Dadleuon Theolegol diflas yn strywio'r maes

[Llefenni]

Felly, a'i ateb byddai i bawb sydd wedi dioddau o sgil "firebombio" rooney i w neud ymdrech ar y cyd i nodi rooney fel "gelyn" (yn nhermau'r maes - dim go iawn cofiwch!.)

Yna fydd e'n methu tarfu ar y dadleuon rhesymol sydd i'w cael yn y seiat Ff a Ch (ac allai ddechre clicio ar y linc negeseuon newydd eto, yn lle'r un arbennig gan Nic!)

[sian]

Cafodd RET a'r Larseniaid eu cylchoedd preifat arbennig nhw'u hunain slawer dydd.
Cyn fy amser i - ai am resymau tebyg?
Efallai y byse rooney'n licio'i gylch ei hunan lle bydde fe'n cael gwahodd pobl sy'n licio'r math yma o ddadlau i ymuno ag e?
Dydi safbwynt rooney ddim yn broblem i mi jest ei agwedd a'r ffordd y mae'n dadlau - beryg ei fod yn cadw pobl sy'n rhannu safbwyntiau tebyg draw.

[tafod_bach]

chwysfys coslyd

Bathiad y mis!

mmmm. pryfoclyd. proclyd?

sori, nol at y pwnc...

[nicdafis]

Nid ffwndamentaliaeth rooney yw ei broblem, ond y ffaith ei fod e'n methu deall, neu'n gwrthod derbyn, rheolau cwrteisi ar y we. Nid fe yw'r unig un, wrth gwrs (ydy Martin Llew dal ambyti'r lle?). Mae 'na lefydd ar y we lle nad yw'r rheolau ddim yn berthnasol, ond hebddyn nhw mae gwefan drafod fel hyn yn dod yn ddi-werth.

[nicdafis]

Sori, daeth hynny ma's yn fwy negyddol nag o'n i'n meddwl - oedd rhaid i mi fynd ma's yn sydyn.

Dw i ddim yn dweud bod y maes wedi dod yn ddi-werth, dim ond bod y raddfa swn/sens mewn un seiat unigol wedi cwympo cymaint i wneud y seiat yna yn ddi-werth, i mi a sawl aelod arall. Does gen i ddigon o ots am brofi fy mod yn iawn, mae'n debyg. Dw i'n colli diddorded ar ôl hanner awr o guro mhen yn erbyn y wal.

Rhag ofn na weloch chi hwn pwy ddiwrnod:

[7ennyn]

Dwi'n rhoi un diwrnod arall cyn bydd yr edefyn yma wedi troi'n dren-ddrylliad arall i'w ychwanegu at y domen. Beth am wahardd trafod crefydd ar y Maes yn gyfangwbwl? Mae'n ddiflas, yn anffrwythlon ac yn mynd rownd a rownd a rownd mewn cylchoedd hyd syrffed. grr!

[nicdafis]

Chydig bach o athroniaeth crefydd i chi blant....

Lwcus bod hi'n amser gwely. Ti sy'n iawn, Rhys.

[Rhys Llwyd]

Mae'n ddiflas, yn anffrwythlon ac yn mynd rownd a rownd a rownd mewn cylchoedd hyd syrffed. grr!

Dwi'n cytuno - amser i gymryd time-out o'r maes am rai wythnosau dwi'n meddwl

Welai chi yn y gwanwyn

[Dan Dean]

Dwi'n gwybod, nid credu, fod Cristnogion yn bobl sydd yn gwybod y gwirionedd...

...mae'r Cristnogion yn gwybod eu bod nhw'n iawn...

...Ac oherwydd fod y di-gred heb ffydd maen nhw, yn ddi-ymwybod iddyn nhw eu hunain, yn eiddugeddus o'r hyn sydd gan Gristnogion

Aaargh! Ni allaf ddioddef yr agwedd yma!! "Www mae nhw'n eiddigeddus ohonof i achos dwi wedi ffeindio'r gwirionedd a dy nhw heb" - sod off! Celwydd!

Dwi wedi sylwi bod fy agwedd at grefydd lot gwaeth ar ol i'r seiat ma ddod yn boblogaidd. A fel mae'r dyfyniadau uchod yn ddangos, nid rooney sydd 100% ar fai (agosach at 90%).

Oeddwn i yn cysidro dechrau edefyn arall yn gofyn beth yn union yw "Profiad o Dduw" a gofyn i'r Cristnogion am eu "profiad" nhw ond nai ddim oherwydd mae na ormod o bynciau am grefydd fel mai a hefyd mae'n siwr fod yr ateb yma rwla yn barod (os fedrith rhywun weld ateb i'r cwestiwn gai linc i'r edefyn? Siwr bod Rhys neu rhywyn arall wedi ateb o yn barod, siawns?)

[Lletwad Manaw]

ZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZZ!!!!!!!!!!!!!!!!!!!!