Colofn Simon Brooks - "maes-e yw'r Stryd Gymraeg"

[nicdafis]

Dw i'n eitha sicr bod dyfynnu geiriau, gyda credyd, yn dod tu mewn i reolau defnydd teg. Ti'n iawn am yr hawlfraint, ond dyw hyn ddim yn torri hawlfraint neb, am wn i. Ac yn sicr, dw i heb "rannu gwybodaeth" gyda Brooks - fyddai hynny'n golygu rhywbeth fel rhoi enwau go iawn defnyddwyr iddo fe - gwybodaeth fyddwn i byth yn rhannu.

Mae'n debyg nad yw <i>public domain</i> y geiriau iawn am negeseuon ar y maes, ond maen nhw yn gyhoeddus, a does dim angen gofyn caniatâd i'w defnyddio (er bod hwnna yw'r peth mwya cwrtais i'w wneud, debyg).

Dw i'n falch bod hyn wedi dod lan, mae'n rhywbeth werth ei drafod.

[nicdafis]

Cwpl o edeifion ar Metafilter am hyn: <a href="http://metatalk.metafilter.com/mefi/2254">un</a> <a href="http://metatalk.metafilter.com/mefi/1904">dau</a>. Y consensws yna yw "defnydd teg".

[Gwahanglwyf Dros Grist]

Wy'n credu ei bod yn ddigon teg, cyhyd a nag y'ch chi'n cael eich cam-ddyfynnu neu bod eich geirie'n cael eu cymryd allan o'r cyd-destun, ac yn gwneud i chi ymddangos fel person drwg/gwael (wel, mae hyn yn digwydd yn Gwleidyddiaeth eisoes). Dyfynnwch fi ta faint chi moyn, Barn.

Nid bod nhw moyn g'neud ta beth...

[dafydd]

Yr unig beth fase'n i'n ddweud yw fod e'n eitha peryglus i ddyfynnu heb ganiatad. Gall rhywun wneud sylw ar y Maes yna mae'n cael ei ddileu am pa bynnag reswm (falle fod y cyfrannwr o dan ryw "ddylanwad" ar yr amser, neu falle fod rhywun arall wedi ffugio'r cyfraniad)

Ond yn y cyfamser mae rhywun wedi copio'r neges ac yn ei gyhoeddi rhywle arall - mi fyddai hawl gan y cyfrannwr i erlyn y cyhoeddwr newydd.

Dyw e ddim yn debygol iawn o ddigwydd heblaw fod yr awdur gwreiddiol yn berson annifyr iawn ac yn chwilio am esgus i siwio. Mae'n hawdd dileu cynnwys o wefan os oes cwyn yn cael ei wneud, ond wrth gyhoeddi mewn ffurf parhaol fel print ar bapur, dwi'n synnu nad yw pobl yn bod yn fwy gofalus.

Mi roedd achos fel hyn gyda ebost (preifat) Robin Gwyn i'w ffrindiau yn cael ei ddyfynnu gan y BBC fel 'stori sgandal'. Mae papurau a chylchgronau lloegr yn ofalus iawn am beth mae nhw'n gyhoeddi yn enwedig dyfynniadau- efallai fod dim angen gwneud hynny yn Gymraeg am ein bod ni gyd mor neis (a'r gymuned mor fach) fel nad oes llawer o neb eisiau mynd a achosion o'r fath i'r gyfraith?

[Rhys Llwyd]

Defnyddiais i maes e i lunio erthygl i Barn ar C2 dros flwyddyn yn ol.

OND yn wahanol i Brwcsyn nesi sefydlu yr edefyn yn bwrpasol ar gyfer y nod gan ddwedu ar y dechrau y bydde ni yn defnyddio ei gynwys ar gyfer fy erthygl yn barn.

Dyma godi yr holl beth eto o ddefnyddio eich enwau go-iawn a sefyll yn onest dros be chi'n dweud!!!!!!!!!!!

Dwi ddim yn meddwl fod hi'n deg fod pobl sy ddim yn aelodau yn medru darllen y maes. e.e petawn yn gwbod fod pobl fel Seimon Brwcs, Dafydd Iwan rhai enghreifftiau yn darllen y maes byddwn efallai yn atal rhai sylwadau.

Dwi'n argyhoeddedig fod cuddio tu ol enwau ffug yn anghywir!!!!

[eusebio]

Dwi'n argyhoeddedig fod cuddio tu ol enwau ffug yn anghywir!!!!

A fi

[garynysmon]

Dwi'n Barn??
Wel, o leiaf wnes i ddim dweud rhywbeth gwirion, fel dwi'n dueddol i wneud ymhob edefyn arall.

[Hogyn o Rachub]

Dw i am fynd i brynu copi heddiw ta! (trist iawn, feri sad mi wn..!)

[nicdafis]

Yr unig beth fase'n i'n ddweud yw fod e'n eitha peryglus i ddyfynnu heb ganiatad. Gall rhywun wneud sylw ar y Maes yna mae'n cael ei ddileu am pa bynnag reswm (falle fod y cyfrannwr o dan ryw "ddylanwad" ar yr amser, neu falle fod rhywun arall wedi ffugio'r cyfraniad)

Mae hyn yn wir, a dw i'n cytuno y byddai wedi bod yn syniad da i Simon Brooks sieco gyda'r awduron - ond eto, doedd hynny ddim yn <i>anghenrheidiol</i> yn yr achos hwn, jyst yn fwy cwrtais/gofalus.

Mae dy bwynt am "rhywun arall wedi ffugio'r cyfraniad" yn un <a href="http://maes-e.com/viewtopic.php?t=5712">dilys iawn</a>

Mi roedd achos fel hyn gyda ebost (preifat) Robin Gwyn i'w ffrindiau yn cael ei ddyfynnu gan y BBC fel 'stori sgandal'.

Sefyllfa tra wahanol fyddwn i'n dweud, ond eto i gyd mae cynnwys ebost yn eiddo y person sydd yn derbyn yr ebost, nid i person sy'n ei sgwennu. Pwyll biau hi, bob tro.

Mae papurau a chylchgronau lloegr yn ofalus iawn am beth mae nhw'n gyhoeddi yn enwedig dyfynniadau- efallai fod dim angen gwneud hynny yn Gymraeg am ein bod ni gyd mor neis (a'r gymuned mor fach) fel nad oes llawer o neb eisiau mynd a achosion o'r fath i'r gyfraith?

Mae achos <a href="http://news.bbc.co.uk/1/hi/wales/1496411.stm">Gwilym ab Ioan</a> yn dangos bod dim angen mynd â'r peth i'r llys i eiriau "ar y we" gael effaith difrifol yn y byd "go iawn". Y gwir yw, wrth gwrs, bod y we yn <i>rhan</i> o'r byd go iawn, er bod ni'n tueddu sôn amdani fel rhywbeth ar wahan (y "rhithfro" ac ati) ac mae popeth sy'n cael ei ddweud ar y we yn cael ei ddweud yn y byd go iawn ac yn cael effaith ar bobl go iawn.

Dwi ddim yn meddwl fod hi'n deg fod pobl sy ddim yn aelodau yn medru darllen y maes. e.e petawn yn gwbod fod pobl fel Seimon Brwcs, Dafydd Iwan rhai enghreifftiau yn darllen y maes byddwn efallai yn atal rhai sylwadau.

Mae maes-e yn fforwm cyhoeddus, a does dim awydd 'da fi i newid hynny. Mae cwpl o seiadau tu fewn i'r maes sy ddim yn gyhoeddus (yr un Cymdeithas yr Iaith er enghraifft) a fyddwn i ddim yn hapus weld geiriau o'r seidau 'na gael eu dyfynnu. Ond wedi dweud hynny, does dim modd i mi yn bersonol sicrhau na fydd rhywun cael ymuno â seiat preifat ac wedyn defnyddio pethau sy'n ymddangos ynddo yn y wasg.

Bob tro dw i'n sôn am unrhywun ar y maes dw i'n meddwl sut byddai'r person hwnna yn teimlo 'sen nhw'n darllen y sylwadau. Mewn gwlad mor fychan, dyw e ddim yn annhebyg y bydda i'n cwrdd â'r person dan sylw rhyw ddydd, neu o leia rhywun sy'n ei nabod.

Unwaith eto, pwyll biau hi, oni bai bod dim ots 'da ti bod pobl yn meddwl dy fod di'n berson cas.

Mae <i>pawb</i> yn darllen maes-e, ond ydyn nhw?

Dwi'n argyhoeddedig fod cuddio tu ol enwau ffug yn anghywir!!!!

Dw i'n argyhoeddedig bod gor-ddefnydd o !!!s yn anghywir, ond dw i ddim yn disgwyl i neb wrando arnaf

Na, dw i'n cytuno â ti Rhys, y byddai'r maes yn lle wahanol, ac yn fwy dymunol (ond efallai yn llai diddorol) 'sai pawb yn gorfod defnyddio eu henwau go iawn. Yn anffodus, dw i'n siwr y byddai llawer llai o aelodau 'da ni 'sen ni'n wneud rheol ohono fe.

Mae busnes defnyddio "persona" ar y we yn un diddorol ynddo ei hun, ond mae'n gor-symleiddio i feddwl nad yw "nicdafis" cymaint o bersona â "RET79" neu "Macsen".

Dw i am fynd i brynu copi heddiw ta!

Unrhywun wedi meddwl falle bod Brooks wedi wneud hyn er mwyn gwerthu mwy o gopiau o Farn?

<i>Defnyddwyr cofrestredig: 1026</i>

[gronw]

Unrhywun wedi meddwl falle bod Brooks wedi wneud hyn er mwyn gwerthu mwy o gopiau o Farn?

<i>Defnyddwyr cofrestredig: 1026</i>

haha, syniad gwych - mae i'w weld yn gweithio hefyd!


Ynglyn â'r busnes dyfynnu pobl Maes E yn rhywle arall, dwi'n credu bod pob hawl gan bobl i wneud. Wedi'r cwbl, mae Maes E yn fforwm gyhoeddus (heblaw ambell seiat fel dwedodd nic), felly fe all unrhyw un yn y byd sy'n deall Cymraeg ddarllen sylwadau pawb.

Petai'r Maes yn fforwm gaeedig lle dim ond aelodau sy'n cael darllen sylwadau, dwi'n credu y bydde pethe'n wahanol. Ond mae Maes E yn fforwm gyhoeddus, felly os nad ydych chi am i bobl wybod eich barn chi ar bethau, peidiwch â'u gwneud nhw'n gyhoeddus (neu defnyddiwch ffug enw). Pam fod cael y sylwade yn Barn yn waeth na'u cael nhw ar Faes E beth bynnag? Os oes ffugenw gennych chi, y chances ydy bod mwy o bobl y Maes yn gwybod pwy ydych chi na darllenwyr Barn. Gan gofio fod llawer o bobl yn darllen Maes E heb sgwennu dim eu hunain, mae'n hollol bosib y bydd mwy o bobl yn darllen Maes E nag sy'n darllen Barn cyn bo hir beth bynnag!

Os ydy'r Cytundeb Cofrestru yn dweud na fydd gwybodaeth yn cael ei rhannu, dwi'n credu bod hynny'n cyfeirio at bethau fel cyfeiriadau ebost y defnyddwyr. Pan rydyn ni'n sgwennu ein sylwade, ni sy'n rhannu'n barn, a hynny gydag unrhyw un sydd am ei darllen. Ond falle y bydde hi'n syniad rhoi nodyn yn y cytundeb sy'n tynnu sylw at y ffaith y bydd modd i unrhyw un ar y we weld eich sylwade chi?

Rhys Llwyd, gan fod y lle ma yn gyhoeddus, bydde'n well cymryd yn ganiataol fod pawb yn darllen - gan gynnwys "pobl fel" Simon Brooks a Dafydd Iwan. Dyna pam dwi'n credu bod lot o bobl yn ffeindio hi'n haws cael ffugenw - er y bydde Maes lle mae pawb yn rhoi eu henwe iawn yn ddelfrydol, mae'n debyg y bydde llawer o bobl yn llai parod i roi eu barn wedyn...

Dwi wedi deud llawer o bethe dwl ar Maes E, heb feddwl, a dwi ddim yn gwybod os fyswn i'n hapus i'w gweld nhw wedi'u cyhoeddi yn rhywle arall Ond os ydyn ni'n ddigon dwl i'w sgwennu nhw fan hyn, allwn ni feio neb ond ni'n hunain, debyg.