Colli karma

gan **Dielw** » Sul 10 Ebr 2005 8:09 pm

Hehe o'r diwedd dwi wedi colli fy ngharma. Gwyddwn byddai hyn yn digwydd fel cont priclyd o Lundain! Ydi hyn di digwydd i rywun arall?

gan **nicdafis** » Sul 10 Ebr 2005 8:12 pm

Ti wedi colli carma achos dy fod di wedi torri rheol sylfaenol y wefan, sef i beidio ymosod ar aelodau eraill. Ro'n i'n mynd i bostio'r isod yn yr <a href="http://maes-e.com/viewtopic.php?t=11518">edefyn wnest ti bron â dinistrio</a>, ond mae fan hyn yr un mor addas:

Reit, dw i wedi dileu'r rhan fwya o'r ymosodiadau personol, a'r negeseuon oedd yn difynnu'r ymosodiadau personol, a'r negeseuon oedd yn wneud dim byd i symud y trafodaeth yn ei flaen. Mae'n dal yn draed moch, ond mae'n flin 'da fi, mae gwaith arall 'da fi wneud nawr. Ga i jyst atgoffa pawb o ddau beth

1. Dim ymosodiadau personol.

2. Paid ymateb i ymosodiadau personol.

Mae (1) yn amlwg yn beth drwg i wneud, ond mae'n ddigon hawdd i'r cymedrolwyr delio gyda fe. (2) sy'n achosi'r broblem, gan greu sefyllfa sy'n anodd iawn i'w datrys heb ddinistrio'r edefyn yn gyfan gwbl. Dyn ni'n arbrofi sustem a fydd yn wneud e'n haws stopio pethau fel hyn cyn iddyn nhw fynd mas o reolaeth, ond y peth pwysica oll yw "peidiwch â bwydo'r trols".

Rili. Na, <b>rili</b>. Os wyt ti'n gweld rhywbeth sydd yn amlwg yn torri rheolau'r maes, <b>paid ymateb iddo fe</b>. Rho air i mi yn breifat, a wna i sorto fe mas.

Mae hyn wedi cymryd hanner awr i'w sorto. Fyddai dileu'r neges wreiddiol wedi cymryd pump eiliad.

gan **Dielw** » Sul 10 Ebr 2005 8:27 pm

Fi nath ddechre y ffrae (rheol 1)! Sori am wastraffu dy amser

gan Al » Llun 11 Ebr 2005 4:28 pm

dwi di colli karma fi ers oes, ac ers sylweddoli fod o yn -3, neu weithiau -2 dwi wedi dod i feddwl mwy am be dwi yn postio wrth defnyddio y cais o cael well karma. Fellu mbach o dystoliaeth i chdi nic, mae y system yn gweithio.

Masiwr neith y post yma ddim helpu chwaith, llawn gwybodaeth useless.

gan **mam y mwnci** » Llun 11 Ebr 2005 4:32 pm

(Neidio fyny a lawr tra'n strancio yn wyllt a gweiddi.) Dwi siho karma, dwi isho karma.......Be di karma?

Dwi wedi clywed lot fawr o son am y Karma bondigrybwyll ma ond tydw i ddim yn siwr iawn be ydi o na sut mae ei gael o :wps:

gan Al » Llun 11 Ebr 2005 4:38 pm

wel yn hawdd iawn, i cael karma mae rhaid dilyn y canllawiau(os tisio gwybodaeth mwy manwl sbia ar y pwnc amdan karma). Ac unwaith tin dechrau neud hyna, mi ddylia pwy bynnag sydd efo y pwer i pleidleisio, pledleisio i dy karma fynd yn uwch os ti yn dilyn y canllaiwau ac yn neud y trafodaeth yn mwy difyr, mi wnai mbach o lincs i chdi wan.

Gwler y rhain: Canllawiau-Pwnc karma

gan **nicdafis** » Llun 11 Ebr 2005 5:03 pm

A dyna fe, ti newydd ennill dau bleidlais gwyrdd newydd gen i.

Mae'n fwy na jyst dilyn rheolau, fel ti'n dweud; ychwanegu rhywbeth i'r trafodaeth yw'r peth pwysicaf. Os ydy rhywun yn gofyn cwestiwn, a ti'n ei ateb, mi ddylai dy garma fynd i fyny, gan fod o leia un person wedi ffeindio'r ateb yn ddefnyddiol. Ar y llaw arall, os wyt ti'n postio rhywbeth sy'n awgrymu bod y person yn dwp am ofyn cwestiwn mor ddwl, mi eith dy garma i lawr. Er enghraifft.

Hyd yn hyn, dw i'n eitha bodlon gyda'r ffordd mae sustem carma yn gweithio. Yn aml iawn, dydy pobl gyda carma coch ddim yn aelodau drwg mewn unrhyw ffordd, ond efallai mae tuedd 'da nhw i bostio heb feddwl sut mae'r sylw yn mynd i ffito i mewn i'r trafodaeth.

Dydy'r canllawiau ddim yn gyflawn, wrth gwrs. Mae'n amhosib i esbonio i aelodau newydd pam mae'n hollol iawn i ddweud "ffyc off, y ffycar" mewn edefyn yn y Blwch Tywod, ond nid mewn edefyn yn Materion Cymru. Os dydy'r aelod ddim wedi sylweddoli bpd naws gwahanol yn y ddau seiat, mae'n debyg y ceith e/hi garma drwg am sbel.

Nid mater o ddangos dy fod di'n cytuno â'r neges yw pleidleisio drosti chwaith, ond yn hytrach bod y neges yn un diddorol, adeiladol, helpgar, doniol, perthnasol, afreal (mewn ffordd dda), neu yn ddifyr mewn rhyw fodd arall. Dw i wedi rhoi'r tic bach gwyrdd i negeseuon dw i'n anghytuno â nhw yn llwyr ar lefel gwleidyddol, ond gweld bod nhw ychwanegu at safon y trafod ar y maes.

gan Al » Llun 11 Ebr 2005 7:46 pm

Diolch am hynny nic, ac am y eglurhad gwell am syt i ymddwyn ac meddwl ar y maes. Wrth gwrs mi wnai cadw fyny y safon a wrth gwrs trio wella syt dwi yn postio, a gobeithio mi wneith pawb rhynpeth.

Mae postio negeseuon 'Diolch' yn diwerth os dwi yn cofio yn iawn?? Gall rhywun cadarnhau hyn? mond i mi cofio i tro nesa, er fy mod yn trio fod yn gyfeillgar

gan **mam y mwnci** » Maw 12 Ebr 2005 8:54 am

Diolch am y wybodaeth OND mae gen i waith i'w wneud heddiw a dwi newydd sylwi bod yr ebydebyn (!) yna yn 5 tudalen :ofn:

Yn syml iawn ...i fi.... pliiis? Mae mhroffeil i yn dweud bod fy carma yn llwyd felly mae hyna'n iawn ydi? (Oh ac os ti'n dallt y pethau 'ma tra ti wrthi fedrith rhywun esbonio MSN i fi? Dwi wedi setio fo fyny ond dim ond dau berson sydd gen i arno fo a mae un o rheiny yn awstralia!)
Diolch
Hwyl a ffags!
:wps:

gan **mam y mwnci** » Maw 12 Ebr 2005 9:34 am

Dwi'n panicio rwan - dwi ddim yn dda iawn efo cyfrifoldeb! - mae y tics ar croesi newydd ymddangos ar waelod negeseuon pawb - dwi'n cymryd nad oes disgwyl i mi ymateb i bob un? Dim ond y rhai sydd yn cael effaith un ffordd neu'r llall arnf ia?

Colli karma

Colli karma

Pwy sydd ar-lein