dyfodol maes-e...

[Ramirez]

o weld sylwadau diweddar nic dafis am gael gwared ar ambell i adran o'r maes, a'i fod wastad yn gobeithio y buasai'r maes yn esgor ar nifer o fforymau eraill- fasa fo'n gweithio, os y buasai digon o bobl yn dechrau fforymau arbennigol eraill, cael maes-e fel rhyw fath o dudalen flaen, ond yn arallgyfeirio i'r fforymau eraill - cam ymlaen o'r busnes cymedrolwyr, mewn ffordd, a buasai hefyd yn golygu na fyddai gweinyddwyr maes-e yn gyfrifol am unrhyw fygythiadau cyfreithio etc.

whaddyafink?

[Macsen]

Fysai fo'n edrych rywbeth fel hyn, ond gyda fforymau yn lle?

[Mr Gasyth]

Dwi'n anghytuno efo'r syniad yma. Y rheswm mae maes-e yn lwyddiant ydi ei fod yn dod a gymaint o wahanol bynciau a diddordebau at eu gilydd - mae rhywbeth yma i bawb. Mae'r maes yn fwy na chyfanswm ei rannau,a pe bai'n cael ei rannu i fyny ni fyddai mor lwyddianus.

[Ramirez]

Fysai fo'n edrych rywbeth fel hyn, ond gyda fforymau yn lle?

ia, mewn ffordd.

hynny yw, mi fasa maes-e dal i edrych a gweithio run fath, mwy na heb, ond yn hytrach na cael aelodau i gymedroli'r seiadau gwahanol, y nhw fuasai yn eu rhedeg, a 'maes-e' fel rhyw adwy i'r holl fforymau yma.

mr. gasyth- cytuno, ond mae nic wedi dweud yn barod ei fod yn bwriadu torri i lawr ar y seiadau, gan ei fod yn ormod o faich

[GwiDan]

Beth am gael gwared o nifer o'r seiadau a'u crynhoi mewn i un. Ma tipyn o nhw'n gallu cwympo o dan yr un testun, a byddai'r wefan yn edrych yn llawer daclusach a phrysur.

[Ramirez]

Beth am gael gwared o nifer o'r seiadau a'u crynhoi mewn i un. Ma tipyn o nhw'n gallu cwympo o dan yr un testun, a byddai'r wefan yn edrych yn llawer daclusach a phrysur.

dwi'n meddwl mai rhywbeth fell oedd hi o blaen, ond fod petha'n mynd yn fler ac ar draws eu gilydd.

dwi dal yn meddwl y basa fo'n syniad da mynd a'r busnas cymedrolwyr gam ymhellach, a fod y cymedrolwyr mewn ffordd yn rhedeg eu fforwm fach eu hunain, yn hytrach na jysd helpu i gadw trefn.

byddai 'maes-e' wedyn yr un fath ac y mae rwan, fwy neu lai, ond mai nid nic dafis fydd yn gyfrifol am yr holl gynnwys, a mi gaiff yr holl seiadau eu rhedeg fel y dymuna'r perchennog, ac felly'n lleihau'r gwaith i bawb.

wrth gwrs, i wneud hyn, ma'n siwr y bydda'n rhaid i bawb sydd am fod yn gyfrifol am seiad ei redeg oddi ar ei webspace eu hunain, yn hytrach na lle bynnag mae nhw rwan.

[sbwriel]

o be allai gweld ma tua 21 o gymedrolwyr (+ nic) i tua 35 o seiatau, heb gynnwys y cylchau.

'Se ni'n awgrymmu cyfyngu, fel wedodd GwiDan, ac uno nifer o seiatiau, ond hefyd i gael mwy o gymhedrolwyr - efallai 2 neu 3 i bob seiat. Fyddai hyn yn gadael i nic gymeryd back seat fel petai, h.y, jest edrych dros popeth, gan adael lot o'r baich ar cymedrolwyr.

[GwiDan]

o be allai gweld ma tua 21 o gymedrolwyr (+ nic) i tua 35 o seiatau, heb gynnwys y cylchau.

'Se ni'n awgrymmu cyfyngu, fel wedodd GwiDan, ac uno nifer o seiatiau, ond hefyd i gael mwy o gymhedrolwyr - efallai 2 neu 3 i bob seiat. Fyddai hyn yn gadael i nic gymeryd back seat fel petai, h.y, jest edrych dros popeth, gan adael lot o'r baich ar cymedrolwyr.

Beth am gael grwp o gymedrolwyr sy'n gallu 'gweithio' dros y fforwm gyfan? Mae nifer o fannau eraill yn gwneud hyn a ma fe'n llwyddiannus iawn, yn lle cael dau neu dri sydd wedi clymu i'w seiat.

[Barbarella]

Beth am gael grwp o gymedrolwyr sy'n gallu 'gweithio' dros y fforwm gyfan?

Mae 'na yn barod! Dyna ydi'r Grwp Llywio (Nic, Aran, Cardi Bach a fi).

Ond falle bod na gyfle i greu grwpiau mwy eang nag un fforwm hefyd. Er enghraifft, cael grwp o gymedrolwyr yn gyfrifol am yr holl fforymau 'Cerddoriaeth'.

Mae na hefyd ddatblygiad newydd fydd yn ymddangos yn ystod yr wythnos neu ddwy nesaf i helpu'r cymedrolwyr sydd gyda ni -- ffordd i unrhyw aelod marcio neges at sylw'r cymedrolwyr. Felly y gobaith yw y bydd pawb yn gallu helpu "cymedroli" ar draws y Maes.

[Macsen]

Mae na hefyd ddatblygiad newydd fydd yn ymddangos yn ystod yr wythnos neu ddwy nesaf i helpu'r cymedrolwyr sydd gyda ni -- ffordd i unrhyw aelod marcio neges at sylw'r cymedrolwyr. Felly y gobaith yw y bydd pawb yn gallu helpu "cymedroli" ar draws y Maes.

Syniad da, dw i wedi gweld hwn yn gweithio'n effeithiol mewn fforymau eraill.