Cerddoriaeth werin celtaidd metel!!

[Monkeyspoon]

Oes diddordeb gyda phobl sy'n siarad Cymraeg mewn cerddoriaeth werin metel? Dw i'n gwybod y fath o bethau sy'n cael eu dangos ar Bandit ayyb ond mae band hwn, Eluveitie, o'r Swisdir yn canu yn yr iaith wedi marw 'Gaulish' ac yn defnyddio offer traddodiadol gwerin fel ffidl a rhyw fath o bagpipes a fy hof un... hurdy gurdy!!! Maen nhw'n cymysgu metel a gwerin yn dda. Es i i'w weld nhw yn Llundain fel rhan o'r daith 'PAGANFEST' gyda bandiau folk-metal eraill o lleoedd fel Ffindir a'r Pharoe Islands (rhwng Norway a'r Alban). Mae themau gwahanol rhwng y bandiau fel Viking mythology ayyb. Wel, fi'n moyn rhannu hwn gyda chi achos does neb yn deall sut mae folk a metel yn gweithio gyda'i gilydd.



edrycha ar fy llunia o'r gig yma... http://www.flickr.com/photos/monkeyspoon/sets/72157604565740234/

[Mihangel Macintosh]

Lot o wybodaeth ar wiki.

[Gorwel Roberts]

diddorol, tybed pwy fydd y band Cymraeg cynta?

[Griff-Waunfach]

Cyfuniad diddorol iawn. Dwi heb dod ar draws hyn o'r blaen

[nicdafis]

Hmm, sa i'n credu bod Fat Ed yn sôn am hyrdi-gyrdis, a fe yw'r arbennigwr.

Ddim yn saff i'r gweithle, sori.

[Prysor]

Mae Briganthya, band gwerin-roc fusion Celtaidd o Galicia, yn gneud stwff tebyg, ond ddim cweit mor drwm/'grungy'. Welson ni nhw yn yr Oinez yng Ngwlad y Basg dair blynedd yn ôl. Amêsing.

Mae'n anhygoel fod rhain yn canu yn y Galeg (Gaulish). Iaith Geltaidd a berthynai'n weddol agos i'r Frythoneg a'r Gaeleg, a siaradwyd yn Ffrainc cyn y Rhufeiniaid oedd Galeg. Roeddan nhw'n dal i'w siarad yn ystod y cyfnod Rhufeinig, ond unwaith y gadawodd rheinni, cipiodd y Ffrancwyr (llwyth Almaeneg, fel yr Eingl, Jutiaid a Sacsoniaid) y wlad, a collwyd y Galeg.

Mae rhai geiria wedi goroesi drwy gael eu mabwysiadu i'r Ffrangeg, fel cheval (ceffyl), er engraifft.

[Seonaidh/Sioni]

Mae Briganthya, band gwerin-roc fusion Celtaidd o Galicia, yn gneud stwff tebyg, ond ddim cweit mor drwm/'grungy'. Welson ni nhw yn yr Oinez yng Ngwlad y Basg dair blynedd yn ôl. Amêsing.

Mae'n anhygoel fod rhain yn canu yn y Galeg (Gaulish). Iaith Geltaidd a berthynai'n weddol agos i'r Frythoneg a'r Gaeleg, a siaradwyd yn Ffrainc cyn y Rhufeiniaid oedd Galeg. Roeddan nhw'n dal i'w siarad yn ystod y cyfnod Rhufeinig, ond unwaith y gadawodd rheinni, cipiodd y Ffrancwyr (llwyth Almaeneg, fel yr Eingl, Jutiaid a Sacsoniaid) y wlad, a collwyd y Galeg.

Mae rhai geiria wedi goroesi drwy gael eu mabwysiadu i'r Ffrangeg, fel cheval (ceffyl), er engraifft.

Hefyd, geiriau Ffrangeg fel "boue" (baw). Mae rhai'n credu fod Llydaweg, yn arbennig tafodiaith Bro Wened (hen garterf y Veneti adeg y Rhufeiniaid), yn cadw tipyn o Aleg yn fyw.

Enw od hynny - "Briganthya". Mae'n debyg i "Brigantia", gwlad hen lwyth o Geltiaid yng ngogledd Lloegr, a ddaeth o bosib yn "Brynaich" neu "Bernicia" adeg dyfodiad yr Eingl yno. Felly, pam hynny ar fand o Galicia? Mae fel petai band Cymreig yn dwyn enw Eidalaidd, e.e. "Maffia Mr. Huws"...

[Gwenci Ddrwg]

Folk metal ydy un o fy hoff mathau o gerddoriaeth, ond Galeg? Sdim digon o wybodaeth amdani, sut mae nhw'n canu ynddi heb ddyfeisio 90% o'r geiriau? Swnio'n reit sketchy i ddeud y gwir, ar y lefel ieithol.

[Prysor]

Enw od hynny - "Briganthya". Mae'n debyg i "Brigantia", gwlad hen lwyth o Geltiaid yng ngogledd Lloegr, a ddaeth o bosib yn "Brynaich" neu "Bernicia" adeg dyfodiad yr Eingl yno. Felly, pam hynny ar fand o Galicia? Mae fel petai band Cymreig yn dwyn enw Eidalaidd, e.e. "Maffia Mr. Huws"...

Soniais am hyn efo dau o aelodau'r band dwi'n adnabod, a mae'n debyg mai ar ôl llwyth efo'r un enw yng Ngalicia yr enwyd y band. Roedd Brigantes gogledd 'Lloegr' yn gonffederasiwn o lwythi llai, mae'n debyg, a mae'n ddigon posib fod eu harweinwyr/sylfaenwyr yn hannu i Iberia.

Mae Briganthya'n canu yng Ngalitheg (sy'n iaith Lladin-Romansh, nid Celtaidd) ac mewn Basgeg, ond yn arddel eu treftadaeth a hunaniaeth Celtaidd.

[Prysor]

Galeg? Sdim digon o wybodaeth amdani, sut mae nhw'n canu ynddi heb ddyfeisio 90% o'r geiriau? Swnio'n reit sketchy i ddeud y gwir, ar y lefel ieithol.

mae ieithyddwyr yn gallu ailgreu ieithoedd marw yn weddol gyflawn. Yn achos Galeg, roedd yn job cymharol hawdd.

mae Galeg wedi goroesi mewn ysgrifen - e.e. calendr Coligny, tecstiau L'Hospitalet-du-Larzac, a thabled Chamalières a.y.b...

mae seiniau, cytseiniau, llafariaid, rheolau gramadegol, y wyddor a rhifau, ac ati, Galeg wedi goroesi

mae gan Galeg chwaer-ieithoedd a gwreidd-ieithoedd - rhai clasurol a rhai sy'n fyw heddiw

mae ieithoedd lleiafrifol, lleol yn Ffrainc a'r Swistir yn defnyddio hen ffurfiau Galeg

mae rhai geiriau wedi goroesi hyd at heddiw

mae enwau llefydd ar draws Ffrainc a'r Swisdir yn deillio o'r Galeg