Codi safon maes-e

gan **nicdafis** » Sul 12 Hyd 2003 1:21 pm

Dw i'n chwilio am ffyrdd i wneud maes-e yn fwy diddorol i'w darllen, ac yn llai plentynaidd. Dw i'n colli diddordeb yn y lle fel mae hi, ac os dydy pethau ddim yn gwella bydda i'n ei chau yn gyfan gwbl, neu ei gwerthu i unrhywun sydd â diddordeb.

Un peth hoffwn i wneud yw rhoi terfyn ar faint o edefau newydd gall un aelod ddechrau mewn dydd. Wedyn, falle, bydd pobl yn <i>meddwl</i> am funud cyn postio edefyn di-werth arall.

Syniadau / awgrymiadau?

gan **gwyn wyn** » Sul 12 Hyd 2003 1:28 pm

fel person sy'n gymharol anabl ar y we sai'n deallt shwt mae gwefan fel maes-e yn gwitho. Er engraifft, Nic rwyt yn son am ei gwerthi... Shwt mae elwa oddi arno'r we? Fi'n sylwi bod dim hysbysebion i'w gal yma. Ife gwefan di elw yw'r maes?

Fi'n mwynhau y maes yn enfawr.

gan **nicdafis** » Sul 12 Hyd 2003 1:44 pm

Ie, gwefan di-elw yw hi, hyd yn hyn.

gan **pogon_szczec** » Sul 12 Hyd 2003 1:57 pm

I Nic:

Wel ti'n siwr o gael rhai edefynau/negeseuon plentynaidd am fod rhai bobl yn blentynaidd.

Ac mae phethau sy'n ymddangos yn blentynaidd i ti yn wir ddoniol i bobl eraill.

Problem arall yw'r ffaith bod rhai bobl yn defnyddio'r maes fel stafell sgwrsio yn hytrach na negesfwrdd 'ddifrifol' ac felly mae'n angen setio un lan.

Yn wahanol i negesfwrdd Saesneg ei hiaith mae maes-e yn darparu gwasanaeth i bobl o genedlaethau gwahananol gyda diddordebau a chredau gwahanol ac yn y blaen.

Yn amlwg ti ddim yn elwa o'r negesfwrdd hon, ond yn fy marn gallet ti ('set ti mo'yn) am nad oes negesfwrdd arall (hyd y gwn) trwy gyfrwng y Gymraeg sy'n werth ymweld a fe. Wyt ti'n gwrthod elwa o'r maes oherwydd rhyw egwyddor ffol?

Ym fy marn, (os nag oes ots da ti clywed fy nghyngor) ddylet .........

1 Caria mlan, (os wyt ti'n becso am ddyfodol y Gymraeg) , mae'r wasanaeth yn wirioneddol werthfawr, ac yn rhoi cyfle i bobl sy ddim yn byw yng Nghymru (fel fi) cyfathrebu trwy gyfrwng y Gymraeg.

2 Paid a becso am negeseuon/aelodau twp. Gelli di ddim rheoli pwy sy'n ymuno a fe.

3 Treia elwa o'r maes. Gelli di gynnwys hysbysebion er enghraifft. Falle fyddi di'n cael grant o ryw sefydliad sy ishe hybu defnydd y Gymraeg. Os yw maes-e yn cymryd lot o dy amser prin dwi'n meddwl dylet ti gael dy dalu amdano. Tasen i yn dy le, yn ddi-os basen i'n treial elwa.

Dwi wedi sylwi taw tiwtor Cymraeg i oedolion wyt ti. Yn fy marn, mae rhedeg rhywbeth fel y maes (falle) yn gwneud mwy o les i'r Gymraeg na dy waith pob dydd.............

gan **nicdafis** » Sul 12 Hyd 2003 2:36 pm

Wel yn sicr mae'n effeithio ar fwy o bobl!

Dw i ddim am geisio am grantiau achos does dim angen. Yr un peth am hysbysebion. Nid prinder arian yw fy mhroblem i, ond prinder amser.

Ar ei gorau, mae maes-e yn wych, a does dim unrhywle arall dw i'n joio cymaint. Ond ar ei gwaethaf, mae'n boring iawn, a fyddai wneud arian mas o'r peth ddim yn wneud e yn fwy diddorol.

gan **pogon_szczec** » Sul 12 Hyd 2003 2:39 pm

nicdafis a ddywedodd:
Dw i ddim am geisio am grantiau achos does dim angen. Yr un peth am hysbysebion. Nid prinder arian yw fy mhroblem i, ond prinder amser.

Ecsentrig milioner wyt ti felly?

gan **nicdafis** » Sul 12 Hyd 2003 2:56 pm

Nage. Dwedais i nad yw prinder o arian yn broblem i fi - dydy hynny ddim yr un peth â dweud bod llawer o arian 'da fi. Dw i'n ennill llai o arian nawr nag o'n i 10 mlynedd yn ôl, ond dw i'n llawer hapusach achos dim ond dau ddydd a hanner yr wythnos dw i'n gorfod gweithio (ac hynny yn waith eitha dymunol).

Fyddai troi maes-e yn job ddim yn helpu. Dw i ddim moyn mwy o waith, dw i moyn mwy o hapusrwydd ;-)

gan **nicdafis** » Sul 12 Hyd 2003 3:01 pm

O, ac os wyt ti'n poeni amdana i, gweithio am ddim yn pyllau halen Llangrannog, cei di <a href="http://www.amazon.co.uk/exec/obidos/registry/wishlist/026-9702680-1006064">brynu anrheg i fi</a> a chroeso. Neu hyd yn oed, <a href="http://maes-e.com/viewtopic.php?t=1565">prynu crys-T maes-e</a>.

gan **Macsen** » Sul 12 Hyd 2003 4:46 pm

Os wyt ti am godi safon maes-e, Nic, postia'r edefyn canlynol yn y Blwch Tywod:

Os da chi lot yn cario 'malen y ffwlbri gwirion yma a ddim yn chwarae yn neis, mi wna i gau Maes-E i lawr am byth.

---------------------------------------

Fel un sy'n hoff iawn o Maes-E ac yn dod yma bob yn ail ddiwrnod mi fysai'n gas gennyf i ei weld o'n cau. Dwin siwr os fysai pawb yn deall faint o niwsans ydi nhw mi fysan nhw'n shapio fyny.

gan **Gruff Goch** » Sul 12 Hyd 2003 7:31 pm

Yn anffodus, gan fod llawer o'r maeswyr (fi yn gynwysiedig) yn cael mynediad ar i'r Maes yn y gweithle, mae'r amser y mae pobl yn fodlon rhoi i gynnal trafodaethau call yn gyfyngedig; haws cymryd rhan mewn trafodaeth 'ysgafn', di feddwl yn ystod dy amser paned na mynd ati i sgwennu llith gytbwys ar be sy'n bod efo iaith/crefydd/cymdeithas etc.

Efallai fod enw'r maes, 'Maes-E', hefyd yn denu to ifanc a llai parod i drafod pethau yn gall ac yn aeddfed na phetai'r lle wedi ei enwi'n E-Orsedd neu rhywbeth felly...

Wedi dweud hynny, ma'r lle yma'n rhyfeddol o ddiwylliedig a chwrtais i gymharu efo'r rhan fwyaf o negesfyrddau dwi 'di ymweld â nhw. Ma' pobl yn tueddu i fod yn llai cwrtais ar fforymau nac mewn bywyd go-iawn- llai o siawns o gael slap, debyg.

Os nad wyt ti'n cîn ar y rwdlan, oes modd gwneud seiad arbennig lle nad wyt ti (nad oes neb?) yn gyfrifol am ei gynnwys, ac y gelli di ei anwybyddu? I fod yn onest, dwi'n meddwl ei bod hi'n werthfawr fod yna le i bobl rwdlan am bethau di-bwynt yn Gymraeg. Cadw hynny dan reolaeth ac osgoi achosion cyfreithiol/drwgdeimald ydi'r broblem.

Fasa pobl yn bihafio'n well tasa ti'n gorfodi nhw i ymaelodi dan eu enwau go-iawn (amhoblogaidd faswn i'n tybio)?

Unwaith eto Nic, diolch am dy amynedd!

Codi safon maes-e

Codi safon maes-e

Pwy sydd ar-lein