Oes yna glic?

[eusebio]

Ai fi sydd bod yn or-sensitif neu yw rhai o'r sgyrsiau ar y maes 'ma'n rhy 'in'?

Efallai mod i'n bod yn hen grymp, ond mae darllen un edyfen yn yr adran gerddoriaeth fel cerdded i fewn i byb a phawb yn mynd yn ddistaw

Galwch i'n hen grymp anifir os da chi eisiau, ond dwi'n siwr fod bod rhy 'in' y mynd i stopio rhai pobl rhag ymuno â'r wefan wych 'ma.

[cythralski]

Mae'n tsiepach na defnyddio'r ffon tho yndydi?

[SbecsPeledrX]

Ella fod pwynt gennyt ti Eusebio. Ond ti dal yn hen grymp!

[Gwahanglwyf Dros Grist]

Cytuno gyda ti, 'rhen Eusebio. Fe droiodd yr edefyn am gigs penwythnos diwetha' o drafodaeth gyffredinol i ryw dri neu bedwar person yn cael chin-wag. Trefnwch fore coffi y ffycars!

(Gyda llaw, fi newydd basio 500 o negeseuon, ac felly wedi ymuno a rhengoedd y Ffanaticiaid. Fi'n mynd i ladd fy hunan. )

[Buddug Trotter]

Trefnwch fore coffi y ffycars!

i pa le yr aeth y bore coffi,
gyda'i thombola thrwsgwl
a'i chwn poeth parod
a'r holl geiriach yn glwter
ar stondinau ein mamau
yn malu a pharablu
dros frechdan wy a choffi llugoer
i pa le yr aeth y bore hwnnw?

Duw Duw Gwahanglwyf Dros Grist, os ydi'r 'ogia isho trafod yr hwyl a fu yn absenoldeb rhai meyswyr grwmpi, pa ots? ond mae trefnu bore coffi yn syniad gwych

[eusebio]

dwi yn grymp - Ylwch ...

[Al Jeek]

Dwi'm yn meddwl fod na 'glic', just pobl sy'n nabod ei gilydd weithiau yn mynd ar tangent am bethau nad oes eraill a syniad am (dwin siwr fy mod i'n euog o hyn weithiau).
Cadwch nhw i negeseuon preifat!

[Wierdo]

dwi heb sylwi os oes....dwin aa mai jesd driffdio oddi ar y pwnc syn digwdd.......???

[nicdafis]

[Wedi symud hwn yma o'r Blwch Tywod, gan ei fod yn trafod defnydd y maes.]

Cadwch nhw i negeseuon preifat!

Yn union, a dw i'n cytuno yn llwyr ag Eusebio bod 'na gormod o stwff stafell sgyrsio ar y maes. Does dim cymaint o ots os ydy e yn y Blwch Trafod, a dyw e ddim yn dinistrio trafodaeth am rywbeth arall - beth arall i wneud gyda'r edefyn am oergell rhywun dwyt ti ddim yn nabod yw ei anwybyddu falle. Ond tra bod grwp bach o ddefnyddwyr sy'n ffrindiau yn y cigfyd yn dod i mewn i drafodaeth am rywbeth arall a dechrau cloncion, mae hynny yn gallu dieithrio defnyddwyr eraill.

Dw i ddim yn erbyn y syniad o ffrindiau sy'n defnyddio'r maes i hel clecs, ond dim ond os dydy e ddim ar draul trafodaethau pobl eraill.

[Rhys Llwyd]

Cymry Cymraeg ydym ni. Yn anffodus ma llawer ohonom yn enwedig plant y chwyldro yn nabod ein gilydd drwy amgen ffyrdd (maes b, CYI, rhieni ni yn coleg efoi gilydd ayyb...) felly ella bod on medru mynd yn 'cici' weithie.

....yn anffodus