Cloi "Hoewon"

[sian]

does gennych chi "ryddid barn" ar y Maes Mawr Agored os ydy'ch barn yn sarhaus - fel oedd barn sawl un o "Gristnogion" y maes yn yr edefyn dan sylw.

Er tegwch, dim ond dau o Gristnogion y maes wnaeth fynegi barn y gellid ei dehongli fel bod yn sarhaus - gwnaeth eraill, fel Rhys Llwyd a minnau, geisio rhoi'r darnau dan sylw yng nghyd-destun dysgeidiaeth y Beibl yn gyffredinol.
Yn sicr, mae'r drafodaeth wedi gwneud i mi feddwl am natur pechod a pherthynas pobl

[sian]

wy'n gwybod ei bod hi'n hwyr ond *wir*, mae dy sylwadau di, HRF, yn ddifrifol o anaeddfed a thros-y-linell (cei watwar faint fynni di ar fy nghymraeg i, os neith hynny wahaniaeth i dy hyder, gyda llaw.). allai ddim credu bod rhywun sy'n meddu ar fymryn o sens yn gweld lle i ymosod yn bersonol ar aelodau am fynnu s

[Hen Rech Flin]

Rhagfarn ydi rhagfarn, beth bynnag fo'r cyfiawnhad honedig drosto. Dwi'n siwr na fyddai sylwadau gan aelod o gwlt neu grefydd (be ydi'r gwahaniaeth gyda llaw?) sydd yn honi fod Iddewon/duon/merched yn ffiaidd yn cael eu goddef ar y maes felly pam dylai sylwadau gwrth-hoywon sy'n cael eu cyfiawnhau ar sail grefyddol?

Rwy

[sian]

Er ddarllen y neges yma throsodd a throsodd rwy'n methu deall ei gynnwys na'i phwrpas! A oes modd cael eglurhad pellach os gwelwch yn dda?

hoho!

ystyr fy neges:

1.

tafod_bach :
wy'n gwybod ei bod hi'n hwyr ond *wir*, mae dy sylwadau di, HRF, yn ddifrifol o anaeddfed a thros-y-linell (cei watwar faint fynni di ar fy nghymraeg i, os neith hynny wahaniaeth i dy hyder, gyda llaw.).

eitha syml. gormod o gommas falle.

allai ddim credu bod rhywun sy'n meddu ar fymryn o sens yn gweld lle i ymosod yn bersonol ar aelodau, am fynnu s

[sian]

... da byddai iddo nodi bod nifer o drafodaethau yn y seiat hon yn son am gloi edeifion. Rhai ohonynt wedi eu hagor gan Nic - ar

[sian]

Ond oedd y ddadl dal oddi ar y pwnc.

Cytuno.

... gan bobl fel Ray bach.

Ai enghraifft o ragfarn yn erbyn pobl ar sail eu diffyg maintioli (corfforol neu ymenyddol) sydd yma?
Neu efallai mai ffordd o fynegi anwyldeb yw'r ansoddair "bach" yn y cyd-destun hwn - mae mor anodd dehongli negeseuon maes-e ag yw hi i ddehongli'r Beibl

[nicdafis]

Anwyldeb, yn sicr, ol ddy wei.

[Rhys Llwyd]

Yn y pendraw, mae'r wefan hon... yn cael ei rhedeg ar leins seciwlar, rhyddfrydol.

Dyma ddywed R. Tudur Jones

...gellir esbonio llwyddiant unrhyw ffurf ar grefydd [yn ol yr athronydd modernaidd] yng ngoleuni dadansoddiad o'r math yma [amgylchiadau cymdeithasol]. Ond nid yw'n foddhaol oherwydd y mae'r dadansoddiad ei hun yn gynnyrch ffydd y dadansoddwr

[Dylan]

Does dim fath beth a 'seciwlar' - ma seciwlar yn ffydd yn ei hun; jest y gwr hwnw sy'n credu mewn 'seciwlariaeth' sy'n ofn neu'n rhagfarnus tuag at unrhyw fath o ffydd sy'n seiliedig ar rywbeth ti hwnt i'r Fi fawr.

Cachu rwtsh. Diffiniad "seciwlariaeth" ydi "form of governance that is not affiliated with any particular religion". Nid safbwynt athronyddol o gwbl, ond yn hytrach un ymarferol. Hynny yw, yn yr achos yma mae'n golygu nad oes gan grefydd unrhyw ddylanwad ar y modd y mae Maes-E yn cael ei redeg.

ond ta waeth, mae hynny'n mynd oddi ar y pwnc hefyd.

Yr unig broblem efo'r edefyn gwreiddiol o beth wela' i ydi bod dadl wedi dechrau lle nad oedd dadl yn addas. Aelod newydd yn gofyn cwestiwn diniwed am lefydd i fynd i gymdeithasu yng Nghaerdydd. 'Doedd dim lle i ddechrau moesoli a pharablu mlaen am y Beibl o gwbl yn yr achos yna.

Wrth gwrs mae "croeso" i bobl feddwl bod y fath beth yn "bechod" neu be bynnag (ond mae dal yn eich gwneud yn homoffob rhagfarnllyd), ond nid dyna oedd y lle i ddechrau hefru am y peth. Dechreuwch edefyn newydd mewn seiat priodol, os oes raid. Dyna i gyd.

[Rhys Llwyd]

Wrth gwrs mae "croeso" i bobl feddwl bod y fath beth yn "bechod" neu be bynnag (ond mae dal yn eich gwneud yn homoffob rhagfarnllyd)

Nawr os nad ydy hwna yn goment rhagfarnllyd wn i ddim be yn y byd sydd yn!

Wyt ti hefyd yn credu fod gan Gristnogion ragfarn yn erbyn twyllwyr oherwydd bod e'n dysgu yn y beibl fod twyllo yn anghywir?