Mwy o aelodau o Loegr

gan **Golwg y diawl** » Sad 23 Medi 2006 1:16 pm

HRF- mae arnai ofn nad oedd y genedl Gymraeg yn ddigon uchelgeisiol ar gyfer yr her anferthol- dyma'r gwir palen. Mae disgrifo'r diwylliant Cymraeg fel un Mici Mows yn annheg... ond mae'r term wedi croesi meddwl pob un copa walltog sy'n myfyrio ynglyn a'n diwylliant o bryd i'w gilydd. Mae maes-e wedi colli cyfle digymar. Be sydd o'i le mewn cydnabod hyn?
Ni cheir digon o Gymry ar wasgar yma- Lepwl 07 oedd y cyfle perffaith. Nid Lerpwl yw prifddinas Gogledd Cymru, ond mae hi'n fwy enwog drwy'r byd na unrhyw ddinas neu thref yng Nghymru fach- hysbys,sylw, symud i fyny i'r ger neasf, mymryn o sylw yn y cyfryngau Seisnig...

gan **Golwg y diawl** » Sad 23 Medi 2006 1:20 pm

Hen Rech Flin a ddywedodd:Be wyt ti'n gwneud?

Dadlau o blaid cynnal y Steddfod ar dir Sgowsaidd rhywbryd yn ystod y degawd nesaf!
Mae'r synaid o maes-e yn cael mwy o bres o rywle yn un da.

gan **Golwg y diawl** » Sad 23 Medi 2006 1:23 pm

Hen Rech Flin a ddywedodd:Rwy'n cytuno bod modd defnyddio'r Maes fel lle i'r Cymry ar wasgar defnyddio eu Cymraeg.

Creu tref/dinas electronig Cymraeg- ble mae'r weledigaeth??
O.N. nid yw pentref yn ddigon da.

gan **Hedd Gwynfor** » Sad 23 Medi 2006 1:26 pm

Golwg y diawl a ddywedodd:
Hen Rech Flin a ddywedodd:Be wyt ti'n gwneud?

Dadlau o blaid cynnal y Steddfod ar dir Sgowsaidd rhywbryd yn ystod y degawd nesaf!
Mae'r synaid o maes-e yn cael mwy o bres o rywle yn un da.

Rhow wybod i ni Nic pan ti'n derbyn y siec o £10,000 gan Martin! :winc:

gan **nicdafis** » Sad 23 Medi 2006 1:47 pm

Fel dw i wedi esbonio i ti bob tro ti wedi codi'r pwnc 'ma (o dan dy gyfrifau blaenorol) does dim awydd mawr 'da fi i "godi proffeil maes-e" fel ti'n awgrymu, gan fy mod i ddim yn gallu fforddio'r amser i redeg wefan sy'n fwy bishi na'r un 'ma. Ar hyn o bryd mae'r safle yn denu tipyn bach o incwm o'r hysbysebion, ac mae rhai aelodau hael yn talu rhywbeth bob mis trwy Paypal.

Dw i wedi gwrthsefyll y temptasiwn i fynd ar ôl arian cyhoeddus, er byddai hynny ar gael mae'n debyg, gan fy mod i ddim am weld maes-e cael ei sbaddu.

Yn y bôn, dydy maes-e ddim yn cael ei hysbysebu mwy gan nad oes lot o ddiddordeb 'da fi neud hyn fel job llawn amser. Os dydy hynny ddim dy siwtio di, wel, mae'n flin 'da fi, ond dw i ddim yn ateb i ti am y ffordd dw i'n dewis byw fy mywyd.

Nid diffyg uchelgais y Gymry yw hon, ond diffyg uchelgais un Cymro bach, sy'n fwy na bodlon cyfaddau nad oes asgwrn uchelgeisiol yn ei gorff.

Sori.

gan **Golwg y diawl** » Sul 24 Medi 2006 6:30 pm

Hedd Gwynfor a ddywedodd:£10,000

Camsyniad, Hedd. Nid deg mil ond can mil

gan **Golwg y diawl** » Sul 24 Medi 2006 6:34 pm

Wel, digon teg Nic. Ond dwi'n siwr y byddai mwy o Gymry ar wasgar ar maes-e yn ychwanegu mwy o sbeis i'r trafodaethau. Mwy o berspectifau amrywiol. Cwl Cymru :?:

gan **Golwg y diawl** » Mer 27 Medi 2006 8:22 am

Nic- a fyddet yn cysidro cynnwys hysbyseb o maes-e yn e.e. Yr Enfys (cylchgrawn Cymru a'r Byd) + Yr Angor (papur Cymry Glannau Mersi a Manceinion) ?
Dim yn son am e.e. dyblu neu dreblu nifer yr aelodau ar maes-e - mymryn bach mwy o "halen a phupur a sos coch" yn y trafodaethau- dyna i gyd... Dim yn son am chwyldro- symud i fyny chwarter ger efallai?

gan **Rhys** » Mer 27 Medi 2006 8:45 am

Mae'n siwr na fyddai Nic yn gwrthwynebu i ti ysgrifennu erthygl byr dy hun yn sôn am rinweddau maes-e. Y ffordd mae gwefannau annibynnol yn ffynnu, yw trwy word of mouth pobl (h.y. defnyddwyr cyffredin nid perchennog y wefan). Os ti'n meddwl bod y wefan yma'n dda a byddai dy gyfeillion yn ei hoffi, gad i bobl wybod unai ar lafar neu drwy flogio amdano (os oes blog gyda ti) neu adael sylw ar negesfyrddau eraill ble mae posiblirwydd byddai darllenwyr yno â diddordeb - OND *paid* a sbamio'r gwefannau hyn [awgrymaf dy fod yn darllen y diffiniad], neu ti ond yn mynd i godi gwrychyn pobl a wedyn bydd pawb yn meddwl mai ffyliaid sy'n mynychu maes-e ac bydd neb yn ymweld â maes-e

gan **S.W.** » Mer 27 Medi 2006 12:03 pm

Dwin meddwl fod y wefan yma'n enghraifft dda o rhywbeth Cymraeg sydd wedi llenaenu a dod yn boblogaidd yn naturiol heb gymorth grantiau (dwin credu weithiau bod y Cymry'n rhy hoff o grantiau). Does dim rheswm pam na fyddai myfyrwyr/expats o Gymru ddim yn dod o hyd i hwn, boed ar bwrpas neu ar ddamwain. Does dim angen i ymgyrch penodol i dynnu sylw neb boed yng Nghymru neu thu hwnt i'r wefan.

A stopia parablu'n mlaen am Steddfod 2007 yn Lerpwl eto fyth. Mae on mynd i Sir y Fflint, a dwin edrych ymlaen at hynny - y tro cynta iddo fo fod ar stepen fy nrws i ers Dinbych 2001. Does dim i atal Lerpwl rhag cynnal Eisteddfod neu Gwyl Gymraeg eu hunain yn 2007 neu unrhyw flwyddyn arall os dyna maent yn ei ddymuno. Mae na Eisteddfodau Cymraeg'n cael eu cynnal ar hyd a lled y byd yn flynyddol, nid yr Eisteddfod Genedlaethol sydd biau'r enw 'Eisteddfod'.

Mwy o aelodau o Loegr

Pwy sydd ar-lein