Dyw'r neges dim yn bod.

gan **Hen Rech Flin** » Iau 02 Maw 2006 6:21 am

A oes twll yn rhaglen y Maes?

Yn aml iawn byddwyf yn cael e-bost gan Nic yn dweud bod ymateb i sgwrs wedi ei bostio, ond o glicio ar y cysylltnod yn cael y neges nad yw'r neges / edefyn yn bodoli mwyach.

O fynd at yr hafan i chwilio am y drafodaeth, gwelaf fod y sgwrs, ac yn wir neges newydd, yn bodoli.

Credaf fod yr hyn sy'n digwydd yw bod cyfraniad yn cael ei bostio ac yn cael ei olygu. Y cyfraniad cyn ei olygu sy ddim yn bod. Ond gan nad oes neb wedi darllen y neges cyn ei olygu mae'r negeseuon gwylio trafodaeth yn dod i ben.

A oes modd oresgyn y twll yma?

gan **Dai dom da** » Iau 02 Maw 2006 11:55 am

Os ti moyn cal gwared o'r ebyst syn dod i ti am y negeseuon newydd, cer i dy broffeil, ac wedyn cer lawr i'r rhan 'ie' neu 'nage'. Fydd na cwestiwn syn gweud hyn:

Rho wybod i mi os oes ymatebion:
Anfon ebost atat ti pan fydd rhywun yn
ymateb mewn pwnc lle wyt ti wedi cyfrannu.
Gelli newid y gosodiad hwn gyda phob neges

Gwasga ar 'nage' fydd ar bwys y cwestiwn.

gan **nicdafis** » Iau 02 Maw 2006 7:03 pm

Sa i'n credu yr Hen Rech am beidio cael y negeseuon, ond eisiau iddyn nhw *weithio* mae e.

Rhaid dweud dw i ond yn defnyddio'r peth "gwylio" gyda ambell i edefyn pwysig - i bopeth arall dw i'n dibynnu ar y botwm <a href="http://maes-e.com/search.php?search_id=newposts">Negeseuon Newydd</a> - ond mae rhaid i mi ddarllen lot o bethau hyd yn oed dw i ddim yn cymryd rhan yn y sgyrsiau.

Mae'n debyg dy fod di'n iawn HRF, bod y negeseuon sy'n peri'r ebost wedi'u golygu neu symud cyn i ti weld yr ebost. Dw i ddim yn gweld ffordd hawdd rownd hyn, a bod yn onest. Os nad ydy rhywun arall yn gwybod am ffordd i ddatrys y broblem, wna i edrych i mewn i'r peth ar wefan <a href="http://www.phpbb.com/">phpBB</a>.

gan **Barbarella** » Iau 02 Maw 2006 7:56 pm

Dwi'm yn gweld sut gallai hyn ddigwydd gyda rhywun yn golygu neges, ond yn sicr gallai ddigwydd os yw cymedrolwr yn dileu'r neges sydd wedi ysgogi'r ebost i ti.

Sdim ffordd rownd hyn, sori -- yr unig ateb yw gofyn yn neis i aelodau'r Maes beidio postio negeseuon gwirion/enllibus sydd angen eu dileu yn y lle cyntaf! ;-)

gan **Hen Rech Flin** » Maw 07 Maw 2006 4:39 am

Barbarella a ddywedodd:Dwi'm yn gweld sut gallai hyn ddigwydd gyda rhywun yn golygu neges, ond yn sicr gallai ddigwydd os yw cymedrolwr yn dileu'r neges sydd wedi ysgogi'r ebost i ti.

Sdim ffordd rownd hyn, sori -- yr unig ateb yw gofyn yn neis i aelodau'r Maes beidio postio negeseuon gwirion/enllibus sydd angen eu dileu yn y lle cyntaf!

Dyma engraifft:

viewtopic.php?p=267743#267743

Hyd y gwelaf dyw'r Mam Ddaear heb ei ddileu fel neges gwirion / enllibus!

Pam nad yw yn "bod"?

gan **Tegwared ap Seion** » Maw 07 Maw 2006 8:36 am

ma'r pwnc cyfan wedi mynd...

gan **Hen Rech Flin** » Maw 07 Maw 2006 12:40 pm

Tegwared ap Seion a ddywedodd:ma'r pwnc cyfan wedi mynd...

Na, mae'r pwnc yna o hyd, sef trafodaeth yn "Criw Duw" am Ddydd Gwyl Dewi

gan **Barbarella** » Maw 07 Maw 2006 12:55 pm

Hen Rech Flin a ddywedodd:Dyma engraifft:

viewtopic.php?p=267743#267743

Hyd y gwelaf dyw'r Mam Ddaear heb ei ddileu fel neges gwirion / enllibus!

Pam nad yw yn "bod"?

Mae'r linc yna yn cyfeirio at un neges yn benodol o fewn y pwnc. Er bod y pwnc dal i fodoli, dyw'r neges benodol yna ddim -- rhaid bod cymedrolwr, neu'r awdur ei hun, wedi ei ddileu.

Mae'r linc yma yn cyfeirio'n gywir at y pwnc yn ei gyfanrwydd:

viewtopic.php?t=17585

gan **nicdafis** » Maw 07 Maw 2006 1:52 pm

Mae linc i'r edefyn yn yr ebost eisioes, os wyt ti'n tocio hyn tipyn bach:

viewtopic.php?t=17615<strike>&unwatch=topic</strike>

Byddai'n bosibl cynnwys y linc syml i ddechrau'r edefyn, os ydy golygu dolen yn ormod o drwbl ;-)

gan **Mr Gasyth** » Maw 07 Maw 2006 2:52 pm

Defnyddio 'negeseuon newydd' fydda i bob tro - lot llai o drafferth.

Dyw'r neges dim yn bod.

Dyw'r neges dim yn bod.

Pwy sydd ar-lein