Geiriau "Yma wyf inna i fod"

[CORRACH]

Dore Ba,

oes rhywun ar y maes sydd hefo copi o eiriau'r gân yma?
cofio'r git-gân ond dim mwy.
mae'r ddynas 'cw di herwgipio'r cryno-ddisg, a dwi'n rhy ddiog i ymchwilio.

diolch!

[sian]

oes rhywun ar y maes sydd hefo copi o eiriau'r gân yma?

go brin

[Creyr y Nos]

Mae'n fler, ond does na'm seren,
Heno i mi uwch fy mhen,
Dwi'n geiban ond dwi'n gwbod
mai yma wyf inna i fod.

[CORRACH]

Mae'n fler, ond does na'm seren,
Heno i mi uwch fy mhen,
Dwi'n geiban ond dwi'n gwbod
mai yma wyf inna i fod.

gwbod hynna dydw'r slempan!

[CORRACH]

Creyr y Nos, dwi'n siŵr fod gen ti gopi'n dy gar o'r cryno-ddisg . . . .
dwi'n disgwyl pethau mawr!

[dawncyfarwydd]

Mae 'na ddau yn mynd i ryfel y tu allan i'r Pen Deitsh,
tra bo'r afon dal i chwydu ei phoen i'r aber,
mae 'na sŵn poteli'n chwalu fel priodas i lawr y lôn,
a neb yn meddwl gofyn pam fel arfer;
mae 'na ferched heb fodrwyau yn siarad celwydd noeth,
mae'r dref fel tae 'di'i mwrdro ar ei hyd;
ond mae'r lleuad dal i wenu ar hen strydoedd budur hon
fel pob tref ddifyr arall yn y byd.
Mae'n flêr a does na'm seren heno i mi uwch fy mhen;
dwi'n geiban ond yn gwybod mai yma wyf inna i fod.

Mae 'na ddiwrnod newydd arall yn sleifio i lawr Stryd Llyn
ac mae hogiau'r ochor bella'n dod yn heidiau,
a dod y maen nhw i gwyno nad oes unlle gwell i fynd
cyn mynd i'r Harp i yfed efo'u teidiau.
Does ganddyn nhw ddim breuddwyd na 'chwaith yr un llong wen,
ond mae ganddyn nhw ei gilydd reit o'r crud,
ac mae'r haul yn dal i godi calonnau'r dref fach hon
fel pob tref ddifyr arall yn y byd.
Mae'n flêr a does na'm seren heno i mi uwch fy mhen;
dwi'n geiban ond yn gwybod mai yma wyf inna i fod.

A'r hogia llygaid barcud, efo'u sŵn a'u rhegi mawr,
y rhain sy' piau pafin pob un stryd,
ond yr rhain a'u hiaith eu hunain sy'n cadw'r dref yn fyw,
fel pob tref ddifyr arall yn y byd.
Mae'n flêr a does na'm seren heno i mi uwch fy mhen;
dwi'n geiban ond yn gwybod mai yma wyf inna i fod.

[sian]

Dw i'n meddwl bod "cyn mynd i'r Harp i yfed efo'u teidiau." yn un o'r llinellau tristaf mewn barddoniaeth Gymraeg.

[Rhys Llwyd]

Dwi wrth ym modd efo'r gerdd/cân ond yn cytuno efo chdi Sian ei fod yn bortread trist iawn o gymdeithas heddiw. Y ffaith ei fod mor raw a gonest gan lwyddo i beidio fod yn cliche sy'n ei wneud yn glap o gerdd dda

[CORRACH]

Diolch i ti Mr. Cyfarwydd, . . . oni'n gwbod y gallwn i ymddiried mewn myfyriwr efo dim byd gwell i'w neud efo'i amser!

. . .a chytuno, cerdd a chân wych.