Y Gell Gosb

gan **Hen Rech Flin** » Maw 01 Tach 2005 1:53 am

Rwy'n gweld bod Bibopalwla mewn cell gosb am wythnos.

Dyma'r tro cyntaf imi glywed son am y "gell gosb" ar y Maes.

Mae Bibop wedi bod yn euog o "ddilyn fy ngwenoglyn" ac yn fy ngalw yn "dwat" ar bob cyfle, ond nid ydwyf wedi cwyno am y ffaith.

Os oes bai, mae'n debyg mai fi a nid fo sydd ar fai, gan na sylwais yn ddigon buan pa mor sensitif i feirniadaeth ydyw. Rwy'n gallu bod yn llawdrwm ac yn nawddoglyd yn fy ymatebion, heb ystyried bod rhai o aelodau'r Maes yn ieuenctid.

Gan nad ydwyf wedi cwyno am ymatebion Bibop i'm sylwadau, rwy'n gobeithio nad yw'r ymatebion yna wedi eu hystyried wrth wneud y penderfyniad i'w danfon i'r gell gosb.

gan **huwwaters** » Maw 01 Tach 2005 2:46 am

Yr ydwyf yn cymeradwyo eich sylwadau'n fawr, ond yn y byd yma, rhaid i unigolion fod yn barod i allu anwybyddu pobl nad ydynt yn eu hoffi.

Daw trwbwl oherwydd fod pobl yn gallu bod yn confrontational, hyd yn oed ar raddfa fach. Y ffordd orau o gael allan o unrhyw drafferth yw anwybyddu sylwadau neu weithred unrhyw unigolyn. Os mae'r unigolyn yna'n mynd ymlaen i'ch trafferthu unai pasio'r neges ymlaen at rywun uwch (e.g. Gweinyddiwr) neu deud eich bod yn anghywir ac yn ymddiheuro ac eisiau anghofio'r peth.

Daw trafferth gan bobl anodd, sydd byth yn gallu cymyd cyfrifoldeb llwyr dros eu hunain, felly ni nawn nhw dderbyn eu bod yn anghywir a chi sy'n gywir.

Gellir defnyddio'r canllaw syml yma mewn bywyd bob dydd.

gan **Hen Rech Flin** » Maw 01 Tach 2005 3:01 am

Rwy'n ansicr o be wyt yn ceisio dweud Huw.

Nid cwyno ydwyf am i'r hogyn cwyno amdanaf i. Cwyno ydwyf am y posibilrwydd bod yr hogyn wedi ei gosbi am gwyno amdanaf i.

Mae croen tewach nag eliffant gennyf, digon tew i dderbyn mwy o giciau na sydd ar gael ar y Maes heb ddioddef niwed.

O gicio yn erbyn pared ymateb Bibop oedd rhegi. Ymateb digon derbyniol. Ymddiheuro am fod yn bared oeddwn!

gan **Mali** » Maw 01 Tach 2005 3:24 am

Doeddwn i ddim yn ymwybodol fod 'na gell gosb ar y maes.....

Ydio'n rhywbeth newydd? Wedi gweld rhywbeth debyg ar negesfyrddau eraill , ac mae'n gweithio'n reit dda.

gan **nicdafis** » Maw 01 Tach 2005 11:47 am

Mae enw y Gell Gosb yn beth newydd ar y maes, ond nid yw'r syniad o rywun cael ei wahardd dros dro. Dim ond ceisio wneud y peth yn glirach (i fi fy hun, cymaint

gan **gronw** » Maw 01 Tach 2005 9:22 pm

nicdafis a ddywedodd:ond nid er lles Hen Rech Flin yn unig ydw i'n cymedroli Winc

cytuno efo nic. mae negeseuon fel yr un lle nath bibop ymateb i HRF yn difetha'r maes i bawb, nid jyst i'r person sy'n cael ei regi.

gan **eusebio** » Maw 01 Tach 2005 9:27 pm

[pedant]
Y Cell Cosb

[/pedant]

gan **Chwadan** » Maw 01 Tach 2005 9:29 pm

eusebio a ddywedodd:[pedant]
Y Cell Cosb

[/pedant]

Ma cell yn fenywaidd, felly y gell gosb. Ti di bod yn gwrando gormod ar sylwebwyr rygbi

gan **eusebio** » Maw 01 Tach 2005 9:32 pm

Chwadan a ddywedodd:
eusebio a ddywedodd:[pedant]
Y Cell Cosb

[/pedant]

Ma cell yn fenywaidd, felly y gell gosb. Ti di bod yn gwrando gormod ar sylwebwyr rygbi

a! roeddwn i'n gwybod fod y bois rygbi yn ei chael yn anghywir mond bo fi'm yn cofio pa run oedden nhw'n ddweud

gan **Tegwared ap Seion** » Maw 01 Tach 2005 9:43 pm

gronw a ddywedodd:
nicdafis a ddywedodd:ond nid er lles Hen Rech Flin yn unig ydw i'n cymedroli Winc

cytuno efo nic. mae negeseuon fel yr un lle nath bibop ymateb i HRF yn difetha'r maes i bawb, nid jyst i'r person sy'n cael ei regi.

cymedroli Winc? Be nawn ni heb y gwenogluniau?!

Cytuno'n llwyr

Y Gell Gosb

Y Gell Gosb

Pwy sydd ar-lein