GoogleAds wedi mynd, hysbysebion Cymraeg ar eu ffordd

[nicdafis]

Fel dw i wedi sôn rhywle arall, dydy'r GoogleAds ddim wedi bod yn llwyddianus iawn fel arbrofiad.

Wele arbrofiad newydd: Hysbysebion uniaith Gymraeg, sy'n cael eu rheoli'n fewnol. Dim ond un "slot" hysbys sydd ar y munud, ond dw i'n gobeithio y byddai'n bosib i ehangu hyn i dri neu bedwar yn y pendraw. Bydd hyn yn golygu ail-drefnu brig y dudalen tipyn bach. Gawn ni weld.

Jyst i roi rhywfath o syniad beth yw'r bwriad, bydd hysbysebion yn cael eu dangos ar rota. Ar hyn o bryd dim ond llond dwrn sy yn y sustem, ond bydda i'n ychwanegu mwy dros y Sul.

Unwaith dw i'n siwr bod y sustem yn dibynadwy, bydda i'n cysylltu â'r bobl hael a roddodd arian i mi pan o'n i heb gyfrifiadur, i ofyn iddyn nhw pa wefan(-nau) hoffen nhw eu hysbysebu ar y maes, ac yn rhoi credyd yn y sustem yn ôl yr arian y rhoddon nhw i mi.

Unwaith bod hynny yn gweithio, bydda i'n lansio gwefan newydd a fydd yn gwerthu hysbysebion i unrhyw unigolyn, sefydliad neu gwmni sydd am hysbysebu ar y maes.

Dw i ddim wedi gweithio mas y manylion eto, ond dw i'n rhagweld gwerthu hysbysebion am rywbeth fel 1000 argraffiad am bunt (ond mewn blociau o 10K = £10).

Y cynllun yn y pendraw yw i ehangu'r gwasanaeth i werthu'r hysbysion ar wefannau eraill. Maen nhw wedi bod yn ymddangos ar <a href="http://morfablog.com">Morfablog</a> ers sbel, a dw i'n gweld graddfa-clicio-trwyddo yn weddol uchel fan 'na, er bod dim ond rhyw hanner dwsin o hysbysebion ar y rota.

Gobeithio bod hyn yn wneud sens. Unrhyw sylwadau?

[Gwahanglwyf Dros Grist]

Braf gweld y dudalen gyfan yn dychwelyd! Un cwestiwn cyflym sydd gen i - sut mae modd cael eich hysbyseb ar frig y dudalen, cysylltu'n uniongyrchol â thi? Meddwl oeddwn i'n benodol am seiadau 'gigs' a 'digwyddiadau diwylliannol' - a fydd digwyddiadau o'r fath yn cael eu bwydo i'r teclyn hysbysebu?

[nicdafis]

Bydd croeso i unrhywun sy'n hybu gigs/dramau/beth bynnag dalu am hysbysebion ar y maes yn yr un modd a fydden nhw'n talu am hysbysebion yn Golwg (er enghraifft). Fydd hi ddim yn bosibl i brynu hysbysebion sy'n ymddangos mewn un seiat arbennig.

Ar ran sut i fynd ati i gael hysbyseb ar y maes, fel dw i'n dweud uchod, dw i ddim yn barod i'w derbyn eto, ond unwaith bod popeth yn gweithio, bydd gwefan (ar wahan i'r maes) lle all bobl prynu hysbysebion.

[Garnet Bowen]

Mae gen i un gwyn (toes 'na un bob tro?). Mae'r hysbysebion newydd wedi ychwanegu at led y dudalen - tydi hi ddim yn ffitio ar fy sgrin i rwan. Oes 'na ffordd o newid hyn?

[Rhys]

Os rhywbeth, mae'r fformat newydd o un hysbyseb yn unig yn gwneud i hysbyseb sefyll allan tra pan oedd yna rês o bedwar, doeddwn i ddim yn cymeryd sylw o ddim un. Petawn i'n talu am hysbyseb (ac bydde diddordeb gennyf yn hyn) oes modd i'r ysgrifen fod mewn lliw gwahanol i weddill y wefan.

[nicdafis]

Diolch am y cyfraniadau, dyna'n union y fath o bethau hoffwn i sorto mas cyn i mi "fynd yn fyw" gyda hyn.

Garnet - bydda i'n trial layout gwahanol heddi, gobeithio bydd yn fwy "hylifol". Mas o ddiddordeb, pa eglurdeb sgrîn wyt ti'n ei ddefnyddio?

Rhys - er nad oes rheswm technegol pam dydw i ddim yn gallu cynnig hyn, dw i ddim am roi gormod o opsiynau i'r bobl a fydd yn prynu'r hysbysebion. Dw i'n bwriadu dilyn model y <strike>GoogleAds TextAds <a href="http://metafilter">Metafilter</a></strike> (och, sori) <i>cymysgydd o'r ddau</i> yn eitha agos, hynny yw:

<b><a href="">Teitl gyda linc</a></b> <-- 20 llythyren
Disgrifiad o'r wefan <-- 2 linell o 35 llythyren yr un
<a href="">URLbach.com</a>

[gol. Bach yn symlach.]

[gol. 'to. AAarrrrggghhh!]

Mae'n bosib bydd lliwiau <b>bob</b> hysbyseb bach yn fwy gwahanol y lliwiau cyffredinol y maes, ond dw i ddim am iddyn nhw fod yn wahanol iawn i'w gilydd. Mae'r gwaith ymchwil yn awgrymu nad yw hynny yn effeithiol, hynny yw bod hysbysebion testun sy'n berthnasol i gynnwys y safle lle maen nhw'n ymddangos, ac yn edrych fel eu bod yn rhan o'r safle (er ei fod yn amlwg taw hysbysebion ydyn nhw) yn fwy effeithiol na hysbysebion "banner" wedi'u hanimeiddio.

Y bwriad yw i wneud y gwaith paratoi dros wyliau'r Dolig, a dechrau derbyn archebion yn y flwyddyn newydd.

[Garnet Bowen]

800 x 600 picsel. Laptop.

[Mali]

Yn cytuno efo Rhys fod un hysbyseb efo rhywfaint o liw ella ar dop y dudalen yn dal fy sylw yn fwy na rhes o hysbysebion ar yr ochr.
Lwc dda i ti efo'r sorto mas Nic .
Mali.

[nicdafis]

Diolch Mali. Dw i <b>yn</b> gweithio arno fe heddi. Addo.

[Hedd Gwynfor]

Yr un broblem gyda fi ar y PC yma yn y gwaith. mae rhyw 2 centimedr ar y dde yn cael ei dorri i ffwrdd. Mae'n edrych fel y dylai fod digon o le ond mae gap anferth rhwng y botymau 'Proffeil', 'Negeseuon Preifat' a 'Allgofnodi' a'r hysbyseb.

800 x 600 yw'r sgrin.