Chwyldro yn erbyn rhai Maeswyr.

gan **Gwen** » Sul 27 Awst 2006 10:31 am

Dwn i'm sdi, Macsen - dwi'n cofio pobol yn cwyno am y don roeddat ti'n rhan ohoni am i chi newid cymeriad y maes dros nos. A phan fydd huwwaters yn son am oes aur y maes, son mae o am gyfnod nad ydw i'n ei gofio, sef nol yn 2002. Mae pawb yn meddwl eu bod nhw'n rhan o'r oes aur am wn i.

(Ond ia, dwi'n rili'n 'cyfri' neb ôl-2003 chwaith...)

gan **huwwaters** » Sul 27 Awst 2006 11:34 am

Gwen a ddywedodd:Dwn i'm sdi, Macsen - dwi'n cofio pobol yn cwyno am y don roeddat ti'n rhan ohoni am i chi newid cymeriad y maes dros nos. A phan fydd huwwaters yn son am oes aur y maes, son mae o am gyfnod nad ydw i'n ei gofio, sef nol yn 2002. Mae pawb yn meddwl eu bod nhw'n rhan o'r oes aur am wn i.

(Ond ia, dwi'n rili'n 'cyfri' neb ôl-2003 chwaith...)

Pan dwi'n son am yr 'oes euraidd' dwi'n son am yr adeg ble nad oedd cymaint o aelodau ac adnabyddiaeth am y lle fel yr oedd pobl yn cymyd yn ganiataol fod maes-e y wasanaeth cyhoeddus ac yn hawl iddynt ei ddefnyddio. Hefyd yr adeg ble'r oedd mwy o safon i gynnwys negesuon. Mae dal yn bod rwan, ond yn ganran fach iawn o be sy'n cael ei bostio.

gan **sion_llanclan** » Sul 27 Awst 2006 6:16 pm

nicdafis a ddywedodd:Dydy hynny ddim yn golygu mod i'n meddwl bod angen newidiadau sylfaenol yn y ffordd mae maes-e yn cael ei redeg, neu bod rhaid i bawb bod yn neisneis i'w gilydd trwy'r amser.

Dydw i ddim isio bobol fod yn neisneis. Dwi'n gorfod dioddef hynna trwy'r dydd. Ond, mae na rhai bobol megis rhai bobol sydd wedi bod yn aelodau ar Maes-E cyn Medi 2003 yn meddwl mae nhw mor dda bod mae nhw wedi bod yn aelodau o Maes-E ers bron iawn y dechrau a meddwl bod pob aelod newydd sydd yn ymuno ar fforwm dim ond yn niwsans iddyn nhw a ei cyfrifoldeb nhw ar Maes yw trio cael yr aelodau yma oddi wrth Maes-E a.s.a.p. Dyna sut dwi'n gweld hi ar Maes-E.

Dod yn ol at dyfyniad 7ennyn, (sori dwi ddim am dyfynnu ei ddyfyniad ef) mi dywedodd fod pob fforwn eraill fel hyn. Ia, dyfyniad teg. Ond, dydy ni ddim yn gorfod dilyn pob fforwm arall. Dwi'n hoff iawn o Maes-E oherwydd mae'n unigryw a dydw i'm yn meindio pobol yn pryfocio weithiau, ond, mae rhai bobol (yn fy marn i) yn mynd rhy bell.

gan **Macsen** » Sul 27 Awst 2006 6:27 pm

sion_llanclan a ddywedodd:Ond, mae na rhai bobol sydd wedi bod yn aelodau ar Maes-E cyn Medi 2003 yn meddwl bod pob aelod newydd sydd yn ymuno ar fforwm dim ond yn niwsans iddyn nhw a ei cyfrifoldeb nhw ar Maes yw trio cael yr aelodau yma oddi wrth Maes-E a.s.a.p.

Yep. Pam wyt ti dal yma?

Mae'r holl son yma am 'oes aur' Maes-E yn wirion bost. Pan wnes i ymuno roedd Newt Gingrich dal yma, y fforymau gwleidyddiaeth yn lanast llwyr o alw enwau, Nic yn tynnu'i wallt allan yn clymps a RET newydd ei fanio am ddweud pethau cas am bobol hoyw.

OK, roedd yna ryw gynnwrf am bosibiliadau'r 'Rhithfro', ond dyw safon y Maes heb godi dim yn y 3 mlynedd dwytha'. Angen tynnu'r hen sbectols rose tinted bant o'r trwyn dwi'n meddwl. Mewn tair blynedd mi fydden ni'n edrych yn ol ar 2006 a dweud 'rheina oedd y dyddia aur, beth sy'n bod ar Maes-E heddiw?' a'n ceisio cnoi bacwn gyda dannedd gosod.

Paid poeni bod pobol yn bod yn gas gyda ti sion_llanclan. Os wyt ti'n cyfrannu'r ddeallus tuag at y drafodaeth ac ddim yn bod yn blentynaidd (mewn geiriau eraill, gwna'n groes i beth ydw i wedi ei wneud ar y Maes yn y tair blynedd dwytha') mi fyddi di'n iawn.

Yr unig reswm fydda'i ddim yn hoffi rai pobol ar Maes-E ydi fod gennyn nhw enwau gwirion, rhithffurfiau twp, ac agwedd babiaidd.

gan **Rhys Llwyd** » Sul 27 Awst 2006 9:02 pm

Dwi'n cofio'r oes aur. Mi roedd yna ffrae bryd hynny ond rywsut roedd o'n ffraeo adeiladol. Fuesi yn rhan o hyn. Dau enghraifft o ddadlau ffyrnig (ond eto adeiladol a meddylgar) fuesi yn rhan ohoni slawer dydd oedd:

> Fi Vs Mr Gasyth am Gristnogaeth

> Fi Vs Mihangel Macintosh am addasrwydd noson ecscape yn maesb Ty Ddewi(!)

Roedd y dadlau'n ffyrnig OND ddim yn filain nag yn frwnt. Y math yma o ddadleuon hir a chymhleth dwi'n gweld eu heisiau - mae dadleuon dwfn yn cael ei sbwylio gan cheat shots ayyb... erbyn hyn.

gan **sion_llanclan** » Maw 29 Awst 2006 4:33 pm

mr huw a ddywedodd:Maes-e - heb y barnu na'r cystadlu

Hmmmm......

gan **nicdafis** » Mer 30 Awst 2006 8:35 am

"Eironi" dyn ni'n galw hwnna, 'chan.

Mae rhaid mod i'n dueddol, ond dw i wir yn meddwl bod maes-e yn fwy coesawgar i aelodau newydd na'r rhan fwya o fforymau ar-lein eraill dw i wedi bod yn rhan ohonyn nhw. Dydy pobl ddim yn cael amser caled am "beidio ffito mewn i maes-e", ond weithiau maen nhw yn ei gael e am beidio dilyn rheolau "netiquette".

Heb eisiau swnio fel proffwyd sinigaidd, byddwn ni'n gweld yn yr wythnosau nesa 'ma, wrth i'r ysgolion a cholegau mynd yn ôl, llu o aelodau newydd a fydd yn neud yn union yr un "camgymeriadau"* a wnaeth aelodau newydd maes-e ym Medi 2003, Medi 2004 a Medi 2005. I'r rhai ohonon ni sy wedi bod 'ma ers y dechrau, bydd hyn jyst tipyn bach mwy pryfoclyd nag oedd hi yn 2005, 2004 a 2003. Bydd yn fwy pryfoclyd byth yn 2007, 2008 a 2009.

Bai pwy yw hynny? Nid bai'r aelodau newydd, siwrli? Fydd aelodau newydd Medi 2006 ddim yn fwy neu'n llai di-glem nag oedd aelodau newydd Medi 2003, gan gynnwys rhai o'r bobl sydd erbyn hyn yn hiraethu am "oes aur maes-e". ;-)

Dw i wedi bod yn trwshio côd yn llofnodion aelodau newydd ers Awst 2002, a dw i dal yn joio dod yma, a dw i dal yn joio darllen cyfraniadau aeldoau newydd.

gan **Gwen** » Mer 30 Awst 2006 12:29 pm

Roedd na

i fod ar ol fy nghyfeiriad i at yr oes aur. Gen Macsen hefyd, dwi'm yn ama. Mae rhai o'r bobol dwi'n mwynhau trafod efo nhw fwya erbyn hyn yn rai nath ymaelodi yn 2004 neu 2005. Eto, wrth fynd nol drwy'r hen drafodaethau y bydda i'n gweld fy hun yn chwerthin fwya...

gan **7ennyn** » Mer 30 Awst 2006 9:17 pm

Tips i'ch helpu i osgoi gwrthdaro, camddealltwriaethau a chamddehongliadau ar y Maes - gan foi sydd wedi bod yn defnyddio negesfyrddau ers y nawdegau cynnar:

1. Tydi eironi a choegni (sarcasm) ddim yn trosglwyddo yn dda iawn ar negesfyrddau fel hyn. Cymerwch bwyll wrth ysgrifennu negeseuon coeglyd - cliciwch y botwm 'rhagolwg' cyn postio - ydych chi'n berffaith sicr y bydd eich cyd-maes-e-wyr i gyd yn gwerthfawrogi'r hiwmor?

2. Byddwch yn ofalus wrth ddefnyddio gwenogluniau. Mae :winc:

,

a

yn iawn - gallwch ddefnyddio rhein yn hapus braf. Ond mae'r lleill yn dueddol o gael eu cam-ddefnyddio a'u camddehongli - dwi wedi sylwi mai :rolio:

ydi'r un mwyaf tebygol o godi gwrychyn defnyddwyr eraill yn anfwriadol.

3. Peidiwch a thrio efelychu rhai o gymeriadau mwyaf lliwgar y Maes - wnewch chi mond gwneud ffwl ohonoch eich hun. Mae rhai o'r cymeriadau hyn yn cael 'get away' hefo llofruddiaeth gan fod pawb arall yn cydnabod eu bod yn ddigrifwyr o athrylith.

4. Triwch beidio mynd ymlaen ac ymlaen am yr 'oes aur' a son byth a beunydd am sut mae'r safon wedi dirywio. Tydi negeseuon o'r fath ddim yn helpu tuag at godi'r safon - yn nacdi? :winc:

Ond, wedi deud hyn, mae rhai pobl yn cael mwynhad o wrthdaro, camddealltwriaethau a chamddehongliadau. Os ydych chi'n un o'r rhein, jest anwybyddwch y pedwar phwynt uchod.

gan **Macsen** » Iau 31 Awst 2006 8:19 am

Gwen a ddywedodd:Roedd na i fod ar ol fy nghyfeiriad i at yr oes aur. Gen Macsen hefyd, dwi'm yn ama.

Paid a rhoi tafodau yn fy ngheg i!

Chwyldro yn erbyn rhai Maeswyr.

Pwy sydd ar-lein