My Bloody Valentine - Loveless

gan **Llewelyn Richards** » Gwe 02 Gor 2004 1:55 pm

Wedi bod yn gwrando ar yr albym yma ar ol ffeindio hen gopi llychlyd ohoni. Gwych ta beth?

gan **Mihangel Macintosh** » Gwe 02 Gor 2004 2:06 pm

Ffycin gwych o albwm ai. Nath e bron a bancryptio Creation gan gostio miliynau a milynau i'w recordio, ond yn bendant yn glasur.

Nes i weld nhw'n chwarae yn yr Rinc Ia yng Nghaerdydd yn 1990 ac oedden nhw'n swnllyd dros ben - llwyth o feedback a caneuon yn para bron chwarter awr. Cwl.

gan **Geraint** » Gwe 02 Gor 2004 4:26 pm

ffycin hollol hollol wych.

Ma'r gan gynharach 'you made me realise' hefyd yn hollol hollol wych.

gan **Dylan** » Gwe 02 Gor 2004 4:37 pm

Wrth fy modd efo fo. Er, pan mae pobl eraill yn gofyn i mi be' ddiawl ydi'r swn a pham 'dw i'n licio fo gymaint, alla' i ddim rhoi ateb.

Ti unai yn licio fo neu ti ddim, am wn i. Ond mae'r bobl sydd ddim yn anghywir.

gan **Geraint** » Iau 26 Awst 2004 3:27 pm

Soon, y gan ola yw'r gore. ton ar ol ton o gitars, distorshyn, tremolo, harmonics, deinamics, lleisiau angylaidd dros dryms ffynci dawns. Mae hi'n hitio sbot yn fy mhen fel all ddim llawer o swn arall gwneud.

gan **Gwilym** » Iau 02 Medi 2004 7:53 pm

Mihangel Macintosh a ddywedodd:ac oedden nhw'n swnllyd dros ben

Ia, dwi'n cofio darllen rhyw gyfweliad flynyddoedd yn ol gyda Kevin Sheilds (?). Mae o'n credu nad oedd y gynulleidfa'n gallu gwerthfawrogi'r gerddoriaeth yn iawn os nad oeddan nhw'n teinlo'r gerdoriaeth yn pasio'n gorfforol trwy eu cyrff. Bass response (tonnau o bass) yn hitio'r corff oedd ei ddehongliad ef o 'werthfawrogi'. Cwl ta be?

Mae Loveless dal yn ffefryn gen i hefyd. Mae dylanwad yr arddull gitar i'w glywed ar lot o fandiau. Hollol unigryw. Ble mae nhw rwan?

O ni hefyd 'di clywed mai coste aruthrol MBV yn y stwidio ddaru ennyn Creation i wthio Oasis, a chreu anghenfil bop! Mae 'na gytbwysedd yn y bydysawd ma raid. Creadigaeth albwm brydferth yn gyfrifol am greadigaeth band hyll uffernol. Cyfiawnder ma raid!

gan **Geraint** » Gwe 03 Medi 2004 11:10 am

Kevin Shields dal yn gwneud cerddoraieth, mi wnaeth o draciau i soundtrack lost in translation, mae city girlyn wych.

Mae yna son fydd yna box set a dvd allan, ond ddim tan 2005/6.Dyma we-fan da am y band.

gan **mwgdrwg** » Gwe 03 Medi 2004 11:16 am

Mae Kevin Shields yn aelod o Primal Scream rwan hefyd. Mae o wedi gweithio ar y dau albym olaf nhw dwi'n meddwl.

Mae 'Loveless' yn arbennig o dda. Mae'r guitars pob tro yn swnio fel Morfilod yn canu i mi.

gan **Geraint** » Mer 25 Meh 2008 11:31 am

Weles i'r gig yn Camden Roundhouse nos Lun. Gig ardderchog, bosib y gore dwi rioed di bod i, a swn anhygoel efo'r band. Roedd pawb yn cael cynnig ear plugs wrth ddod mewn - ac odd angen nhw, mi oedd yn UCHEL, enwedig ar y diwedd lle roedd 20 munud o swn anferthol ac oedd yn ysgwyd trwy eich corff, fel sefyll tu ol boeing 747 - nifer o pobl yn cerdded allan ym methu cymryd o! Profiad anhygoel, ewch i weld nhw os da chi'n gallu.

http://www.youtube.com/watch?v=_po0RTKjsC8

gan **sian** » Mer 25 Meh 2008 11:42 am

Geraint a ddywedodd:Weles i'r gig yn Camden Roundhouse nos Lun. Gig ardderchog, bosib y gore dwi rioed di bod i, a swn anhygoel efo'r band. Roedd pawb yn cael cynnig ear plugs wrth ddod mewn - ac odd angen nhw, mi oedd yn UCHEL, enwedig ar y diwedd lle roedd 20 munud o swn anferthol ac oedd yn ysgwyd trwy eich corff, fel sefyll tu ol boeing 747 - nifer o pobl yn cerdded allan ym methu cymryd o! Profiad anhygoel, ewch i weld nhw os da chi'n gallu.

Swnio'n wirion iawn i mi. Pam na allen nhw jest droi'r sŵn lawr?
Fyddwch chi'n difaru! :wps:

My Bloody Valentine - Loveless

My Bloody Valentine - Loveless

Re: My Bloody Valentine - Loveless

Re: My Bloody Valentine - Loveless

Pwy sydd ar-lein