Hysbysebion Google ar y Maes

gan **Rhys Llwyd** » Mer 20 Hyd 2004 1:26 pm

Wel... mae'r syniadau yn rhai da iawn Nic. Pob dymuniad i ti!

gan **nicdafis** » Gwe 22 Hyd 2004 11:10 am

Jyst i'ch cadw chi i fyny a beth dw i'n wneud (gan eich bod chi'n talu fi nawr ;-)

)

Mae GoogleAds yn gweithio yn eitha da fel modd o godi arian (wnes i rhyw $60 dros yr wythnos) ond maen nhw'n amlwg yn amherthnasol ar y cyfan, ac mae'n ymddangos bod pobl wedi diflasu ar weld hysbysebion am wyliau a chyrsiau Cymraeg.

Ces i ateb gan Google i'm neges am fersiwn Gymraeg - "dim cynllun i ehangu'r rhestr o ieithoedd ar hyn o bryd". Gan fod bron neb yn prynu GoogleAds yn y Gymraeg, dw i ddim yn gweld bai ar Google am beidio eisiau gwario ar hyn, dweud y gwir.

Felly, na fydd y GoogleAds yn aros yn hir.

Beth dw i'n gweithio arno ar hyn o bryd yw sustem mewnol o hysbysebion, gan ddefnyddio <a href="http://phpadsnew.com/two/">phpAdsNew</a>, pecyn meddalwedd rhydd sy'n debyg iawn i phpBB (ti'n edrych ar hwnna nawr) gan dy fod di'n gallu cyfieithu'r rhyngwyneb dy hun, ac wedyn bydd y fersiwn Cymraeg yn cael ei gynnwys yn y pecyn llawn nesa o'r meddalwedd.

Dw i yn y broses o osod phpAdsNew ar weinydd maes-e - dim problemau hyd yn hyn, ond mae canllawiau yn 100 tudalen o A4, felly mae tipyn bach o waith darllen 'da fi i wneud. Bydda i'n profi'r sustem newydd ar Morfablog, ac wedyn ar y maes. Unwaith dw i'n siwr ei fod e'n stabl, bydda i'n creu cyfrifau yn y sustem i'r bobl a oedd yn ddigon hael i helpu fi gyda costiau prynu iMac newydd ar ol i mi golli'r hen iBook i Thor, Duw Mellt a Tharannau, ac yn gofyn i'r bobl yna i ddewis y gwefannau hoffen nhw hybu ar y maes. Dw i'n rhagweld y bydd yr hysbysebion yn edrych yn debyg iawn i'r rhai Google, gyda theitl, dwy linell o ddisgrifiad, ac URL ar y gwaelod.

Y peth mwya anodd bydd penderfynnu faint i siarsio am yr hysbysebion unwaith mae'r sustem yn mynd yn fyw, a sut i gasglu'r arian. Felly mae cryn dipyn o waith ymchwil i wneud eto, ond dw i'n rhagweld y bydd sustem mewnol yn fwy apelgar, yn sicr yn fwy Cymraeg (fydda i ddim yn derbyn hysbysebion Saesneg), ac, yn bwysicaf oll, yn wneud mwy o arian i fi!

<i>Wedyn</i> (ond fydd hyn ddim yn digwydd nes i ni brofi bod hysbysebion uniaith Gymraeg yn werth y trwbl), bydda i'n gallu cynnig gwasanaeth hysbysebion i unrhywun gyda gwefan Gymraeg, yn yr un modd ag mae Google yn wneud nawr.

gan **Macsen** » Sad 23 Hyd 2004 5:07 pm

Mae'r hysbyseb Maes-E ar Google yn anghywir.

Heb y barnu a'r cystadlu?
Trafodwch.

Mae'n methu 'n'.

gan **Macsen** » Mer 27 Hyd 2004 10:27 pm

Chi di sylwi sut mae'r hysbysebion ar yr ymyl yn dibynnu ar beth sy'n cael ei drafod yn yr edefyn? Er engraifft, mae'r edefyn sy'n cwyno am hysbysebion bwthynod yn Nghymru gyda hysbysebion am (o, yr eironi!) bwthynod yng Nghymru. A mae'r edefyn am pa consol ydi'r gorau gyda llwyth o hysbysebion gemau cyfrifiadur. Reit cwl, dwi'n meddwl.

gan **nicdafis** » Iau 28 Hyd 2004 8:38 am

Wel, yn union, dyna sut mae GoogleAds i fod i weithio. Y broblem yw dyn nhw ddim yn gweithio yn ddigon da ar wefan gymraeg ei hiaith. Dw i wedi sylwi y bydd cyfraniad gan aelod o Aberystwyth yn creu hysbysebion am wyliau yn Aber, hyd yn oed os nad oes son o gwbl am Aber yn y trafodaeth.

Ar ol bron pythefnos, dw i wedi sylwi hefyd nad ydy'r googleads yn mynd i greu unrhywfath o incwm tymor hir. Dw i wedi dechrau arbrofi gyda'r sustem mewnol ar Morfablog (ddim lot i weld yna ar y funud, dw i wedi torri fe) ac mae hynny yn edrych yn fwy addawol.

gan **dafydd** » Iau 28 Hyd 2004 4:19 pm

nicdafis a ddywedodd:Beth dw i'n gweithio arno ar hyn o bryd yw sustem mewnol o hysbysebion, gan ddefnyddio <a href="http://phpadsnew.com/two/">phpAdsNew</a>,

Cwl Nic, dyna'n union o'n i am awgrymu. Dwi wedi defnyddio'r pecyn yna ar wefan o'r blaen yn Gymraeg (hen fersiwn.. dwi ddim yn meddwl fase fe'r cyfieithiad yn addas ar gyfer y fersiynau newydd).

A ta beth, mae gen i AdBlock yn rhedeg o fewn Firefox, a mae'n gwrthod popeth o googlesyndication.com

gan **nicdafis** » Iau 28 Hyd 2004 5:37 pm

Mae'r hysbysebion yn gweithio ar morflablog nawr.

gan **Macsen** » Sad 30 Hyd 2004 3:51 pm

Newydd weld hysbyseb:

Cymru for sale at eBay!

Mae Cymru ar werth wedi'r cwbwl felly. :lol:

gan **nicdafis** » Sul 31 Hyd 2004 8:51 am

Ti'n gallu gwerthu unrhywbeth i Americanwyr ar ebay.

gan **Treforian** » Maw 02 Tach 2004 10:32 pm

Ydi'r hysbysebion wedi diflannu?

Hysbysebion Google ar y Maes

Pwy sydd ar-lein