Cau edefyn bomio Llundain

[GT]

'Dwi wedi fy synnu a fy siomi yn Nic.

Cau'r edefyn hwn sy'n cynrychioli'r oll sydd yn dda am y maes:

Trafodaethau rhesymol a phwyllog.
Caredigrwydd a chwrteisi o'r cychwyn i'r diwedd.
Pawb yn parchu ei wrthwynebydd.
Ymatal llwyr rhag camgynrychioli safbwyntiau gwrthwynebwyr.
Geirwiredd trwyddo draw.
Pob un o reolau'r maes yn cael ei barchu'n ddi eithriad.
Cyfraniadau lu gan y maeswyr mwyaf bonheddig a lleiaf ymfflamychol.

Cywilydd arnat Nic.

[nicdafis]

Os wyt ti'n meddwl bod hi'n werth agor trafodaeth newydd ar y pwnc, sy'n canolbwyntio mwy ar y digwyddiadau eu hunain yn lle sgorio pwyntiau gwleidyddol oddi ar dy "elynion" ar y maes, croeso i ti wneud. Mae 'na bobl a gafodd eu lladd yn y ffrwydiadau sy heb eu claddu 'to - ydy hynny yn fwy bwysig na phrofi dy fod di'n fwy clyfar na'r Gath Du?

[GT]

Os wyt ti'n meddwl bod hi'n werth agor trafodaeth newydd ar y pwnc, sy'n canolbwyntio mwy ar y digwyddiadau eu hunain yn lle sgorio pwyntiau gwleidyddol oddi ar dy "elynion" ar y maes, croeso i ti wneud. Mae 'na bobl a gafodd eu lladd yn y ffrwydiadau sy heb eu claddu 'to - ydy hynny yn fwy bwysig na phrofi dy fod di'n fwy clyfar na'r Gath Du?

Joc Nic bach. Mae'n debyg fy mod i mor euog a neb o ambell un o'r pethau uchod. A bod yn onest roedd yn syndod i mi dy fod wedi cadw'r edefyn yn agored cyhyd.

Ti'n iawn am ddifrifoldeb pwnc yr edefyn - a byddai'n syniad da i ni oll gofio hynny.

[eusebio]

Os wyt ti'n synnu ei fod wedi aros ar agor cyn hired, mae'n rhaid dy fod yn ymwybodol o'r hyn roeddet yn ei wneud yn yr edefyn ...



Mae'r edefyn yna yn enghraifft perffaith pam na fyddai'n trafferthu ymuno mewn unrhyw edefyn yn y seiat gwleidyddol.

[nicdafis]

A pham dw i'n ystyried cael gwared ohonyn nhw.

[GT]

Os wyt ti'n synnu ei fod wedi aros ar agor cyn hired, mae'n rhaid dy fod yn ymwybodol o'r hyn roeddet yn ei wneud yn yr edefyn ...



Mae'r edefyn yna yn enghraifft perffaith pam na fyddai'n trafferthu ymuno mewn unrhyw edefyn yn y seiat gwleidyddol.

Ym, roedd mwy na fi yn yr edefyn.

Oportiwnistiaeth di chwaeth un o gyfranwyr adain dde'r maes a therfysgaeth deallusol un arall oedd yn gyfrifol am gynna'r goelcerth.

[eusebio]

Nes i dim dweud mai chdi oedd yr unig un, ond chdi yw'r unig un sydd wedi cyfaddef dy fod yn gwybod yn iawn yr hyn oeddet ti'n ei wneud

[GT]

Nes i dim dweud mai chdi oedd yr unig un, ond chdi yw'r unig un sydd wedi cyfaddef dy fod yn gwybod yn iawn yr hyn oeddet ti'n ei wneud

'Dwi heb.

Roedd y pethau roeddwn yn eu harenwi yn sicr yn digwydd yn yr edefyn - ac roeddwn i'n euog o rai ohonynt.

Mae yn natur y dadleuon yma'n anffodus bod pobl yn tueddu i efelychu technegau ac arddull dadlau eu gwrthwynebwyr.

Rhywbeth arall ydi bod pobl yn camddeall ei gilydd yn aml - yng ngwres pethau mae pobl yn tueddu i gymryd ymosodiadau er eu dadleuon fel ymysodiadau arnyn nhw.

'Dwi'n euog o wneud i bethau ffrwydro weithiau 'dwi'n cyfaddef.

'Dydi GT ddim yn gymeriad go iawn yn yr ystyr ei fod yn gynrychiolaeth llawn o Cai ar y maes.

Mae gen i nifer o ddiddordebau - llenyddiaeth, chwaraeon, cerddoriaeth ac ati - ond unig ddiddordeb GT ydi gwleidyddiaeth. Dyfais ydi o, mewn ffordd i amddiffyn safbwynt wleidyddol neilltuol ar y maes (sydd o dan ymysodiad parhaus a chwbl afresymol yn aml, o gwahanol gyfeiriadau).

Mae'n defnyddio arddull arbennig i wneud hynny - rhai o elfennau dychan - coegni yn arbennig, ac mae'n dadelfenu dadleuon ei wrthwynebwyr ac yn eu rhoi mewn cyd destynnau gwahanol, ac yn gwneud hynny mewn ffordd ymysodol ac uniongyrchol iawn. Dryllio fframwaith deallusol gelynion cenedlaetholdeb prif ffrwd ydi ei raison d'etre. Mae'r arddull yn ypsetio pobl weithiau, ac mae pobl yn camddeall dychan am ymysodiad personol weithiau - ond mae'r arddull hefyd yn cyflawni ei phwrpas yn effeithiol.

Y pris o fy safbwynt i ydi fy mod yn gorfod derbyn ymysodiadau personol a chael pobl yn dweud celwydd amdanaf o bryd i'w gilydd. Dydi o ddim yn bris mawr - a dydi o ddim yn fy mhoeni.

Mae llawer o bobl rwyf yn ei hadnabod yn y c'nawd yn cael y ffaith mai fi ydi GT yn ddigri. Byddaf yn aml yn cael fy ngyhuddo o fod yn llawer rhy laid back yn y cigfyd.

[eusebio]

Mae llawer o bobl rwyf yn ei hadnabod yn y c'nawd yn cael y ffaith mai fi ydi GT yn ddigri. Byddaf yn aml yn cael fy ngyhuddo o fod yn llawer rhy laid back yn y cigfyd.

Rwy'n casau pan mae pobl yn dweud hyn ar negesfyrddau - tyda ni ddim yn dadlau yn y cigfyd yn fan hyn nacydyn, felly beth yn union ydi pwynt dweud pethau fel hyn?

[GT]

Mae llawer o bobl rwyf yn ei hadnabod yn y c'nawd yn cael y ffaith mai fi ydi GT yn ddigri. Byddaf yn aml yn cael fy ngyhuddo o fod yn llawer rhy laid back yn y cigfyd.

Rwy'n casau pan mae pobl yn dweud hyn ar negesfyrddau - tyda ni ddim yn dadlau yn y cigfyd yn fan hyn nacydyn, felly beth yn union ydi pwynt dweud pethau fel hyn?

Ffordd o gefnogi'r eglurhad am natur a phwrpas GT ydi o.