Graddio a Charma

[RET79]

Barbarella, ymddiheuriadau os mai dyma'r lle anghywir i ofyn y cwestiwn, ond beth yn union yw diben y peth? Fydd cael sgor gwael yn golygu fod chi'n banio pobl? Os ddim, yna braidd yn wastraff amser ddweda i.

[fela mae]

Bydd rhaid bod yn ofalus nad ydym yn colli aelodau. Ma na rai yn ceisio cyfrannu yn ddeallus ac ati i'r maes ond er eng dwi ddim mor addysgiadol ac aelodau eraill o'r maes ac weithiau ma'r pethe dwi'n ceisio ei ddwued yn dod drosto bach yn dwp hyd yn oed os faswn in darllen drosto yn ofalus.. a dwi ddim isio cal fy marnu yn ddi werth bob tro am hynny.

A fyddai neges breifat gan aelod or maes i unigolyn sy'n trio amharu ar drafodaeth yn well syniad - h.y bod aelod o'r maes yn rhoi cyngor bach i aelod arall i stopio.

Os nad ydy'r person yna yn cymryd y cyngor ac yn cario mlaen i dorri ar drafodaethau fe alle y person a roddodd y cyngor ddweud wrth Nic. Ca'l carden felen fel petai ond ma Nic yw'r unig un all roi y garden goch ??

[Leusa]

A fyddai neges breifat gan aelod or maes i unigolyn sy'n trio amharu ar drafodaeth yn well syniad - h.y bod aelod o'r maes yn rhoi cyngor bach i aelod arall i stopio.

Y broblem hefo hyn ydi fod o'n digwydd ers erioed, ma'n drafferth i'r cymedrolwyr, ac yn fwy penodol i Nic. Fel y dywedodd o'n ddiweddar, ma'n cymryd cymaint o amser i sortio problemau ac unigolion nes nad ydio'n cael amser i fwynhau'r lle.
Mae'r ffaith bod pawb yn helpu i reoli'r broblem yn llai o faich ar unigolion.
Trystiwch nhw, ma hyn yn syniad da - dos na'm dewis arall, unai rhaid cal y newidiadau yma neu cau'r maes am byth bythoedd amen...

[RET79]

A fyddai neges breifat gan aelod or maes i unigolyn sy'n trio amharu ar drafodaeth yn well syniad - h.y bod aelod o'r maes yn rhoi cyngor bach i aelod arall i stopio.

Os nad ydy'r person yna yn cymryd y cyngor ac yn cario mlaen i dorri ar drafodaethau fe alle y person a roddodd y cyngor ddweud wrth Nic. Ca'l carden felen fel petai ond ma Nic yw'r unig un all roi y garden goch ??

Dwi'n dechrau cytuno hefo'r syniad yma o gymedrolwyr yn gweithio fel haen o dan Nic, gyda Nic a'r dweud olaf mewn achosion mwy difrifol.

[Leusa]

ti di gofyn iddo fo os dio isho'r hasl?!

[RET79]

ti di gofyn iddo fo os dio isho'r hasl?!

eh?

[Aran]

Amau mai'r unig rai fydd yn fotio yw'r rhai sy'ngyfranwyr cyson i'r seiadau trefnu / rheoli / meistroli 'ma - fel fi o bosib! Ond nid y rhai sy'n naturiol ffraeth, na fydd yn trafferthu fotio.

dw i'n siwr nad wyt ti ddim yn ei fwriadu felly, ond mae hynny'n taro fi bach yn chwithig, fel taset ti'n deud bod y rhai sydd am weld trafodaeth gwerthchweil yn methu mwynhau ffraethineb... sef cyhuddiad sy'n cael ei daflu at Nic yn eithaf aml, weithia gan bobl sydd ddim yn deall sut mae o'n methu'r gwerth amlwg i 'ffwcio chdi a dy fam, gont' ayyb...

dw i'n disgwyl y bydd 'amrywiaeth/ creadigrwydd/ anwadalrwydd/ dyfeisgarwch' a ballu'n cael eu gwobrwyo gan y sustem - a fela mae, nid rhywbeth i orfodi pawb i orffen gradd yn y Gymraeg cyn cyfrannu bydd hyn! amcan y neges, yn anad dim, bydd yn bwysig - os ydy rhywun yn malu cachu er mwyn malu cachu mewn seiat lle mae pobl eraill yn trio cynnal dadl, mi gawn nhw eu cosbi, 'na i gyd.

ond cofia, dydy cael y nifer mwyaf o aelodau posib erioed wedi bod yn flaenoriaeth i Nic, hyd y gwn i!

gwerth cofio, efallai, os eith y Maes i fewn i ryw fath o meltdown oherwydd hyn, tebyg y byddai 'na ail-feddwl... ond mae hyn yn llawer iawn gwell na Nic yn cael llond bol unwaith ac am byth a chau'r lle i lawr, 'tydy?

beth am i ti gynnig fod yn gymedrolwr, Brenin? byddet ti'n gwneud job da ohoni...

[brenin alltud]

Nes i ymateb i hwn tua hanner awr yn ol, ond nawr mae wedi diflannu. Hyh?

[Aran]

Nes i ymateb i hwn tua hanner awr yn ol, ond nawr mae wedi diflannu. Hyh?

mmm... ella bo chdi'n iawn am i'r Maes mynd yn 'sbwci', 'de...

dydw i ddim wedi dileu dim byd - hicyp yn y cronfa ddata, mae'n siwr. neu oeddet ti'n rhegi'n uffernol?...!

[Barbarella]

Dwi'n dechrau cytuno hefo'r syniad yma o gymedrolwyr yn gweithio fel haen o dan Nic, gyda Nic a'r dweud olaf mewn achosion mwy difrifol.

Dyna'n union ydi'r sefyllfa nawr ddo, ac yn anffodus dyw hi ddim yn sefyllfa sy'n gallu parhau am byth. Yn aml iawn, bydd cymedrolwr yn gwneud rhywbeth, y defnyddiwr yn cymryd mai Nic sydd wedi gwneud, ac yn gyrru negeseuon ato yn dweud ei fod o'n ffasgydd.

Yr ychwanegiad arall sydd ar y gweill yw botwm "adrodd" i dynnu sylw'r cymedrolwyr / gweinyddwyr at broblem, fel y gallan nhw rhannu'r baich o ddelio ag e, yn lle bod pawb yn pestro Nic yn uniongyrchol efo negeseuon preifat.