Hoe bach i maes-e.com?

[nicdafis]

Dwi'n meddwl y byddai ei gau lawr am rai wythnosau a'i ail agor yn barod ar gyfer y run-up i etholiadau'r Cynulliad yn syniad campus.

Gwnaiff les i ti, i fi, i bawb

Dyw hyn ddim yn syniad drwg o gwbl. Gawn ni weld.

[Rhodri Nwdls]

Mi fwynheais i'r brêc yn 2005! Gennai lot i neud dros y mis nesa, felly neith o siwtio fi i'r dim!

Mae bron yn amhosib cychwyn negesfwrdd ar wahan i maes-e am fod y dynfa i siarad a thrafod efo cynulleidfa mor fawr a maes e yn rhy gryf.

Dyw fforwm Pictiwrs heb weithio am sawl rheswm ond mae'r rhain yn brif rai :

1) di'r system ddim patsh ar system phpBB, sy'n rhoi pobol off (gan gynnwys fi)

2) diffyg postio gan graidd o gyfrannwyr i fywiogi'r lle (da ni gyd ar y maes yn hapus braf!)

ond yn bennaf...

3) mae na drafodaeth yr union yr un peth yn mynd mlaen yn y seiat ffilm, teledu a radio - hefo posibiliad llawer gwell o gael ymateb i'ch cofnod chi.

Dwi am gau'r fforwm yno dwi'n meddwl a throi gwefan Pictiwrs nôl mewn i flog aml-gyfrannol.

Os ti isio annog fforymau eraill, efallai y dylet ti gau rhai seiadau penodol? Bydd rhywun bownd o gychwyn fforwm newydd wedyn. Efallai dylid cael fforwm wleidyddiaeth Gymraeg ar wahân. Mae sawl un wedi cychwyn, ond cwympo am ryw reswm neu'i gilydd.

Dwi ddim yn deud y dylet ti gau seiad ffilm jest achos mod i isio pobol i ddod draw i Pictiwrs! Dwi am ei gau beth bynnag. Ond mae hyn yn ffactor pam nad oes fforymau eraill yn y marn i.

Mae maes-e yn cyfro rhan fwyaf o bynciau trafod (heblaw efallai ar gyfer dysgwyr) felly dydi pobol ddim am fodloni ar faes trafod llai, sy'n ddealladwy.

Hefyd, da ni'n gymuned reit fach yma ar-lein (o'i gymharu) felly mae'n annodd cynnal cymunedau amrywiol bywiog. Ond mae lle i ragor o gymunedau am fod rhai edeifion yn rhedeg i'r tudalennau o fewn diwrnod sy'n ei gneud yn amhosib eu darllen. Mae na rwbeth i'w ddweud dros fforwm chydig yn 'arafach'.

[Rhys]

Licio'r syniad o gau rhai seiadau. Dewis y rhai mwyf poblogaidd.

Byddai cau'r seiat gwleidyddiaeth rhwng rwan a'r etholiad yn masterstroke

A gwenud yr un peth gyda sawl seiat pob yn un. Meddwl am y peth fel torri ceinciau ifanc o blanhigyn i'w hail-blannu fel planigion newydd.

Os chi ddim yn gallu gwynebu dechrau bwrdd eich hun, gallwch ddefnyddio gwasanaeth http://www.yabbers.com (fel dwi wedi wneud gyda http://www.sgwrs.net). Gallwch osod poeth yn ei le mewn awr.

[Rhodri Nwdls]

Oes na unrhyw system bwrdd trafod sy'n rhagori ar phpBB erbyn hyn? Mae o yn dangos ei oed yndydi. Dwi heb ddod ar draws unrhywbeth sy'n syfrdanol o wahanol, rhaid cyfadddef.

Mae http://www.informe.com yn gwneud fforymau am ddim. Dim opsiwn Cymraeg fodd bynnag - efallai fopd posib anfon cyfieithiad Tîm Maes-e atyn nhw ddo?

[Cardi Bach]

Get over yourself, love. It's only a fucking messageboard.

yn Saesneg? shocking.

Oedd gweddill y neges yn Gymraeg, ond mae rhan fwya o'r bobl sy'n sgwennu i gwyno eu bod nhw cael eu gorthrymu yn defnyddio Saesneg i gario bwrdwn eu cwyn. Mae'n fel traddodiad. Helpu'r dysgwr fath o beth.

Meddwl eu bod nhw'n bod yn ffraeth maen nhw, ac wrth gwrs, dydi'r Cymry ddim yn meddwl fod posib bod yn ffraeth yn Gymraeg (gw. bron pob enghraifft o gyfranwyr yn trio bod yn ffraeth ar maes-e).

Yn wir.

Look at you. Aren't you the clever one!

[sbwriel]

beth am ei gau tan y diwrnod ar ol shutdown day

[Macsen]

Roedd fy fforwm drafod i'n mynd yn dda iawn diolch yn fawr cyn i Dr Gwion Larsen anghofio talu'i filiau!

Y rheswm dwi'n meddwl mai dim ond un prif negesfwrdd sydd yw, yn syml, nad oes gymaint a hynny o bobol yn defnyddio'r we drwy'r Gymraeg. Mae'n haws cael popeth yn yr un lle nag wedi ei wasgaru dros dau neu dri negesfwrdd, a mae'n ddigon bach fel bod na deimlad o gymuned...

Fyddwn i'n siomedig pe bai Maes-E ar gau dros y mis cyn yr etholiad. Allai'm penderfynu pwy i bledleisio drosto ar fy mhen fy hun!

Get over yourself, love. It's only a fucking messageboard.

Anodd dyfalu pwy nath sgwennu hwn tydi!

[Hedd Gwynfor]

Y rheswm dwi'n meddwl mai dim ond un prif negesfwrdd sydd yw, yn syml, nad oes gymaint a hynny o bobol yn defnyddio'r we drwy'r Gymraeg.

Fi'n cytuno. Mae llwyth o Gymry Cymraeg yn gweld y rhyngrwyd fel rhywbeth Saesneg. Mae gan y rhan fwyaf o Gymry Cymraeg ifanc gyfrif MySpace neu Bebo, ond prin iawn yw'r rhai sydd hyd yn oed wedi clywed am faes-e. Dwi ddim yn credu fod lot o bwynt cychwyn llwyth o fforymau trafod newydd trwy gyfrwng y Gymraeg gyda neb yn eu defnyddio. Beth sydd angen gwneud ydy hyrwyddo maes-e yn ddi-ddiwedd, cynyddu'r aelodaeth yn ddramatig nes bod pobl yn dod i arfer defnyddio'r Gymraeg ar y rhyngrwyd (normaleiddio'r Gymraeg ar y we ), ac wedyn bydd spin-offs yn digwydd yn naturiol!

Ond ie, fel ma' pawb arall yn dweud, dy wefan di yw hwn - gwna beth ti'n teimlo sydd ore.

[Geraint]

Dwi'n cytuno efo Macsen ac Hedd, gan fod cyn lleied o fobl yn cyfrannu (ac mae'r niferoedd wedi lleihau yn ddiweddar) mae angen trio atgyfnerthu y pbol sy'n cyfrannu at trafodaethau, nid eu rhannu mewn i wahanol safloedd. Mewn undod mae nerth! Oh, a dwi'n meddwl fod pawb sy'n dweud na fyddent yn colli y maes mewn denial

[Dai dom da]

Bydde ddim ots da fi os bydde fe off am bach chwaith, dwi di bod arno hwn lot gormod yn ddiweddar. Sens.