maes-e.com

http://www.traciaucymraeg.co.uk/priodas

Y Briodas Gymreig (Aran 514)
gyda Huw Williams (organ) a Carys Owen (telyn)

Organydd Cadeirlan Sant Paul a Thelynores Gwerin yn rhyddhau CD i ddathlu Dydd Gw^yl Dewi

Mae CD o gerddoriaeth Gymreig ar gyfer seremonïau priodasol yn cael ei ryddhau ar Fawrth y cyntaf gan Organydd Cadeirlan Sant Paul, Huw Williams a’r delynores gwerin, Carys Owen. Gyda’r tŵf mewn gwasanaethau sifil, a’r dymuniad i bersanoleiddio’r gwasanaethau mae cryno ddisgiau priodasol wedi dod yn hynod boblogaidd.

Hwn yw’r CD cyntaf o’i fath i gynnig y cyfle i’r priodfab a’r briodferch mynegi eu hunaniaeth Gymreig. Mae’r darnau arni yn cynnwys alawon gwerin serch i’r delyn mewn trefniadau gan Nansi Richards - Telynores Maldwyn a John Thomas - Pencerdd Gwalia a chyfansoddiadau gwreiddiol i’r organ gan Karl Jenkins a William Mathias.

Wnes i glywed am hwn ar Y Post Prynhawn. Swnio'n ddiddorol.

Oes gan unrhyw un syniadau pellach ynglun a gerddoriaeth Gymreig ar gyfer priodasau ?

Emyr Rhys a ddywedodd:Oes gan unrhyw un syniadau pellach ynglun a gerddoriaeth Gymreig ar gyfer priodasau ?

Priodas sifil ges i felly doedd dim modd cael unrhyw emynau na chaneuon a neges crefyddol ynddynt. Bu i ni gael deuawd telyn a ffliwt i chwarae alawon traddodiadol fel 'Ar Lan y Mor' (roeddwn i'n priodi mewn gwesty ar lan y mor).

Dyna ydy'r trefn arferol, ond mae'n bosib defnyddio'r cerddoriaeth ar y casgliad uchod mewn seremoni sifil. Mae hyd yn oed 'Hymn' gan Karl Jenkins yn Ok gan bod y geiriau iddi yn yr iaith 'speaking in tongues' yna mae KJ yn defnyddio trwy llawer o'i waith, ac felly heb neges crefyddol.