2006 yn flwyddyn dawel (wele y graff)

[Rhys Llwyd]

O edrych ar y graff isod fe welir fod 2006 wedi bod yn flwyddyn o gwymp aruthrol - wrth i'r flwyddyn ddod i ben fe welwn fod y nifer sy'n cyfrannu negeseuon yn ol mor isel ag yr oedd yn 2003. Ac ymhell dan hanner y nifer o negeseuon ag yr oedd yn ystod llanw uchel Haf 2004.

Tybed beth yw'r rhesymau am hyn? Dwi'n tybied fod myspace yn ffactor - does dim gymaint o kids yma yn malu awyr bellach - mae nhw wedi symud i wneud hynny ar myspace. Cymer fy mrawd bach i fel enghraifft - roedd ef a'i gyfeillion ar un pwynt yn cyfrannu'n gyson ddyddiol i'r maes ond bellach mae eu cymuned nhw ar myspace yn fyrlymus o brysur a does dim son amdanynt fan yma.

Ysywaeth, dyma'r graff:

[Fflamingo gwyrdd]

Tybed beth yw'r rhesymau am hyn? Dwi'n tybied fod myspace yn ffactor - does dim gymaint o kids yma yn malu awyr bellach - mae nhw wedi symud i wneud hynny ar myspace.

Ti siwr o fod yn iawn - fel un sydd mond newydd sylweddoli be ydi MySpace ers wythnos (!) mi alla i ddeall sut y byddai hyn wedi cyfrannu. Ond oes problem yn hyn?
Ella nad ydw i'r unigolyn gorau i ddeud ffasiwn beth, ond onid "cwaliti, not cwantiti?"

[Gwen]

Cytuno efo'r Fflamingo. Mae'r lle ma'n lot callach dyddia yma, a dwi, yn bersonol, wedi cael mwy o fwynhad o'r maes yn ystod 2006 nag a ges i o gwbwl yn ystod y ddwy flynedd flaenorol - ers 2003, fel mae'n digwydd. Ond mae'n siwr y bysa rhai yn deud nad ydi hyn yn ddigon uchelgeisiol...

[Fflamingo gwyrdd]

Am bwy odda ti'n meddwl yn fanna, Gwen?! (shhhhh, paid a deud... Sdimisho deffro'r diafol, nagoes!)

Ia wir, mi gytuna' inna i hynny hefyd. Ella mod i'n un o'r bobol newydd oedd yn meddwi'n wirion ar Faes-e pan ymunish i (a dwi'n licio meddwl mod i wedi tawelu ers hynny). Ond mi esh i drwy gyfnod reit hir lle nesh i ddim cyfrannu (sawl 'n'?) llawer hefyd. Bellach, dwi'n mwynhau bod yma.

Ella fod y cyfartaledd oed wedi codi ychydig eto? (mi 'dwi'n cofio cyfnod lle y disgynnodd reit isel).
(neu ella 'sa "aeddfetrwydd" yn air tecach i'w ddefnyddio, gan nad ydi oed=aeddfedrwydd ymhob achos!)

[sian]

Mae MySpace, a bebo bondigrybwyll siwr o fod yn ffactor.
Ond mae arna i hiraeth ar ôl y Gath Ddu!

[nicdafis]

Doedd y tyfiant yn y ddwy flwyddyn gyntaf ddim yn gynaladwy, dyma pam do'n i ddim am hysbysebu'r maes yn rhy eang. Dwy flynydd yn ôl roedd yn edrych yn debyg iawn na fyddai'r maes yn cario ymlaen am yn hir, gan fod y raddfa signal/swn wedi dirywio i'r pwynt lle nad oedd werth darllen dim byd yma, a do'n ni ddim yn gallu ymdopi â'r gwaith cymedroli.

Dw i wedi dweud o'r cychwyn cyntaf nad oes rhaid i maes-e fod yn "bopeth i bawb". Dw i'n falch bod cymunedau eraill yn ffynnu - bach o drunei eu bod yn ffynnu ar wefanau Eingl-Americanaidd fel MySpace ond dyna natur y we.

[huwwaters]

Dwi'n hapusach oherwydd hyn.

Dwnim os chi'n sylwi, ond tydi fy nghyfraniadau ddim yn digwydd cymaint rwan, achos dwi'n tueddu i ond ddarllen pethe.

[Mali]

"cwaliti, not cwantiti?"

cweit....mae pethau wedi tawelu ond wedi gwella hefyd.

[Macsen]

Dwin meddwl bod y cenhedlaeth cynta' cafodd eu cyffroi gan y Maes wedi tyfu fyny a cael swyddi yn y cyfryngau ac nawr yn ofn cyfrannu rhag tynnu nyth cacwn i'w penna'.

Mae diffyg rywun gyda barn dadleuol iawn wedi cael effaith hefyd. Dopeddwn i'm yn hoffi RET a Newt ond o leia' roedden nhw'n adloniant da.

[krustysnaks]

Hefyd, mae edefynau anomalous o hir, fel yr Edefyn Hiraf Erioed a Cwestiwn Cwis Bach Sydyn wedi marw / arafu'n sylweddol.