Dadleuon Theolegol diflas yn strywio'r maes

[Llefenni]

Be uffar sy'n digwydd i Faes-e yn ddiweddar lads?

Mae'r holl ddadleuon Cristionogol hirwyntog ma i weld yn cymeryd drosodd o bynciau eraill y maes - mae hi'n dod yn anoddach fyth i gael darllen pynciau sy' ddim yn ein hannog i beidio mynd i uffern a.y.b.

Maddeuwch i mi os dwi'n bod yn hy' - ond oes na unrhywun arall yn teimlo eu bod bron â chael poen bol o'r dadlau di-derfyn theolegol ma?

[Gwyn]

Cytuno, wy'n gorfod 'sgrolio lawr' lot gormod cyn cyrraedd edefyn pel-droed neu rygbi!

O ddifri tho, o'n i actually'n ystyried dachre edefyn tebyg fy hun! Dim cymaint achos yr holl ddadlau 'theolegol', ond achos bod lot gormod o bobol yn dod ar y maes yn arbennig i gwmpo mas. Ma'n pathetic. Wy'n siwr pan gafodd maes-e ei greu, y pwrpas odd creu safle cyfeillgar lle galle pobl o Gymru ddod at ei gilydd i drafod a chymdeithasu fel oedolion (dyna pam nes i ymuno beth bynnag).

Y peth gwaetha am yr holl gwmpo mas ma yw'r bobol hynny sy wastad yn meddwl bo nhw'n iawn (ac oes, ma lot ohonoch chi, a chi'n gwbod pwy ydych chi) Y gwir yw bod gan bawb farn, ac mae'n bryd i lot o ddefnyddwyr y wefan hon gydnabod a deall na, yn lle bychanu pobl eraill am fod ganddyn nhw safbwynt gwahanol.

[ger4llt]

Fi fyd! Blydi hel...ma pawb jysd yn troi mewn cylchoedd dieflig o be wela i...dadleuon dibwynt diderfyn

Dechreuodd o i gyd o'r edefyn "Lle ma'n pobl ifanc?" a ryw sylwadau dadleuol yn fan'na - a dyma

ROONEY

yn mynd ar gefn ei geffyl a phob dim yn mynd yn nyts. Diolch yr fawr.

[sian]

Mae 'na gylch i aelodau - Cylch y Cristion - efallai y byddai'n bosib symud rhai o'r trafodaethau i hwnnw - ond wedyn fyse hwnnw'n colli ei bwrpas o fod yn gylch "i bawb sy'n cydnabod Iesu fel eu gwaredwr".

Ydi'r system "ffrind neu elyn" yn dal i weithio? Dim amser i chwilio amdano nawr - ond gan fod amryw o bobl yn cyfrannu at faterion 'crefydd' yn unig, efallai y byse modd defnyddio hwnnw i anwybyddu eu negeseuon nhw.

Efallai mai un ateb fyddai i bobl beidio ag ymateb os ydyn nhw'n meddwl bod rhywun jest yn pigo ffeit.

[Macsen]

Wel chi methu cwyno jesd oherwydd bod y Maes yn brysur eto. Fuodd hi'n farw yma am fisoedd a falle mai dyna pam ydach chi'n meddwl fod yna ormod o drafodaethau?

Dw i wedi gorfod dioddef gweld pynciau am gerddoriaeth a pel-droed am flynyddoedd. Mae fy llygadau'n gwaedu. Roedd Fydd a Crefydd yn seiad preifat tan yn ddiweddar, ond wela'i ddim rheswm dros ei breifateiddio (northern rock style?) unwaith eto heb wneud yr un fath i bob seiad arall 'fyd. Os ydach chi misho darllen y dadleuol hirwyntog am grefydd, peidiwch a mynychu'r seiad Ffydd a Crefydd (ma'r cliw yn y teitl).

[Dan Dean]

Dadleuon Theolegol ddim digon ffit i fod yn gyhoeddus ar maes-e? Dadl darwinaidd iawn.

Be uffar sy'n digwydd i Faes-e yn ddiweddar lads?

Gyda aelodau newydd fel Gwenthingi a Seinyllt ab Wmffree i adio at rooney mae ffwndamentalwyr cristnogol yn brysur cymeryd drosodd. Hwre.

[ger4llt]

peidiwch a mynychu'r seiad Ffydd a Crefydd (ma'r cliw yn y teitl).

Y rhan fwyaf o'r amser pan 'dwi'n mynychu'r maes, clicio ar "Negeseuon Newydd" dwi'n ei wneud gan fod gen i ddiddordeb yn nifer o seiadau. Yr unig beth dwi'n weld y dyddiau hyn yw negeseuon Ffydd a Chrefydd yn frith yno. Busasa'n neis cal dewis "ffrind a gelyn" neu wbath tebyg ar hwnna i'w ddidoli ella? Dim ond syniad.

[Gwyn]

peidiwch a mynychu'r seiad Ffydd a Crefydd (ma'r cliw yn y teitl).

Y rhan fwyaf o'r amser pan 'dwi'n mynychu'r maes, clicio ar "Negeseuon Newydd" dwi'n ei wneud gan fod gen i ddiddordeb yn nifer o seiadau.

Dyna dwi'n neud hefyd, a gyd wy'n gweld yw pobol yn cwmpo mas dros ddim byd! What's the world coming to? Allith rhywun weud wrtha i be sy'n bod ar ymatebion fel "dwi ddim yn cytuno da hynny" a "dim felna dwi'n gweld pethe"? Gyd wy'n weld yn aml yw "ti'n siarad sh*t" ac ati! (dylen i wbod, wy di bod on the receiving end lawer gwaith, a dim ond am leisio barn onest!)

[Hogyn o Rachub]

Teg dweud bod yr adran Ffydd a Chrefydd yn brysur iawn ar y funud ond does neb yn gorfodi neb i ddarllen yr edefai yno nacoes!!

Er, dw i'n dueddol o feddwl bod y dadleuon yno'n troi'n gymysgedd eithaf cas o hunangyfiawnder Cristnogol aneniadol a gwrth-Gristnogaeth sy'n eithaf milain ar adegau - ond wn i ddim a oes rhywun arall yn cytuno efo'r dadansoddiad hwnnw...

[Macsen]

Hmmm pan dwin gwasgu 'Negeseuon Newydd' ar y funud dwin gweld tua dau edefyn crefydd a tua wyth edefyn gigs, felly sdim lot o le i gwyno nagoes...