maes-e.com

Ti wastad yn mynd i gael pobol yn pisio o gwmpas a dwi wir ddim yn gwybod be alli di neud am hynna.

Dwi'n meddwl fasa creu stafell sgwrsio yn ysgafnhau y defnydd o'r maes ond fasa'n raid cael nifer o stafelloedd gwahanol gan fod un yn mynd i fod yn eitha crowded ag annodd iw ddilyn.

Dwi'm yn credu faswn i'n boddran efo fo fy hun deud gwir. Darllen y maes dwi'n hoffi fwya, a rhaid deud mod i'n bord braidd yn ddiweddar. Ia dwi'n clywad yr ymateb "Sticia bwnc trafod diddorol ta" ond ma'n siwr ma'r defnydd o'r lle fel lle sgwrsio ydi o.

Dwn im. Ma'r ru'n pobol dal am roi edefynnau ma nhw isio mewn os ti'n lleihau y nifer edefynnau y dydd. Ffyc it - IQ test cyn mynediad!...o na, faswn i off syth bin. Damia.

Tasa pobol yn anwybyddu edefynnau dwl ella fasa pobol yn stopio. Neu i'r cymedrolwyr jest dileu nhw neu gloi nhw. Onid hyn yw pwynt cymedrolwyr, ysgafnhau'r baich arnot ti i edrych ar ol y maes Nic? Rhagor o gymedrolwyr felly?

nicdafis a ddywedodd:Dw i'n ennill llai o arian nawr nag o'n i 10 mlynedd yn ôl, ond dw i'n llawer hapusach

Sori am newid y sgwrs unwaith eto trwy gyfeirio unwaith eto at bwnc flinedig gyfalafiaeth, ond mae meddylfryd da ti sy bach yn wahanol i fy un i.

Fy marn i yw .....

"Gem yw bywyd, ac arian yw'r ffordd yr ydym yn cadw sgor."

'Falle bo ti'n iawn. Falle bo ti ddim yn becso shwd gymaint ambwyti arian am nad wyt erioed di bod hebddo ..........

Ta waeth, os nad wyt ti'n or-hoff o'r stwff, gei di hala tipyn ata i?

pogon_szczecin a ddywedodd:Fy marn i yw .....

"Gem yw bywyd, ac arian yw'r ffordd yr ydym yn cadw sgor."

'Falle bo ti'n iawn. Falle bo ti ddim yn becso shwd gymaint ambwyti arian am nad wyt erioed di bod hebddo ..........

Shock horror! Mae RET yn anghytuno gyda pogon!!!!

Sai'n gwbod wir...

el arfer odd sgyrsiau yn dod i ben yn naturiol...ar y mwya o'n nhw'n tua 80 neges, ond fel rheol yn tua 25-30 neges. Wrth gwrs ma mwy o aelodau nawr = mwy o farn...mewn theori, ond beth ni'n gal nawr (fi'n siarad yn benodol am bethau fel Gwleidyddiaeth a Iaith) yw polareiddio barn i'r fath raddau fel fod pawb yn gwrthod symud modefedd- fi'n enwedig (!) - ac wedyn mae sgwrs yn dieddol droi a throi mewn cylchoedd diflas heb fod dim byd ffresh yn cael ei ychwanegu.

Ar yr eiliad hon fi'n diflasu cyfrannu at rai o ddadleuon poethaf Gwleidyddiaeth am modi'n gwbod beth fydd yr ateb - sef yr un un a'r ateb i'r cyfraniad blaenorol i fi roi. Heb fod bai ar neb (?!), mae hyn yn digwydd. Mae'n rhaid dod a therfyn i rhai trafodaethau, neu i gyfrannwyr feddwl am neges fwy gwreiddiol rhyw-ffordd fydd yn adeiladu'r edefyn.

O ran 'chat' ma hyn yn fy niflasu rywfaint am nad yw'n berthnasol i 99% arall yr aelodaeth ac yn torri ar drafodaeth. Boring litl shit, ydw, ond na fe Hynny yw, amser wy'n gweld fod neges newy i drafodaeth ddifyr mae'n 'ecseiting' meddwl - reit beth newydd sydd wedi cael ei roi, pwy bwynt nad ydw i wedi rhagweld sydd am doi'r ddadl ar ei phen' a wedyn ma cyfraniad di-bwynt fel: "Ma pwrs fi'n biws" neu rwbeth.

Ond wrth gwrs ma'r Maes yn golygu gwahanol bethau i wahanol bobol. I fi mae'n ffordd o finogi meddwl weithiau, ymestyn gwybodaeth, a deall fwy am bethau, tra'n mwynhau a chael hwyl (amser wedi ei 'wastraffu'n' adeiladol as opposed i wastraffu amser ffwl stop ) . I eraill mae'n ffordd o gadw mewn cyswllt a chyfeilion.

Sai'n gwbod wir...

Diolch i bawb am y sylwadau uchod. I ryw raddau problem bersonol fi yw e: dw i'n poeni amdano gormod. Swn i'n gallu bod yn fwy <i>laid back</i>, fyddwn i, coeliwch chi fi.

Gruff Goch a ddywedodd:Os nad wyt ti'n cîn ar y rwdlan, oes modd gwneud seiad arbennig lle nad wyt ti (nad oes neb?) yn gyfrifol am ei gynnwys, ac y gelli di ei anwybyddu? I fod yn onest, dwi'n meddwl ei bod hi'n werthfawr fod yna le i bobl rwdlan am bethau di-bwynt yn Gymraeg.

Yn y fersiwn newydd bondigrybwyll (na fydd gyda ni am sbel hir eto - o'n i'n meddwl erbyn y Dolig, ond dydy hynny ddim yn debyg) bydd yn bosib i gael seiat lle dydy'r negeseuon ddim yn cyfri tuag at yr ystadegau. Dw i'n rhagweld y bydd y Blwch Tywod yn rhan ar wahan i'r maes yn y dyfodol, lle caiff Ein Pobl Ifainc fynd ati a fydd dim rhaid i mi ymweld â'r lle o gwbl.

Un peth sydd yn fy mhoeni yw bod cyfryngis y cigfyd mor ddi-glem am sut mae'r we yn gweithio, y bydda i'n gweld maes-e ar glawr ffrynt Golwg neu'r Cymro un dydd gyda rhyw penawd dwp am gasineb ar y we, a fy enw i yn y paragraff cyntaf.

Un peth sydd yn fy mhoeni yw bod cyfryngis y cigfyd mor ddi-glem am sut mae'r we yn gweithio, y bydda i'n gweld maes-e ar glawr ffrynt Golwg neu'r Cymro un dydd gyda rhyw penawd dwp am gasineb ar y we, a fy enw i yn y paragraff cyntaf

.

Da ni newyddiadurwyr wir yn evil, yn tydan? Dwin reit siwr neith hynny ddim digwydd, ddo. Mi fysa fo'n cymeryd slow news day go iawn i gael 'Sgandal Maes-E!' ar y tydalen flaen.

Os dach chi isho chat room cymraeg ewch i: http://aledrjones.me.uk/Siarad/default.asp

Wedi cywiro y ddolen uchod.

Mae wefan Aled : http://aledrjones.me.uk/Siarad/default.asp wedi datrys y broblem dwi'n sicr.

Jyst gwneud yn siwr bod pobl yn gwybod amdani.

Un peth sydd yn fy mhoeni yw bod cyfryngis y cigfyd mor ddi-glem am sut mae'r we yn gweithio, y bydda i'n gweld maes-e ar glawr ffrynt Golwg neu'r Cymro un dydd gyda rhyw penawd dwp am gasineb ar y we, a fy enw i yn y paragraff cyntaf.

Paid phoeni Nic - fi fydd gyda ti y pryd 'ma

Wedi dy erthygl (hynod o dda) yn y cylchgrawn Barn, efallai bydd pobl fwy gall na ni yn ymuno. -

Dwi wedi bod mewn canol nifer y problemau, a wedi dysgu oddi wrthyn nhw. Tebyg yw e bod pobl erill wedi gwneud yr un peth. Dylen ni, y sawl sydd wedi gweld y problemau codi yn y gorffennol, cadw llygad ar bethau a drio bwyllo pethau ar dy gyfer di Nic. - dwi wedi peidio bod yn eironig/sargastic/twp ayyb. siwr o fod gallai erill yn dysgu'r un gwers.