Cau Maes E ydy'r Ateb?

[Chris Castle]

Mae sylwadau diweddaraf Nic ar Morfablog yn haeddu trafodaeth yma.

Dwi'n tueddu cytuno â syniadau Nic ac Ifan.

[dafydd]

Cau y wefan yw'r peth hawsaf i Nic os nad yw e eisiau delio gyda'r hasl o reoli'r rabl, a pwy all ei feio. Ond dyw maes-e ddim yn unigryw yn delio gyda hyn - mae pob fforwm drafod wedi gorfod gwynebu'r broblem, yn enwedig rhai ar y we gan eu bod mwy 'agored'.

Mae'r fforymau gwe mwya' llwyddiannus yn dueddol o wneud rhai pethau i osgoi'r broblem e.e. codi tal bach e.e 5 punt er mwyn cofrestru gyda'r wefan a falle gosod cyfyngiad ar y nifer o negeseuon all rhywun ddanfon neu ddarllen (mae angen meddalwedd mwy arbennigol i wneud hyn wrth gwrs). Wedyn cynnig gwasanaeth llawn gyda tal o 15 punt neu beth bynnag.

Dyw hynna ddim yn ddigon wrth gwrs - rhan arall o'r ateb yw gosod rheolau llym ar ymddygiad pobl. Nid atal rhyddid neu mynegiant barn fyddai'r bwriad ond gosod rheolau ymddygiad yn union fel mae ysgol yn gwneud i ddisgybl neu gyflogwr yn wneud i weithiwr.

Nid siarad 'stryd' yw maes-e ond rhywbeth bach mwy ffurfiol na hynny a mae angen i'r rheolau adlewyrchu hynny.

Os yw'r rhai heb hunan-ddisgybliaeth eisiau postio lot o negeseuon di-bwrpas a cael sgyrsiau preifat mae yna ddigon o lefydd i agor grwpiau trafod am ddim. Mae http://groups.yahoo.com/ yn un amlwg.

[bartiddu]

Odi torri lawr ar nifer o'r pwnciau trafodaeth yn mynd i gael unrhyw effaith?
Gwneud Maes-e yn drafodfan gwleidyddiaeth e.e.?

A gadael i faeswyr sydd a diddordebau arall drefni gwneud meusydd priodol eu hunain yn dibynnu ar ba pynciau sydd o diddordeb iddynt?

Linc - Faes-E-Chwareon a Maes-E-Cerdd? e.e.

Awgrymiad na'i gyd.

[eusebio]

Odi torri lawr ar nifer o'r pwnciau trafodaeth yn mynd i gael unrhyw effaith?
Gwneud Maes-e yn drafodfan gwleidyddiaeth e.e.?

A gadael i faeswyr sydd a diddordebau arall drefni gwneud meusydd priodol eu hunain yn dibynnu ar ba pynciau sydd o diddordeb iddynt?

Linc - Faes-E-Chwareon a Maes-E-Cerdd? e.e.

Awgrymiad na'i gyd.

Ond os mai'r fforwm gwleidyddiaeth sydd yn peri'r rhan fwyaf o'r broblem, pam ei adael yn agored?
Fel cymredolwr y seiat Chwaraeon allai dy sicrhau di nad oes problem o gwbwl ag ymddygiad o fewn y fforwm, ac mae'n rhyfeddol o fywiog yno hefyd.

[RET79]

Os fydd pobl yn mwynhau y llonydd mae nhw'n gael i drafod yn y cylch trafod, oddi wrth y rheiny sy'n tarfu ar bwrpas a dinistrio edfynau hefo nonsens plentynaidd, yna dyna un ffordd ymlaen. Falle bydd llai o alw am y seiat gwleidyddiaeth wedyn.

Dwi'n meddwl mae'r broblem yw fod pobl yn dod ar maes-e am wahanol resymau. Mae rhai yn dod yma i gael trafodaeth o ddifri, eraill yn dod yma am 'chydig o hwyl, eraill yn dod yma i fod yn blydi niwsans. Dyna pam dwi'n meddwl mai datblygu'r cylchoedd yw'r ateb. Hefo'r cylchoedd, ni fydd raid i Nic wneud y cymedroli i gyd, felly llai o straen arno. Hefo'r cylchoedd fydd pobl sy'n dod i'r maes yn cael beth mae nhw eisiau allan o'r maes heb gael eu tarfu gyn gymaint.

Byddai cau maes-e lawr yn drasiedi.

[webwobarwla]

Cytuno i raddau helaeth a RET79, ac mae yna bwyntiau dilys i'w gweld gan gyfranwyr eraill yr edefyn hwn.

Os caf i fod mor hy fel newyddian i gynnig fy marn...

Mae cylch RET79 wedi datblygu'n sydyn o rywbeth oedd yn cael ei gysidro'n dipyn o jôc i gylch trafod gwerth chweil. Mae yna barch yn cael ei arddangos tuag at y cyfranwyr yn ogystal a'r drafodaeth. Efallai wir mai cylchoedd unigol sydd yn hunan-blismona yw'r ateb i leddfu ychydig o'r gwaith caled a diflas sydd gan Nic i'w wneud. Ni allaf ddychmygu gymaint o straen yw rhedeg gwefan fel hon, ond trueni fyddai gadael i'r holl waith caled yna fynd i ebargofiant.

Fel un sydd wedi bod yn pori ers misoedd, ond dim ond yn dechrau cael blas ar gyfrannu, cytunaf a RET y byddai'n dorcalonnus gweld y maes yn diflannu.

Mae'n ymddangos i mi mai y ffordd ddelfrydol ymlaen fyddai i BAWB rannu baich Nic drwy wneud eu gorau glas i drafod yn gall gan ddangos parch at eraill a'u barn, ac yn bennaf oll, parch at Nic a'i reolau. Ymddengys fod nifer yn anghofio mai ei wefan EF yw hi.

Eto, haws dweud na gwneud, am wn i...

[Rhys]

Odi torri lawr ar nifer o'r pwnciau trafodaeth yn mynd i gael unrhyw effaith?
Gwneud Maes-e yn drafodfan gwleidyddiaeth e.e.?

A gadael i faeswyr sydd a diddordebau arall drefni gwneud meusydd priodol eu hunain yn dibynnu ar ba pynciau sydd o diddordeb iddynt?

Linc - Faes-E-Chwareon a Maes-E-Cerdd? e.e.

Awgrymiad na'i gyd.

Ond os mai'r fforwm gwleidyddiaeth sydd yn peri'r rhan fwyaf o'r broblem, pam ei adael yn agored?
Fel cymredolwr y seiat Chwaraeon allai dy sicrhau di nad oes problem o gwbwl ag ymddygiad o fewn y fforwm, ac mae'n rhyfeddol o fywiog yno hefyd.

Cau yr un gwleidyddiaeth lawr gyfan gwbwl ac hwyrach gall hyn ysgogi eraill i sefydlu negesfyrddau eu hunain (gan ddefnyddio phpBB o bosib) ydi fy awgrym i. Yn amlwg fyddai hyn ddim yn stopio bobl fynd dros ben lestri wrth slagio bandiau a cyfryngis Cymraeg

[Macsen]

Yr ateb mwyaf syml bosib fysa' i roi terfyn ar y nifer o negeseuon mae posib ei postio mewn diwrnod. Dw i'n gwybod fod hyn yn bosib. Mi fysai hyn yn cael yr effaith o A) Mwy o feddwl yn mynd mewn i bob neges, a B) Bydd ddim posib defnyddio Maes-E fel siop siarad.

Ateb arall bosib fysai gwneud pob seiat yn gylch i gael ei gymeradoli; cylch mae'n bosib ei darllen ond sydd angen caniatad y cymeradolwr i gyfrannu iddi. Mae digonedd o bobl ar y Maes fysai'n hapus i gymeradoli ei seiad ei hunain. Mi fysai hyn yn tynnu lot o't straen iddiar y grwp llywio.

Mae Nic wedi dweud y byddai'n hoffi gweld fforymau eraill yn agor tu fas i Maes-E. Bosib mae'r unig ffordd i gyflawnu hyn yw i gau Maes-E dros yr haf. Heb unrhywle i drafod yn gymraeg dwi'n siwr y bysai ruwun yn gwario ychydig ddyddiau yn creu fforwm newydd (mae'r cyfieithiad cymraeg a popeth arall i gyd ar gael). Ond mae rhaid i'r fforymau eraill 'am fod yn fwy penodol ei pwnc. Er engraifft, dw i'n gweithio nawr i greu fforwm gwleidyddiaeth gymraeg.

[RET79]

Yr ateb mwyaf syml bosib fysa' i roi terfyn ar y nifer o negeseuon mae posib ei postio mewn diwrnod. Dw i'n gwybod fod hyn yn bosib. Mi fysai hyn yn cael yr effaith o A) Mwy o feddwl yn mynd mewn i bob neges, a B) Bydd ddim posib defnyddio Maes-E fel siop siarad.

Dwi ddim yn meddwl fod hwn yn syniad da, sori.

[Mr Gasyth]

Ondid yr ateb symlaf fyddai gwahardd y bobl sy'n boen unwaith ac am byth?