynne ond dio'm cweit mor syml os ti efo job ac angen rhyw fath o gyfrinachedd i guddio'r ffaith dy fod yn cyfrannu ar y we.

Dwi'n dallt hynny - ma gin ti reswm teg, ac fel ti di nodi dwyt ti ddim yn cal enw ffug i guddio ac i ddeud pethe cachlyd. Mi wyt ti a sawl un arall yn eithriad.

Be dwi ddim yn cytuno efo ydy pobl sydd ac enwau ffug jest er mwyn deud pethau sgena nhw ddim gyts dweud yn y byd go iawn.

gan **Dai dom da** » Llun 12 Rhag 2005 5:37 pm

Aye, cytuno da Rhys. Er bod gen i ffug enw, dwi ddim yn cuddio. Mae'n neud fin grac pan ma pobol y cuddio tu nol ffug enw ac yn bitchan bant, ac sdym clem da neb pwy i nhw.

gan **Mr Gasyth** » Llun 12 Rhag 2005 7:41 pm

Rhys Llwyd a ddywedodd:Dwi'n dallt hynny - ma gin ti reswm teg, ac fel ti di nodi dwyt ti ddim yn cal enw ffug i guddio ac i ddeud pethe cachlyd. Mi wyt ti a sawl un arall yn eithriad.

Ella base hi'n well i ti felly osgoi gwneud sweeping generalisations na fedri di hyd yn oed eu hamddiffyn ar y maes, heb son am yn y cigfyd :winc:

gan **Manon** » Llun 12 Rhag 2005 9:23 pm

Mali a ddywedodd: enw'r gath ydi Mali .......ac os ei di i'r dudalen flickr isod , fe weli di lun ohoni .

wAAAAAW, ma' dy lunia' di'n amazing, yn arbennig yr un o noson braf yn comox...

gan **Fflamingo gwyrdd** » Llun 12 Rhag 2005 11:05 pm

Mr Gasyth a ddywedodd:Lol botes maip. Iawn i sdiwdant deud hynne ond dio'm cweit mor syml os ti efo job ac angen rhyw fath o gyfrinachedd i guddio'r ffaith dy fod yn cyfrannu ar y we.

Yup yup a yup eto. Ar hyn o bryd 'di'r joban ddim yn gwneud llawer o wahaniaeth i fy nghyfraniadau (na vice versa), ond mi oedd cyn fis Awst diwetha, ac mae'n debygol o fod o fis Awst nesa. Felly mae'n saffach defnyddio ffugenw.

A fel 'dwi'di deud yn barod, dydi hynny ddim o angenrheidrwydd yn golygu nad ydw i isho i Faeswyr wybod pwy ydwi (a bod yn onest, 'dwi ddim wedi cuddio fy hun rhyw lawer), ond yn hytrach, dwi ddim isho i ddefnyddwyr eraill fy gwglo i, a chael eu harwain at y maes, a darllen fy nghyfraniadau.

gan **gronw** » Llun 12 Rhag 2005 11:26 pm

Fflamingo gwyrdd a ddywedodd:A fel 'dwi'di deud yn barod, dydi hynny ddim o angenrheidrwydd yn golygu nad ydw i isho i Faeswyr wybod pwy ydwi (a bod yn onest, 'dwi ddim wedi cuddio fy hun rhyw lawer), ond yn hytrach, dwi ddim isho i ddefnyddwyr eraill fy gwglo i, a chael eu harwain at y maes, a darllen fy nghyfraniadau.

hollol, mae'n safbwynt i'n eitha tebyg i fflamingo. dyw hi ddim yn ddiwedd y byd os oes rhywun yn gwbod pwy ydw i, ond ar y llaw arall, pan ti'n sgwennu ar maes e, ti'n dweud wrth y byd, a falle nad wyt ti ishe i dy nain/dy gyn-gariad/dy fos/pawb arall i weld am byth be ddwedest ti rwbryd am rwbeth. er mai myfyriwr o'n i pan ymunes i dan yr enw yma, erbyn hyn mae gen i swydd, ac er mai pur anaml dwi'n dod i'r maes pan dwi yn gwaith, fyswn i methu gwneud un cyfraniad dan fy enw iawn, neu bydde fy mos i'n mynd trwy'r to (a bydde llanast).

dwi ddim yn teimlo bod sgwennu dan ffugenw yn rhoi rhyddid i fi ddweud beth bynnag dwi ishe am unrhyw un, dwi'n dal yn sgwennu be dwi'n feddwl go iawn. dwi'n meddwl bod pobl yn gallu bod llawn mor flippant dan eu henwau eu hunain, ond mae pawb yn newid eu meddwl o dro i dro wrth gwrs. byswn i'n barod heddiw i ddadle dros yr un peth a sgwennes i heddiw ar y maes yn y byd go iawn, wrth gwrs, mewn sgwrs efo pobl. ond nid i'w ddatgan ar goedd i gymru gyfan o reidrwydd. pwynt arall ydy bod dweud rhwbeth ar maes-e yn ymarferol yn llawer mwy parhaol na sgwennu llythyr i golwg neu ddweud rhwbeth mewn vox pop ar hacio, achos gall unrhyw un ei ddarllen unrhyw bryd, trwy chwilio amdano neu hyd yn oed trwy gwglo. cofiwch hynny! hyd yn oed ar ol i chi farw

gan **krustysnaks** » Llun 12 Rhag 2005 11:48 pm

Mali a ddywedodd:Na , enw'r gath ydi Mali .......ac os ei di i'r dudalen flickr isod , fe weli di lun ohoni .

Ro'n i di anghofio hyn, sy'n profi fy mhwynt i - mae enw pawb yn ffug ar y maes, boed yn 'Mali' neu yn 'Rhys Llwyd'.

ffugenw vs. enw iawn

Pwy sydd ar-lein