Maes-E Wedi Neidio'r Siarc?

[Macsen]

Ooooo, ma'r drafodaeth yma'n codi paranoia uffernol arnai (a dwi'n siwr mai nid fi di'r unig un)

Nid pwy sy'n gwneud hyn sy'n bwysig, ond ei bod nhw'n rhoi'r gorau iddi.

[dafydd]

Does yr un fforwm arall wedi bod, nac yn bodoli yr all Gymry Cymraeg gael cyfle i wneud hyn. Arwydd fod y Cymry yn ennill ychydig o hunan-hyder yw'r maes i mi, yn bersonol.

sic transit gloria

Dyw hyn ddim yn stori newydd. Nid maes-e yw'r fforwm cymraeg cynta ar y we (neu y rhyngrwyd yn gyffredinol) a nid maes-e fydd yr olaf. Mae bob un fforwm sydd wedi bodoli yn dechrau'n fach ac yn 'gysurus' yna'n cynyddu yn ei boblogrwydd a dyna'r lle mae problemau yn dechrau. Mae'n anodd cael cymysgedd o oedran a diddordebau mewn un gwefan neu grwp trafod (hyd yn oed os adrannau a pynciau wedi ei gosod allan).

Mae siaradwyr saesneg yn delio gyda hyn drwy greu nifer o grwpiau trafod (neu wefannau yn y dull fodern) i rannu pobl yn ol diddordeb. Ond mae yna feddylfryd (gwirion) wedi bod gyda'r cymry fod rhaid sticio gyda'n gilydd a jyst cael un grwp mawr monolithig. Mae yna le i fforymau arall, mwy arbennigol (mae Gwleidyddiaeth yn un amlwg)... nid i farnu na cystadlu (ha) gyda maes-e ond er mwyn creu gofod i drafodaethau llawnach.

Un o'r pethau drwg gyda ffurf maes-e yw'r 'negesuon newydd' gythreulig. Mae'n dangos pob neges ymhob fforwm felly mae'n hawdd i rywun swnllyd pigo mewn i bob sgwrs heb yr ymroddiad na'r dealltwriaeth o'r pwnc sy'n cael ei drafod. Mae cael gwefannau ar wahan yn debygol o leihau y patrwm yna, a mi fyddai'n gyfle i rai sydd am drafodaeth fywiog ond call osod rheolau mwy cadarn (neu ffasgaidd os mynnwch chi) ar y defnyddwyr.

[mogwaii]

beth fi'n methu deall yw pam yn y byd ma fe'n becso chi gyd shwt gymaint?na gyd yw maes e yw. fforwm. trafod. ar. y. we. ond chi'n trafod e fel taw dyma'r peth pwysica yn eich bywyd chi.rhyw fath o "be sy'n digwydd i'n cymdeithas fach ni?" dos bosib ma pethe pwysicach i bobol mewn oed i ofidio amdano na faint o farciau cwestiwn ma rhyw exitable teenager yn rhoi ar ol brawddeg?

[eusebio]

beth fi'n methu deall yw pam yn y byd ma fe'n becso chi gyd shwt gymaint?na gyd yw maes e yw. fforwm. trafod. ar. y. we. ond chi'n trafod e fel taw dyma'r peth pwysica yn eich bywyd chi.rhyw fath o "be sy'n digwydd i'n cymdeithas fach ni?"

Fforwm trafod - ia - yn union - trafod.
Ond mae'n anodd trafod pa fo rhywun yn dod i fyny efo neges plentynaidd fyddai'n swnio'n anaeddfed yn iard ysgol gynradd!

[Aran]

cytuno'n llwyr efo dafydd. poen tyfu anochel ydy hyn, a bydd gwefannau trafod (Cymraeg) eraill yn dilyn ôl-draed Maes-E...

syniad tebyg oedd y tu ôl i Straeon.com - y byddai pobl sydd am drafod sgwennu (neu hyd yn oed yn sgwennu!) yn cael lle gyda mwy o ffocws ar ran defnyddwyr... eithaf tawel hyd yn hyn, ond mae'r 'gofod' yna pe bai pobl yn dechrau teimlo bod ei angen...

ac mae Unarddeg.com yn enghraifft da, llwyddiannus...

mae'r meddalwedd yna, mae'r cyfieithu wedi'i wneud (diolch i Nic a chriw Maes-E ar gyfer phpBB, ac i Gruff Coch ar gyfer phpnuke) - mae'n haws bob dydd (bron!) i ddechrau wefan Gymraeg... amdani felly!

a'r Maes... wel, ella bydd y rheolau'n tynhau? nifer o'r cymunedau mwyaf llwyddiannus ydy'r rhai sydd wedi darganfod bod angen lefel eithaf cryf o lywodraethu er mwyn cadw'r cyfraniadau'n werthchweil... neu efallai bydd hunan-lywodraethu'n dal i fyny gyda'r sefyllfa presennol...

[Mr Gasyth]

Un o'r pethau drwg gyda ffurf maes-e yw'r 'negesuon newydd' gythreulig. Mae'n dangos pob neges ymhob fforwm felly mae'n hawdd i rywun swnllyd pigo mewn i bob sgwrs heb yr ymroddiad na'r dealltwriaeth o'r pwnc sy'n cael ei drafod.

Cytuno...i raddau. Yr ateb i'r holl broblemau sydd wedi'w crybwyll ydi hunan-reolaeth gan aelodau unigol y maes. Mae yna ormod o bobl sy'n teimlo fod rhaid iddyn nhw gael eu pig i mewn i bob trafodaeth, yn hytrach na gwneud cyfraniad call ac adeiladol i jest un neu ddau.

[Barbarella]

Un ateb posib, a drafodwyd o'r blaen, ydi system karma -- sef y gallu i rhoi sgôr i negeseuon / unigolion eraill ... os ydi pobl yn gwerthfawrogi eich cyfraniadau, bydd gennych chi sgôr karma uwch. Yn sgîl hynny, daw'r posibilrwydd o ddewis anwybyddu negeseuon / aelodau sydd â sgôr karma isel.

Mae hyn yn debyg o ddod yn fersiwn newyd phpBB, ond dyw hynny ddim am weld golau dydd am rai misoedd, o leia.

[Dylan]

'Dydi'r syniad yna ddim yn apelio i mi yn bersonol o gwbl. Gall hyd yn oed defnyddiwr gwael gael lot o ffrindiau ar y maes sy'n fodlon rhoi sgôr dda iddo neu be' bynnag.

'Dw i yn postio ar nifer o negesfyrddau ac mae'r edefynau yma yn gyffredin iawn ar bron iawn pob un. Mae'n anochel bod holltau am ymddangos wrth i gymuned dyfu.

[nicdafis]

Rhaid dweud bod yr edefyn hwn yn rhoi mwy o obaith i fi na dim byd dw i wedi darllen ar y maes yn diweddar, a dw i'n cytuno â phawb call uchod sy'n sylweddoli nad yw'n bosib i wefan o'r fath hyn cario ymlaen am byth heb newid ei natur, a newid ei rheolau. Bydd y ddau beth yn parhau i ddigwydd ar maes-e, fel maen nhw wedi wneud ers Awst 2002.

Yn y dyddiau hynny oedd wir angen gwefan fel maes-e. Y dyddiau hyn, mae wir angen <b>mwy o wefannau fel maes-e</b>.

Cytunaf yn llwyr â beth dwedodd dafydd ynglŷn ag obsesiwn y Cymry â maint pethau. Bron bob tro dw i'n siarad am y maes â rhywun o'r cyfryngau, y peth cynta maen nhw eisiau gwybod yw "faint o <i>hits</i> dych chi'n cael bob dydd". Fy ateb arferol yw "gormod".

Bydd rheolau newydd yn cael eu datblygu. Bydd yn fwy anodd i ymuno er mwyn achosi trwbl (dw i'n cysidro cael rhestr aros, neu cyfnod prawf, neu siarso am gyfrifau newydd - i gyd yn ddulliau sy wedi eu profi ar negesfyrdd eraill). Bydd pobl yn cwyno am hyn, hefyd

[Wierdo]

yn anffodus, dwin eitha sicr bo fin un o'r rhai niwsans na sy'n mwydro, a man wir ddrwg gin i os di hynnyn eich gwylltio chi. y peth ydi, person felna ydwi, dwin neud hyna wrth sharad fo bobl bethbynnag (h.y. mwydro...) Dwin trio cadw'r rhan fwyaf o'r mwydro un edefyn (eithaf hawdd dyfalu p'ryn..!)

Dwin un o'r rhai sydd yn teipion fler hefyd....sori